يوم اللقاء

يوم اللقاء الحلقه ال (٨)

السلام عليكم ورحمه الله وبركاته اخواتى واحبتى 🥰
موعدنا مع قصتنا اليوميه 🌹ويلا نصلى ع الرسول وندخل ع قصتنا ع طووول ❤️

اللهم تقواك وجنتك ورضاك 🤲🏼

#جيهان_سلامه_البارودى
#محبه_الرحمن
#يوم_اللقاء

الحلقه ال (٨)🌹

حازم بعصبيه: انطقى منك ليها....وديتوها فييين😡

ام صبحي بخوف: وعزة الله يا باشا ما اعرف عنها حاجه..... الوليه دى هى وابنها هما اللى عارفين
هى فين😩

سيد: بقا كدا يا ام صبحى....طب متجيش تاكلى عندنا تاااانى😠

حازم بشده: اخرس يالاااااه.......انطقوا وقولوا وديتوها فييييين😡

ام سيد: والله العظيم ما اعرف يا باشا
سيد هو اللى يعرف......دى كانت لسه معاه من شويه........حتى إسأله😩

سيد: هى بقيت كدا بردوا .......بقى تبيعى ابنك وحيدك عشان تنفدى انتى بجلدك ....بقا انتى
ام انتى......مكنش العشم يا أم السيد😠

احمد مسكه من هدومه بنرفزه: يا أخى ما تنطق بقا وخلصناااا........ وديت مراتى فيييين😡

سيد هرش فى دماغه......وخاف من رد فعل الكل
لما يعرفوا......
انا بصراحه كده مكونتش عارف اوديها فين
والشوال كان تقيل اوى على كتفى وتعبت
فشوفت بنزينه قدامى .....وفكرت احطهاااا😒

احمد بخوف: تحطها فيييين.....😟

سيد: احطها فى اى عربيه واهرب
ولقيت عربيه نص نقل كانت واقفه عند البنزينه وشكلهم كده كانوا مسافرين🤔

احمد: ايييييه.........مسافرين😲 مسافرين فييين

سيد: معرفش🙄

حازم: طب انت عرفت منين إنهم مسافرين😠

سيد: اصل سمعت السواق بيقول للى معاه
عاوزين نلحق نسافر ونوصل هناك قبل الفجر

فخدتها فرصه ورميتها فى صندق العربيه بالشوال من ورا وهما مش واخدين بالهم 😒

احمد بصدمه: ايييييه......رميتهاااا....وفى الشواال😲

اااااه يا علاااااا😭

حازم بعصبيه: والكلام ده من امتى 😠

سيد: يجى من ساعه كده يا باشا 🤔

احمد بإنهيار:ساااااعه😲....اكيد زمانهم سفرواا بيها😭
الحل ايه يا حازم .....أرجوك اتصرف

حازم : متقلقش يا احمد ....انا هتصرف
وفكر ثوانى ....🤔

اكيد البنزينه دى فيها كاميرات مراقبه
فمن خلالها هنقدر نعرف شكل العربيه ورقمها

احمد: طب افرض مفيهاش كاميرات مراقبه هنعمل ايه😭

حازم: بإذن الله هيكون فيها.......اطمن يا احمد
هانت خلاص صدقنى