يوم اللقاء

(يوم اللقاء) الحلقه ٣🌹

(فى منزل  حازم)

حازم بيحاول يهدى احمد ويطمنه.....ولكن من جواه حزين لانه كان سبب فى كل اللى حصل😞

حازم: خد اشرب الليمون ده يا احمد وحاول تهدأ

احمد بدموع وانهيار: انا مش عاوز اشرب حاجه
انا عاوز مراتى يا حازم بيه....هاتولى مراتى 😭
ده احنا لسه عرسان جداد وملحقناش نتهنا  ببعض😭

حازم: خلى ثقتك فى الله اكبر من كده يا احمد  وبإذن الله هنلاقيها

احمد: يااااارب😭

حازم: طب مش المفروض تكلم اهلها وتقولهم اااا

احمد قاطعه بإنهيار: عاوزنى اكلم اهلها اقولهم ايه يا حازم بيه
اقولهم بنتكم معرفتش احافظ عليها وضاعت
منى   😭

ولا اقولهم بنتكم عملت حادثه ومعرفش هى فين
 
ولا اقولهم .......بنتكم ماتت😭
أقولهم اييييه يا حازم 😭....أقولهم اييييييه😭

حازم :  بعد الشر عليها يا احمد... بإذن الله هتطلع عايشه وهنلاقيها......اوعدك

احنا يعتبر مسكنا طرف الخيط ...وعرفنا لون العربيه وشكلها
اينعم الارقام والحروف مش واضحين كويس
بس هنحاول نعرفهم ان شاء الله
وانا واثق إن ربنا هيوفقنا فى ده....انت بس قول
يا رب ....وخلي ايمانك قوى بربنا

احمد هز راسه: ونعم بالله.....😢
:::::::::::::::::::::::::::::::::::::::::::::::::::::
(فى منزل ام سيد)

قربت  ام سيد من شقتها  اللى فى الدور الأرضى
وهى جره شوال كبير فى ايديها وفضلت تبص حواليها 👀
وفتحت الباب ودخلت بسرعه وركنت الشوال على جنب
وبصيت على الشارع ليكون حد أخد باله منها
وقفلت الباب بسرعه

شافت ابنها سيد نايم على الارض🤨
ينيلك واااااد.......تموت فى الأكل والنوم زى اللى خلفك😠.....الاقيها منك ولا منه😡قطيعه

واد يا سيد.....انت يا ولااااااه.......يا واد قووووم

سيد😴

ام سيد: نومك تقيل زى اللى جابك😡
مااااشى يا سيد ......انا هعرف اصحيك ازاااى😠

ودخلت الحمام جابت جردل ميه ودلقيته علي وشه

سيد قام مفزوع😲انا معملتش حاجه يا ساعت الباشا
امى هى اللى قالتلى اسرق الفرخه من سطوح
ام ربيع😳

ام سيد مسكته من الفانله المقطعه اللى لبسها
واتعصبت عليه
بقا كداااا.... بتعترف علي أمك فى الحلم يا خسيس
😡
عاوز تودى امك فى داهيه يا سيد.....طب شوف مين بقا اللى هيطبخلك الفرخه يا عين امك 😠

سيد بخوف من امه: لا عاش ولا كان يا ام السيد  اعترف عليكى.......دى تخاريف احلام ما انتى عارفه إن نومى تقيل😒

ده انا رقبتى فداكى يا ام السيد وفدا الفرخه😒

ام سيد سابته..........ايوه كده اتعدل😠