السلام عليكم
هذا اول بارت أتمنى انه ينال إعجابكم
يوم الخميس الساعه4 العصر
في بيت بوحارب
شما: هزاااااااع
هزاع هو ميت ضحك: شوو
شما: ليش ماكل الاسكريم مالي
هزاع: شفيج معصبه انزين...أنا ماكلته
شما معصبه: اجذب علهندي مب عليه
هزاع: خلاص بدال الواحد ايبلج عشر
شما:.........
هزاع: زعلتي
شما: اجلب ويهك
هزاع:الحين بروح وبيبلج ثاني
شما: اوكي
هزاع: تبين تروحين وياي
شما: بخبر أبويه أول
هزاع: تمام
راحت شما عند أبوها
طق طق طق
بوحارب: تفضل
دخلت شما المكتب
شما: السلام عليكم
بوحارب:وعليكم السلام
شما: أبويه
بوحارب: نعم
شما: الله ينعم عليك... أبويه أنا وهزاع بنروح دكان الحاره
بوحارب: تمام... هاج 100
شما: حق شو كلفت عمرك أبويه
بوحارب: لا كلافه ولا شياته... ترا انتو عيال لازم اصرف عليكم
شما: شكرا ابوي
بوحارب: عفوا
طلعت شما من مكتب أبوها وراحت عند هزاع
هزاع: ساعه ساعه لين ماتين
شما: شفيك جي معصب
هزاع: مادري منو الي مخلني أخيس برا
شما: انزين يلا نروح
راحو شما وهزاع الدكان مشي لأنه عدال بيتهم
شما شرت الدكان كامل
هزاع: حشه حق منو هذا
شما: حقي
هزاع: بسم الله بتصيرين دبه
شما: بسم الله علي
هزاع: يلا دفعي
شما: انته ادفع
هزاع: لا والله
شما: مب انته الي عازمتي
هزاع: خلاص انزين
دفع هزاع وردو البيت
اول مادخلو الصاله لقو ام حارب فالصاله
