دلع الليالي

البارت التاسع عشر

مـلامـح مـابـقـت للــشـوف شـتـفـيـديـن يـمـرايـه

-------🦋غزل 💙 الحسيني 🦋-------

ليالي: - اليوم خطوبة لبنى اختي صارت عروس بعد ما بابا سأل عن

الولد مدحو بأخلاقة اني رحت وياها للصالون رجعنا للبيت عقدو واجه

الولد يلبسها الذهب شفته مرتب لا بأس بس سجاد احلى اني لبست

فستان ومكياج طلعت فد شي خلصت الحفله وفرغ البيت رحت

بدلت ملابسي وطلعت لاره جانت بملابس البيت عادي

ناديه: - ولله وصرتو عرايس ومبقت بس لاره

لاره: - ماما اني ابقى يمج ما ازوج ابد

ناديه: - هاي منج لو لا انتي ما تردين تزوجين

لاره: - بلي ماما قررت ابقى يمكم انتي وبابا اخدمكم

ليالي: - احاول اصدك بالليل اجه بابا باس لبنى وبارك الها تعشينا وعدا الوقت ورحنا للغرفه كتلها لبنى فرحانه

لاره: - اكيد باعي الوجه ورد من الفرح

لبنى: - ههههههه يوم الج

لاره: - لا عيوني اني ما اريد ازوج ابد

ليالي: - ثاني يوم رحت للشغل اني وعمار

عمار: - الحمد لله رجعتي ضيجه بدونج

ليالي: - شدسوي عينك بالتلفون انت كبرت سجاد بعمرك ردت اكله مزوج اثنين بس سحبتها كتله ازوج وانت لا

عمار: - لا يمعوده بس صديقه شنو عندي مثلاً

ليالي: - ازوج واترك هل طريق

عمار: - الله كريم امي تريدني ازوج بنت خالي

ليالي: - ازوجها اذا خوش بنيه

عمار: - ولله ما اعرف احسها متناسبني بس امي دتلح عليه

ليالي: - لا ازوج يمعود نريد عرس احسن من الماكو ولله

عمار: - الله كريم خليني احجي ويا صديقتي قطعتي الحديث ولله

ليالي: - كملنا شغل ورجعت سجاد ابد ماارد اله يتصل وما ارد صارله كم

يوم يبيع ثگل يريد اني اتصل بيه رجعت للبيت گاعدين كلنا كتلهم عمه شذى دتلح على عمار تريده يزوج

ناديه: - ولله شكو بيها احسن هو صار جبير ماما زوجج شخباره

ليالي: - زين ماما يسلم عليكم بعدها رحت لفراشي نمت عدت الأيام وعمار

متعارك ويا امه بسبب بنت خاله ميريدها وگاعد بشقه وحده اني بالكوزمتك اتفاجأة بسجاد

سجاد: - السلام عليكم

ليالي: - وعليكم السلام شنو اليوم نازل

سجاد: - اي نزلت اليوم واجيت عليج