دلع الليالي

البارت الثالث والعشرون

عيونج درابين الطفولة

بوكت صيف ومغربيه

وگعدت امي وچايهة

-------🦋غزل 💙 الحسيني 🦋-------

ذي قار(الناصرية) 3 عصراً في جو ممطر يكاد الشتاء يخطف قلبي بسبب برودتة اني واكفة يم الطباخ اغلي

بالكهوة وصافنة عليها وين العام المضى وين السنة جنت كل همي الونسة والطلعة اليوم عاشر يوم واني

مشايفة الشارع ابد من التحق سجاد احاچي نفسي صدك مو كل حلم نريدة يتحقق ولا الحياة تبقى مثل

ماهي تتغير بلا شك الزواج انتقال من حياة الى ثانية واجب تغير من نفسك في سبيل تعيش مرتاح عمري

متخيلت ولو خيال ازوج هناية او رجال مزوج جان كل تفكيري رجال بس الي ميباوع لغيري مو رجال

عنده زوجة ثانية واني مجبورة اشوفة يروحلها واسكت واتحمل صحيت من صفنتي واحلامي على صوت بسمة

بسمة: - عمة عادي تقريني رياضيات عندي امتحان باجر وماما تقري سارة

ليالي: - عادي گلبي جيبي كتابج ودفتر مسودة والمحفظة دا اقريج

بسمة :- عمة وين نگعد تريدين بغرفتي لو غرفتج

ليالي: - نروح يم بيبي على الصوبة باردة تتمرضين

بسمة: - انه اخذ الكتب وانتي تعالي ماشي

ليالي: - تمام راحت بسمة اخذت كوب الكهوة ورحت لغرفة عمة دا اقريها وعمة تقرة قران كملنا اني وياها انفتح الباب

سجى: - ليالي مروة جاي تخبز وانه ماعدي شي اساعدج بالعشة

ليالي: - براحتج بس نكمل كملنا اخر مسألة كتلها افتهمتي

بسمة: - اي عمة فهمت ولله

سعدية: - يمة سويلي شوربة وياج

سجى: - انه اسويلج يمة

ليالي: - طلعنا اني وسجى بدأنا بالعشة نتعاون دائماً اذا ما عدهم امتحان تساعدني كملنا العشة مدينا السفرة

وكل العائلة ملتمين عليها وبيت محمد اجو دائماً يجون على العشة ابد ما عندي علاقة بأيمان سلام وبس

وفاطمة علاقة عادية كملنا العشة اني دا اعزل لمواعين كملتهم ورحت لغرفتي من اكمل شغلي اطب بيها ما

اطلع ب 12 رن تلفوني شلتة سجاد جاوبتة هلا حبيبي

سجاد: - هلا بيج گلب حبيبج شلونج

ليالي: - الحمد لله انت شلونك

سجاد: - انه بخير مشتاكلج والجو بارد ثلج لو يصير جان ضميتج بالجنطة واخذج على الدوام وانيمج بحضني

ليالي: - وفاطمة عيني

سجاد: - نجبي اكلها انيمج بحضني تكول فاطمة ولي انتي كل النهار عقلج يمها