يوم اللقاء

يوم اللقاء الحلقه ال ١٤🌹

السلام عليكم ورحمه الله وبركاته اخواتى واحبتى 🥰
موعدنا مع قصتنا اليوميه 🌹ويلا نصلى ع الرسول وندخل ع قصتنا ع طووول ❤️

اللهم تقواك 🤲🏼 والعمل في رضاك 🤲🏼

#جيهان_سلامه_البارودى
#محبه_الرحمن
#يوم_اللقاء

الحلقه ال ١٤🌹

ويلا بينا ع الحلقه الحلوه دى 😁.
.
.

البواب شافهم بيتحركوا بالعربيه وجرى وراهم
وبيحاول يلحقهم
🏃يا باااشاااااا 🏃يا باااشاااااا....استنى يا باشاااااا

وللأسف........ملحقش العربيه😒

خلاص بجا.........وانا هتعب نفسى ليه
ما هما اللى غلطوا فى الأسم....وانا مالى
هو انا كان عجلى دفترررر🙄
.
.
.
حازم: انا لحد دلوقتى مستغرب... ليه الحج مسعود كذب علينا
ولا يمكن نكون روحنا عنوان غلط

احمد بعصبيه: ولا غلط ولا حاجه.....والعنوان اللى روحناه هو اللى مكتوب فى الورقه
اكيد عمل كده علشان يلحق الطياره ويهرب قبل ما جريمته تنكشف😠

حازم : لاء بردوا.....انا مش مقتنع إن الراجل ده يكون بيكدب........طب إتاكد من العنوان كده
تانى يا احمد ..يمكن تكون غلطت وانت مش واخد بالك

احمد: يا ابنى بقولك هو العنوان زى ما مكتوب بالظبط.......حتى خد شوف بنفسك😠

حازم أخد منه الورقه وقرءها.....وهز راسه وسكت وهو مش مقتنع

احمد: هااا....صدقت ...... علشان اقولك ده راجل كداب واكيد علا جرالها حاجه وخاف يتفضح بجريمته
ووصى توفيق ابن اخوه يدارى على جريمته علشان ااااا

حازم وقف بالعربيه فجاءه وصوت الفرامل كان عالى جدااااا..........انت بتقول اسمه ايه 😳

احمد بعصبيه: في ايه يا حازم....وقفت فجاءه ليه😠

حازم بنرفزه: انت بتقول ابن اخوه اسمه ايييييه😠

احمد: جرا ايه يا حازم فى ايه 🤨

حازم بنرفزه: اتفضل إقرا وانت تعرف فى ايه🤨

احمد استغرب واخد منه الورقه ....وقرء الاسم

وفيق ااااا😳......يعنى اسمه وفيق.....مش توفيق

أفهم من كده انى غلطت فى الاسم ... والعنوان صح......والحج مسعود مكدبش علينا

حازم بغيظ: انت شايف اييييه😠

احمد: طب يلا بينا على هناك بسرعه ....يلا يا حازم ارجووووك..... مستني ايه 😧

حازم : أنا قولتلك الراجل ده إستحاله يكون بيكدب علينا.......ولف حازم بالعربيه ورجعوا على العماره🚙

....................................................
مصطفى: اسمعى كلامى بس يا ندا وادخلى قوللها

ندا: لاء يا عم مليش دعوه........انا خايفه تعرف
إننا بنكدب عليها وساعتها هتزعل منا
وهتتعب اكتر