السلام عليكم
.................................
حصه: اقول ودوم
وديمه: هلا
حصه: ماتحسين انه شموه كل ماتي العزبه ياها شي
وديمه: هيه لاحضت يمكن عين ولا شي
حصه: مسكينه شفتيها امس كيف غدت
وديمه: هيه مسكينه بعدين ليش هزاع تم يركض وراها
حصه: يقولون انه ماطاع تعطيه السويت مالها بعدين عصب
وديمه: حق شو يعصب
حصه: شدراني يمكن شموه استفزته
وديمه: ماينلام إذا هي استفزته
حصه: آخر شي إلا طاعت عليه
وديمه: رحمتها خلاص أصلا هو دوم يروعها
حصه: هيه ذكرتيني كيف امس روعها فليل
وديمه: ياخي يليت عندي اخو نفس هزاع
حصه: لا حبيبتي انتي ماتبين اخو نفس هزاع
وديمه: ليش
حصه: شموه تقول انه كل شوي يقلب عليها بس يعني مرات يصير الأخو الحنون فجاه يقلب يصير الرجل القيور
وديمه: هههههههه
.................................
فجاه منصور وهزاع يو
شما مب ما انتبهت إذا في حد ياي
روضه تصارخ: شششمممااا
شما لفت عليها
فجاه دعمها منصور بالخيل
بعدين روضه راحت ركض عشان تشوف شو صار حق شما
روضه: ششمماا
شما ماترد
روضه: شموووه ردي علي
شما بعدها ماترد
روضه تمت تصفعها عالخفيف: شمووه يلا قومي... شمييم
نزلو هزاع ومنصور من الخيل بسرعه وراحو صوب شما وروضه
هزاع زايغ: شو فيها شما
روضه تصيح: ماعرف
هزاع شل شما وراح السياره ولحقوه روضه ومنصور
هزاع: روضه ركبي عند شما
روضه: اوكي
راحت روضه تركب ورا مع شما
وتوجهو طيران عالمستشفى
ودوها غرفه العمليات
روضه: يارب مايصير شي
منصور وهزاع: آمين
إذن العصر وهم بعدهم يتريونها
هزاع: شرايكم تروحون تصلون
روضه ومنصور: الحين بنروح
تقدم منصور وراح المصلى
روضه بعدها واقفه مكانها
هزاع: شو تسوين وقفه هني روحي صلى
روضه حست بإحراج، قالت فخاطرها: أنا ليش للحين واقفه مكاني
هزاع: حوووه أنا اكل منوه
روضه يتها لحضه إدراك جان تشرد عنه
هزاع يضحك: صدق انها هبله
فمصلى
منصور خلص صلاته وقعد يدعي
منصور: اللهم يا مسهل الشديد، وملين الحديد، ويا منجز الوعيد ويا من توكل كل يوم في أمر جديد، أخرج مرضاناومرضى المسلمين من حلق الضيق إلى أوسع الطريق. اللهم ألبسه ثوب الصحة والعافية عاجلا غير آجل يا أرحمالراحمين. أسأل الله العظيم رب العرش العظيم أن يشفيك وسائر مرضى المسلمين.
قبل لايخلص منصور الدعاء دخل هزاع المصلى
هزاع: تقبل الله
منصور: منا ومنك صالح الأعمال
هزاع: والله لو هي حرمتك ما بتدعيلها هالكثر
منصور يضحك: وأنت الصادق
هزاع: صدق انك خربوط
منصور: لاوالله
هزاع: اقول روح شوف أختك
منصور: شفيها اختي
هزاع: شدراني
منصور قام وراح عند غرفه العمليات
وشاف روضه
منصور: شفيج
روضه حضنه منصور وصاحت
منصور بادلها الحصن
منصور: شفيج روضوه
روضه بس تصيح
منصور تم يمسح عضهرها
منصور: بس حبيبتي خلاص حصل خير
روضه: كله مني أنا خليتها تروح
منصور: حبيبتي لاتقولين جي
ياهم هزاع: شفيكم
منصور: مافينا إلا الخير بس هاي بزايه(دلوعه بمعنا آخر)
شوي وتطلع الدكتوره كلهم راحو عندها
هزاع: شو صار
الدكتوره: انتو اهلها
الكل: هيه
الدكتوره: ترا البنت دخلت فغيبوبه
الكل أنصدم واكثر وحده انصدمت هي روضه
روضه تحاول تتكلم بس مب قادره: كي...كيييف...ف
فجاه..................
..........................................
