السلام عليكم
..........................................
اول ما وصلو بيت اليد راحو يسلمون عليهم
راحو الريايل الميلس و الحريم راحن الصاله
فميلس الريايل
اليد: يا عيالي
الريايل: آمر، نعم
اليد: ما يأمر عليكم العدو......... شرايكم نروح العزبه نغير جو ونقعدلنا يومين
بوسلطان: أنا ماعندي مشكله
بوراشد: حتى أنا
هزاع: يدي لاتنسانا ترا نحن نبا دراجات
منصور: هيه يدي نبا دراجات عشان نستانس
بوحارب: أنا شاري دراجات يداد...... بس ترا مب كلهم حقكم
ذياب: خالي الحين انته كم دراجه شاري
بوحارب: ماذكر أنا منزمان شارنهم
حامد: خلاص يوم نروح العزبه بنشوف
اليد: خلاص الكل معزم يروح
الريايل: هيه، نعم
اليد: شباب واحد منكم يروح يخبر الحريم
هزاع ومنصور: أنا
اليد: خلاص روحو بثنينكم
راحو هزاع ومنصور صاله الحريم
دق هزاع الباب
هزاع: هود هود
اليده: يابنات لبسن شيلكن
البنات لبسن شيلهن
اليده: هدا هدا
دخلو هزاع ومنصور الصاله
هزاع: يدوه...... يدي يقول بنروح العزبه اليوم بعد الغدا
منصور: هيه ترا بنبات فالعزبه
اليده: هذي الساعه المباركه......
البنات يلسن يصارخن
ام حارب: صخن يا بنات ترا الشباب لين الحين مني
البنات: اوكي، تمام، إنشاءالله
اليده: خلاص يلا روحو انتو عشان بعد شوي بننجب الغدا
منصور: يلا مع السلامه
هزاع: شما تعالي وراي
شما مستغربه: اوكي
طلعو هزاع ومنصور ووراهم شما
شما: هزاع شو تبا مطلعني برا
هزاع: ترا بنرجع البيت
شما: اوكي
هزاع: ترا بعد بنخطف الجمعيه عشان نشتري شويه أغراض
شما: انزين...... تأمر على شي ثاني أستاذ هزاع
هزاع: ههههههه لا خلاص روحي داخل
