السلام عليكم
..........................................
فجاه تحس في واحد لاصق فيها
شما: بسم الله الرحمن الرحيم انته منو
......: انتي الي منو
شما: بسم الله بسم الله الرحمن الرحيم
......: شايفه يني
شما: تقريبا ياخي قول انته منو
......: يعني أنا منو
شما: ياخي بصفعك
......: شفيج عصبتي انزين
شما: لانك تقهر شو هذا
......: شو سويت أنا
شما: حشى عليك أبدا ماسويت شي
......: عشان بس وقفت وراج يعني
شما: هزاع قوم من عدالي ولا اخبر عليك ابوي
هزاع: انزين انزين بس لاتعصبين
شما: ليش ماتباني اعصب
هزاع: لانج مريضه
شما: هزاع روح عن ويهي
هزاع: انزين بس شو موعنج نص اليل
شما: أنا مب واعيه انا سهرانه
هزاع: هيه عشان جذي انزين شو قاعده تسوين
شما: قاعده اسوي بوبكورن
هزاع: شرايج تسويلي
شما: هب فايجه لك
هزاع: افا كيف هب فايجه لي
شما: أنا قلت كلمتي الحين قوم عن ويهي
هزاع: هذا آخر كلام
شما: هيه سرعه البنات يتريوني
هزاع: بنشوف منو بيوديج عقب
شما: عادي عندي اخوان غيرك
هزاع: اوكي بنشوف
شما: باي بروح
راحت شما الحجره
روضه:جان نمتي بعد
شما: في سالفه قويه توها مستويه
مهره: شو هي
شما: صبري يلي مافيج صبر خليني اقعد
مهره:انزين يلا
قعدت شما معاهم
شما: تخيلو وأنا قاعده اسوي البوبكورن تميت اسمع أصوات غريبه
فاطمه: انزين
شما: تميت اسمي بربي بعدين قام الصوت يعلى اكثر وأكثر
روضه: اوكي
شما: بعدها من الخوف قلت الشهاده
البنات: هههههه
شما: مافي شي يضحك
فاطمه: لا يصدق
شما: انزين خلوني أكمل
البنات: كملي
شما: بعدها حسيت في حد وقف عدالي
روضه: جنه فلم رعب
شما: اقول مب بس وقف عدالي إلا لصق فيني
فاطمه: اويه منو هذا
شما: أنا سميت بربي قلت انته منو جان يرد علي انتي الي منوه
وديمه: انتي شو رديتي عليه
شما: قلت بسم الله الرحمن الرحيم جان يقولي شايفه يني
البنات: هههههه
شما: قلت له تقريبا تميت اساله انته منو بس مب طايع يخبرني
روضه: عطينا من الآخر يلا
شما: تخيلو من طلع
البنات: منو
شما: انتو قولولي منو تحسون
شمسه: حمد
شما: لا
مهره: حامد
شما: لا
وديمه: حارب
شما: لا
فاطمه: منصور
شما: لا
البنات عدا روضه: منو
روضه: أنا عرفت
البنات: قولي
روضه: هزاع
شما: هيه
روضه: شفتي كيف أنا افهمج
شما: هيه حبيبتي
مهره: شو كان يبا منج
شما: أونه شو موعنج الحين قلتله أنا مب وأعيه أنا سهرانه جان يقولي أونه شو تسوين
فاطمه: أنا اخواني عميان مايشوفون الشي الي تسوينه اهم شي انج تقولين شو قاعده تسوين
البنات: ههههههه
شما: شقصدج
فاطمه: مب قصدي شي
كملو سهرتهم الين الساعه 4:30
بعدها باتو في سبات عميق
...................................................
