السلام عليكم ورحمه الله وبركاته اخواتى واحبتى 🥰
موعدنا مع قصتنا اليوميه 🌹ويلا نصلى ع الرسول وندخل ع قصتنا ع طووول ❤️
#جيهان_سلامه_البارودى
#محبه_الرحمن
#يوم_اللقاء
الحلقه ال (٦)🌹
هو انا لما بقولكم الحلقه انهارده تححححفه
مش بتطلع تحفه بردوا😁
طب يلا بينا علي الحلقه وهستنى رايكم وبطلوا بخل بقا 😡
.
.
ام صبحي قربت من علا ...وحطيت ايديها على جبينها ومسكت ايديها.......يلهووووى😳
ام سيد ضربت كفها على صدرها 🖐️
اوعى تقولى ماااااااااتت😳
ام صبحى: لاء لسه ....بس البت جتتها مولعه ناااار
و لو سبناها كده اكيد هتموت
احنا لازم نتصرف بسرعه عشان منشلش ذنبها البت د🤨
ام سيد: ونتصرف نعمل ايه يعنى 😠
ام صبحى: نوديها المستشفى طبعا🤨
ام سيد: مستشفى ده اااايه ....انتى شكلك عاوزانى اروح فى داهيه يا وليه إنتى 😠
ام صبحى: طب ما انتى كده كده هتروحي في داهيه يختى😏
ام سيد: وليه بقا ان شاء الله 😏
ام صبحي: مهى لو فضلت قاعده عندك وسبناها كده هتموت وهتروحي في داهيه
ولو روحتى بيها المستشفى هيتهموكى فيها
و بردوا هتروحى فى داهيه😏يبقى نلحقها احسن
ام سيد بغيظ: ياوليه انتى عاوزه تجبيلى جلطه😠
ام صبحي: انا الحق عليا انى عاوزه مصلحتك وبنورك😏
ام سيد: تنورينى ولا تحبسينى😠
و بقولك ايه يا وليه انتى.....قومى شوفى حالك يلا وشوفى رايحه فين وانا هتصرف.....وليه بوز فقر😠
ام صبحى: يختى انا مالى ...انا قولتلك على اللى فيها وانتى حره بقااا😏
انا همشى عشان متأخرش على النبطشيه بتاعتى
وعشان تعرفى إنى ضميرى سليم وعاوزه
مصلحتك......وفتحت شنطتها وطلعت ازازه
جبتلك ازازة البنج دى تخليها عندك احتياطى يمكن تعوزيها
بس اعملى حسابك لو خدتى منها الدهب واتصرفتى فيه......... تبعتيلى نصيبى .......ااااه
انا مسيبش حقى ابدا يا حبيبتشى😠لإماااااا
ولا بلاش احنا جيران بردوا وبينا عيش وملح😏
ام سيد بغيظ: طب ولما اخد تأبيده فيها.....هتاخدى حقك معايا بردوا 😠
ام صبحى بضحكه: ساعتها ولا اعرفك يا أوختشى 😄
ام سيد بتريقه: اصيله يا ام صبحي طول عمرك😠
ام صبحي: من بعض ما عندكم يا حبيبتشى😏
وإسمعى كلامى....خلصى حالك بسرعه وشوفيلك صرفه قبل ما البت تموت عندك....انا قولتلك أهو وخلصت ضميرى من ربنا
ام سيد: ااااه....وانتى ضميرك ايه ما شاء الله 😏
بركاتك يا ست الشيخه
ام صبحى : اتريقى يختى اتريقى😏ده اللى انتى فالحه فيه 😏....إقعدى بالعافيه يلا.......وفتحت الباب وخرجت
أنت تقرأ
يوم اللقاء
Mystery / Thrillerساعات الخوف من تحمل المسئوليه وعدم تقوى الله بيخلوا الإنسان ممكن يعمل حاجات كتير بقصد وبغير قصد تضر غيره وتأذيه .....وده اللى هنشوفه مع بعض فى روايتى الجديده.....واتمنى الرساله توصل🌹
