دلع الليالي

البارت الواحد والعشرون

عاندت كُلشي وكلت
دام العلاقه انتهت
مو شجره اني واضل ثابت
بنفس الدرب
هم لازم اتغير
نظمت وقتي وكمت بالليل ما
اسهر
خليت يمي بشر عدهم طموح
وحلم
لمن دريت الشخص باليمه
يتأثر
ما اكله تغيرت
بس بالنهايه صرت
امشي بشوارع قبل فتناها
جاي اكدر كارهني
عادي المهم حبيت روحي اكثر

-------🦋غزل 💙 الحسيني 🦋-------

ليالي: - باوعت على بابا مصدومه معقوله هذا بابا لأن هو صديق اكثر من اب مستحيل يضربها هيجي بدون سبب ماما شبيها لاره

ناديه: - ولله يا ماما ما فهمت شي ابوكم اجه عصبي نار اول ما دخل جنزها واخذ تلفونها كل قطعه صارت

بمكان ويصيح ادب سز عبالي طفله طلعت قليلة ادب هذا الفهمته وكرار شاف ابوج ضربها ويبجي انتي ليش تأخرتي ماما

ليالي: - رحنا لبيت عمو. واتصل عليكم مغلق ضل بالي

ناديه: - شسوين رحتي

ليالي: - صالحت عمه شذى وعمار

ناديه: - شعجب شذى رضت عليه

ليالي: - حيوافق ياخذ بنت خاله مجبور يريد رضى امه اباوع على لاره متغطايه وتشهك ومن سمعت عله صوت بجيها

ناديه: - عينج عليها ماما اني اروح انام ولله تعبانه وباجر اتفاهم ويا ابوكم هسه قافل

ليالي: - تمام ماما

ناديه: - تصبحون على خير يله كروري ماما لغرفتكم

ليالي: - وانتي من اهله طلعت ماما باوعت على لاره شمرت الغطه واجت تبوس بأيدي

لاره: - ليلو فدوه لخاطري اذا تحبيني اتصلي بعمار

ليالي: - حبيبي عمار شنو عيب حتى يشوف وجهج هيجي

لاره: - لخاطري اروحلج فدوه

ليالي: - شبكتها بس تصير ب 12 وينامون اني اباوع عليها تبجي ومتقبل تحجيلي شكو وجها يخوف من

الضرب لاره احلى وحده بينه شگد اوصف جمالها قليل مستحيل نروح مكان اذا متسمع عشرات الأعجابات من

النساء والرجال ولله حتى اطفال ابتدائيه بالشارع يشمرولها كلام بسبب جمالها واناقتها الطاغيه صارت ب

12 طلعت على روس اصابيعي خليت اذني على باب الغرفه نايمين مبين ماكو صوت رجعت للغرفه اتصلت بعمار

عمار: - شبسرعه شتاقيتيلي ضلام

ليالي: - عمار صحصح بدون تحشيش

عمار ;- شكو ولج احجي خوفتيني اهلج بيهم شي

ليالي: - عمار ولله اني مفاهمه شي حتى احجيلك من رجعت من بيتكم انصدمت بابا كاتل لاره

عمار: - ابوج يكتلها كولي غيرها يمعوده هو يباوع على حلگها

ليالي: - المهم هي وجها مينشاف وهسه تريدك تجي ضروري تكول يجي عمار وتفهمين بس فدوه لتگول شكو