إلتقينا واللقا قسمه مقدر

10

السلام عليكم

...................................................

عند شوق فالحجره

.....: الو

شوق: الو

.....: شحالج

شوق: بخير الحمدالله، انته شحالك

.....: من سمعت حسج صرت بخبر

شوق: عن العياره

.....: انزين شقاعده تسوين

شوق: ماشي، وأنت

.....: قاعد اسوي رياضه

شوق:يعني انه تسوي عضلات

.....: شرايح يعني لا اسوي رجيم

شوق: ههههه محمد لا تستهبل

محمد: دوم مب قاعد استهبل

شوق: انشالله

محمد: يحيج

شوق: الله يحيك

فهلحضه دخلت عليها ميره

شوق: اقول حمده بعدين نتشاوف وياج فالكوفي

محمد فهمها: يلا عليل مع السلامه

شوق: مع السلامه

بندت شوق

ميره: حمده عيل

شوق: هيه فيها شي

ميره: هيه وايد أشياء

شوق بلعت ريقها: انتي سمعتي

ميره: شرايج يعني

شوق بخوف:يعني انتي سمعتيني

ميره: أكيد اني سمعتج

شوق بخوف: في حد سمع غيرج

ميره: مادري إذا في حد سمع بعد

شوق تدعي انه محد سمعها غير ميره

ميره: الحين انتي تكلمين هذا

شوق: هيه ليش شوفيه

ميره: لا حبيبتي مافيه شي

شوق: شو الي مافيه شي

ميره: أنا الحين بخبرج شو بيصير بعدين إذا تميتي تكلمينه

شوق: انزين قولي

ميره: بس قبل ماخبرج انتي تطلعين وياه

شوق: هيه مرتين

ميره: اوكي انزين انتي تصوريله ويهج

شوق: هيه ليش

ميره بعصبيه: انتي ماتخافين ربج تصوريله ويهج وفوق هذا تطلعين وياه

شوق: شو يعني إذا صورت ويهي وطلعت وياه

ميره: انزين هو يحبج

شوق: هيه

ميره: انتي تحبينه

شوق: هيه