သစ်ခုတ်သမားအဖြစ် ရော်ဘင်ဟုဒ်ဟာ စျေးထဲပတ်ပြီး အသီးအရွက် အဆာပလာတွေဝယ်နေရင်း အမြင်မတော်တာတစ်ခုကို မြင်လိုက်ရတယ်။
သူအဲ့ဒီနေရာအနားကိုသွားပြီး
''အဖိုး......အဆင်ရောပြေရဲ့လား....''
သူစိုးရိမ်စိတ်နဲ့မေးတော့အဖိုးကပြန်တောင်မဖြေနိုင်ရှာပါဘူး။ အတော်လေးမောပန်းနေတဲ့ပုံပါဘဲ။
''အဖိုး....ခဏနားမလား....ကျတော်ဆိုင်ကြည့်ပေးထားပါမယ်.....''
ပြောလည်းပြောရင်း လက်ထဲက စျေးဝယ်ထားတဲ့အထုပ်တွေကို လုံခြုံမယ့်နေရာချလိုက်ပြီး ဆိုင်ပိုင်ရှင်အဖိုးကို လဲလျောင်းလို့ရအောင် နောက်ကခုံတန်းပေါ်ကို အသာတကြည်လေးတင်ပေးလိုက်သည်။
''ကျေးဇူးပါလူလေးရယ်......''
''ရပါတယ်.....အနားယူပါ.....လုပ်အားခအဖြစ်တော့....အဖိုးရဲ့ဆိုင်က ပစ္စည်းတစ်ခုဘဲပေးလို့ရပါတယ်.....''
သူပြောလိုက်တော့အဖိုးကပြုံးပြီးလက်ခံလေသည်။
အဖိုးအိုအနားယူနေတော့ သူဆိုင်ဘက်လှည့်၍လာဝယ်မည့် သူများစောင့်သည်။
''အဖိုးရဲ့ကုန်ပစ္စည်းတွေကလှသား.....မာရီယန်အတွက်တစ်ခုယူထားရမယ်.....''
အလှဆုံးသော ကမာခွံလေးကိုသူကောက်ကိုင်လိုက်ပြီး သူစျေးဝယ်တဲ့အထုပ်လေးထဲကို ထည့်ထားလိုက်သည်။
ထို့နောက်တွင်တော့သူစောင့်နေတဲ့ဆိုင်လေးကိုရှားပါးဧည့်သည်ရောက်လာသည်။ အစတော့သူမျက်နှာကိုမကြည့် ထိုဧည့်သည်ရွေးနေသည်ကိုပင်ကြည့်နေမိခြင်း။
''ဂျွန်နသန်.......တစ်ခုလိုချင်လို့လား.....''
ဒီအသံ။ ဒီနာမည်။
''အင်း....ကိုယ်တော့်ကိုတစ်ခုလောက်ဝယ်ပေး.....''
သူတကယ့်ဟာတွေနဲ့မှလာတိုးနေသည်။ ဒါမင်းသားဂျွန်နဲ့ နော့်တင်ဟမ်မြို့စားဘဲသူမော့ကြည့်လိုက်တဲ့အချိန်မြင်ရတဲ့မြင်ကွင်းက သူ့ကိုအံ့သြမှုအပြည့်အဝပေးရှာသည်။
မင်းသားဂျွန်ကသာမန်အရပ်သားဝတ်စုံဝတ်ပြီး နော့်တင်ဟမ်မြို့စားမင်းရဲ့ ပခုံးပေါ်သို့ သူ့မေးကိုတင်၍မှီထားလေသည်။
YOU ARE READING
A Villain's Sacrifice (Complete)
Romanceဘုရားရေ ရော်ဘင်ဟုဒ်ဝတ္ထုထဲဝင်ပြီး မင်းသားဂျွန်ကိုမှချစ်မိသွားတယ် ဘုရားေရ ေရာ္ဘင္ဟုဒ္ဝတၳဳထဲဝင္ၿပီး မင္းသားဂြၽန္ကိုမွခ်စ္မိသြားတယ္