التصويت و التعليق بين الفقرات لطفًا🕯
#سم الرقشاء
•••
دِخلت للبيت اباوع الكُل واكف يم البُحيرة و يعيطون و ادم هاجّم على رقشاء و يفاككون بيهم حولت انظاري لأبراهيم كاعد بلأرض و مخليّ انس مستلقي على الأرض
يسويله تنفس اصطناعي و سواها كم مرة بعدين دلّك قلبه و بدأ انس يطلع ماي من فمه و يكُح بما انُ ابراهيم دكتور فهوه يعرف الاجرائات اللازمة بهاي الحالات
ويسوي كُلشي بهدوء بدون هلع شاف انس بدأ يتحسن ويستجاب شويَّ استقام و راح ل آدم المجنون يضرب و يعيط لزمه من ياخة قمصيه و سحله للسيارة
نوح حَّمل انس و بدأ يسوق ساعدهُم لأن كلهن اعصاب و متوترين اتوجهو للمستشفىٰ
هيثم-: شصار رقشاء اتكلمي؟
كُل الانظار عليهه وهيه ساكته و صافنه بالفراغ وجهه مابيه ملامح فقط عيونها مليانة دموع اتكلمت عمتي ام ادم بهدوء
-: مو ذنبها اتركو الابنية هسه اخذوه للمستشفىٰ و ان شاءالله ماكو شي
ناز-: اي صح
الحِلو بعمتي ام ادم مُسالمه و حالها حال نفسها ماتهتم لأحد باوعت على رقشاء بعدها صافنه و واكفه و هاجر تبجي و منهّلعه لزمت أديها امسح عليهن و أحاول اهديها
ناز -أهدي ياحبيبتي مو زين هيج و أبنج راح يرجعلج سّالم
حاولت اواسيها لكن محاولاتي أبت بالفشل مسكتها اريد اساعدها توكف بس رجليها يوكعن
-: ماما يعني ماتشوفين الابنيه متأذيه تعالي ساعديني ندخلها للبيت
أجت أُمي متشمته و تحاول تخفي ابتسامتها لزمت هاجر و خليناها توكف دخلتها للبيت و انطيتها مَي تبجي تناشغ
طلعت أشوف رقشاء بمكانها تقضم اضافرها و هيثم واكف و اخوانه يتكلمون بخفوت و صّوت ماينسمع الواضح يحاولون يعرفون الي صار
ناز-:تعالي دخلي
اتكلمت متلبكه و قلق-: ناز ساعديني اطلع منا لايجي ابوي
ناز-: شلون اساعدّج و وين ترحين ماكو حل
أتنهدت بضيق و نثرت شعرها تفكر كعدت بلأرض محتاره مبينه كُلش قلقانه من ردة فعل ابوها و العقاب الي راح يسويه
هيثم و اخوانه راحو للمستشفىٰ بعد مااجالهم اتصال من ابراهيم احتاريت ويا رقشاء و اني لحد الآن مافهمه غير انُ انس غرق
اتنهدت و استغفرت ربي أجت فكرة ببالي ماكو غيرها
ناز-: روحي للشخص الي متأكدة راح يكذب الكُل و يصدكج
أنت تقرأ
سم الرقشاء
Mystery / Thrillerالرقشاء ، حيثُ الداهية و الغرابة هل تعرفُ طَريِقها أم ضلِلتّ الطِرقّ لّقد ضعفّت يومًا و تمنت المَمات تعذَبت و خانّت بِها الحياة أتَبّقى بالعذاب مِن دّونَ ذنبٍ .. _______ بقلمي : قَمر ألليِلّ
