''မာရီယန်.....ကိုယ်ဒီမှာရှိနေလို့မရဘူး.....''
မာရီယန်က သူ့ကို လာတွေ့ပါသော်လည်းသူ့မှာပေးစရာအချိန်မရှိ။
''ကိုယ်....မြို့စားကိုစောင်ကြည့်ရမယ်.....''
''ကျမနားလည်ပါတယ်......ရှင့်ကိုမတွေ့တာကြာလို့စိတ်ပူတာပါ.......''
''အခုမပူနဲ့တော့ ဟုတ်ပြီလား.....''
မာရီယန်ရဲ့အပြောကိုပင် ပြန်နားမထောင်တော့ဘဲ မြို့စားရှိရာအခန်းဆီသို့အမြန်သွားရသည်။ အခုက ဝီလီတစ်ယောက်တည်းရှိနေသည်လေ။ ဟိုတခါကလိုလုပ်မှဖြင့်။
အိပ်ဆောင်ထဲရောက်တော့ ဝီလီကနှစ်နှစ်ခြိုက်ခြိုက်အိပ်နေလေသည်။
သူအိပ်ယာဘေးမှာဝင်ထိုင်လိုက်ပြီးပတ်တီးဖယ်ကာစ ဒဏ်ရာရ နဖူးလေးကို ကြည့်နေမိသည်။
ဒီဒဏ်ရာကရတဲ့အမာရွတ်ကတော့ပျောက်တော့မည်မထင်။ မြို့စားသတိရလာပြီးနောက်တစ်နေ့မှာပြောတဲ့စကားတွေ သူ့ခေါင်းထဲပြန်ရောက်လာသည်။
''ဟုဒ်....ငါ့ကိုသေချာသင်ပေးပါ...ငါ့ဒဏ်ရာသက်သာရင်ငါအကောင်းဆုံး....အမြန်ဆုံးတက်အောင်ကြိုးစားရတော့မယ်.....''
''ငါယူလာတဲ့အရုပ်လေးကို....ငါ့အစားဖွက်ပေးပါ....''
သစ်သားဓားမြှောင်လေး။ ကျစ်ကျစ်ပါအောင်ဆုပ်ကိုင်ထားတဲ့ သစ်သားဓားမြှောင်လေးကို ဝီလီ့အစားသူကဖွက်ပေးခဲ့ရသည်။ သစ်သားဓားမြှောင်လေးက သူ့အတွက်ဘယ်လောက်အရေးပါနေပါသနည်း။
''ဝီလီ....မင်းက...မင်းအနားမှာရှိတဲ့လူတွေကို....ယိမ်းယိုင်အောင်လုပ်နိုင်သားဘဲ.......''
ဝီလီရဲ့ဒဏ်ရာရနဖူးလေးကိုသူတယုတယတမြတ်တနိုး ငုံ့နမ်းလိုက်ပါသည်။
သူ့ရဲ့အချစ်ကြောင့် မင်းရဲ့အမာရွတ်လေးပျောက်သွားပါစေလို့ဆုတောင်းရင်းပေါ့။
~~~~~~~~~~~~~~~~~~~~~~~~~~~~~~~~~
''သခင်.....သခင့်အမှတ်ကမကြာခင်ပြည့်တော့မယ်.....''
သူ့သခင်ကသူ့ကိုမကြည့်ပါဘဲအိပ်ယာထဲလူးလှိမ့်နေလေသည်။
ဒီရက်ပိုင်း သူစိတ်ပိုင်းဆိုင်ရာဆက်သွယ်မှုတောင်မလုပ်ပါ။ ခေါင်းကိုက်သည်ဆိုလို့။
![](https://img.wattpad.com/cover/367298610-288-k450208.jpg)
YOU ARE READING
A Villain's Sacrifice (Complete)
Romanceဘုရားရေ ရော်ဘင်ဟုဒ်ဝတ္ထုထဲဝင်ပြီး မင်းသားဂျွန်ကိုမှချစ်မိသွားတယ် ဘုရားေရ ေရာ္ဘင္ဟုဒ္ဝတၳဳထဲဝင္ၿပီး မင္းသားဂြၽန္ကိုမွခ်စ္မိသြားတယ္