يوم اللقاء

يوم اللقاء الحلقه ال ١٥🌹

السلام عليكم ورحمه الله وبركاته اخواتى واحبتى 🥰
موعدنا مع قصتنا اليوميه 🌹ويلا نصلى ع الرسول وندخل ع قصتنا ع طووول ❤️

اللهم تقواك 🤲🏼 والعمل في رضاك 🤲🏼

#جيهان_سلامه_البارودى
#محبه_الرحمن
#يوم_اللقاء

الحلقه ال ١٥🌹

(فى مكتب مستر محسن)

منه : الو.....ايوه يا ماما

ام منه بعصبيه: انتى فين يا بت انتى😠
انا دخلت الأوضه ملئتكيش....روحتى فين تاااانى
تعبتى قلبى😠

منه بإرتباك وبتفكر تقولها ايه: اصل اااا😒وبصيت لمحسن

اصل  بسنت صحبتى اتصلت بيا وقالتلى إن
مامتها تعبانه اوى ....وطلبت منى اروح معها  نوديها المستشفى... فنزلت بسرعه ونسيت اقولك

محسن😁👍

ام منه بعصبيه: نسيتى ايه يختى.........لييييه😠
قعده  كنبه فى البيت مليش لازمه عشان تنسى تقوليلى 😠
بقولك ايه يا بت إنتى.....انتى تيجى دلوقتى حالا قبل ما  ابوكي يحس إنك مش موجوده ويخلي وقعتنااا طين
انا قولتله انك عندك صداع ونمتى من التعب
يلا يختى إنزلى دلوقتى حالاااا قبل ما اطلق بسببك 😠

منك لله يا منه
خلتينى طول الوقت أكدب على ابوكى شويه وعلى خطيبك شويه......ده انا هروح النار بسببك😠
يلا انزلى وتعالى اوااام

منه: يا ماما بقولك الست تعبانه ومش هينفع اسيب بسنت لوحدها وأجى🤨

ام منه: انا مليش دعوه بزفته ولا ام زفته😠
هي كلمه وحده.......لو ماجيتيش دلوقتي يا منه هدخل اقوله واللى يحصل يحصل بقاااااا
إنتى حررررره😠

منه بنرفزه: خلاص يا ماما جايه.... اقفلي بقاااا😠

وقفلت مع امها وبصيت لمحسن
طبعا شوفت بنفسك ماما عملت فيا ايه 🥺
ارجوك سيبني امشي بقى.... انا مش عارفه انت عاوز مني ايه تانى

محسن: عايز منك كل خير طبعا يا منون
ده انتى لما تعرفى هتشكورنى كمان.....وهتشوفى

يا حليمووو.......حليمووووو

دخل حليمو المكتب: أوامرك يا محسن باشا

محسن: إتصل بأمين بيه وشوفه اتأخر ليه كده
وهيجى ولا إيه.....عاوزين نخلص عشان الحلوه
عاوزه تمشى

حليمو : حصل يا باشا ولسه قافل معاه.....وقالى
إنه بيركن وطالع

محسن: طب كويس.....اول ما يطلع بقا خليه يدخلى المكتب على طول

متولى: أوامرك يا باشااا😁

منه: مين امين ده.... وانا مالى بيه اصلا🤨

محسن: هتعرفى كل حاجه دلوقتى يا منون متستعجليش يا بت على رزقك كده.....ده انتى لما تعرفى اللى مستنيكى هتموتى من الفرحه 😄