ස්කෝලේ හැම අවුරුද්දකම වගේ එන තවත් විශේෂ ඉවෙන්ට් එකක් තමා බිග් මැච් එක කියන්නේ.... ඒකට ඉතිම් ලොකු පොඩි කවුරුත් කැමැත්තෙන් සහභාගී උනා..
ක්‍රිකට් මැච් එකක් කියන්නේ ඉතිම් ඉනේෂ්ට ලොකු වගකීමක් වගේම වැඩ කන්දක් පැටවෙන කාලයක්.... ක්‍රිකට් ටීම් එකේ කැප්ටන් උනාම හැම පැත්තක් ගැනම හොයලා බලන්න එපැයි.. ක්‍රීඩකයෝ ගැන...... ප්‍රැක්ටිස් ගැන..... අනිත් පිලේ ක්‍රීඩකයෝ ගැන...... මේ ඔක්කොමත් එක්ක ඉගෙනීමේ කටයුතු බැලන්ස් කරන්නත් ඉනේෂ්ට මේ දවස්වල පුදුම කට්ටක් තමා කන්න උනේ.. ..
පවන් ඉනේෂ්ගේ ඉගෙනීමේ කටයුතු වලට උදව් කරපු එක නම් ඉනේෂ්ට ගෙනාවේ ලොකු සහනයක්... ඉතිම් ප්‍රැක්ටිස් ගනනාවකට පස්සෙ තමා මේ කට්ටිය පිට්ටනියට බහින්නේ..... ඉතිම් බිග් මැච් එක දවසට ඒක පටන් ගන්නේ ලොකු පැරඩ් එකකින්.......
ස්කෝලේ ආදිශිෂ්‍යයෝ වගේම දැන් ඉන්න අයගෙත් කාර්..... ජීප්...... ඩිෆෙන්ඩර්... ගෙනත් තමා පැරඩ් එක කරන්නේ..... ඉතිම් ඉනේෂ් සෙල්ලම් කරන නිසා මේ පාර පවන්, සුලෝචන්, ගිහාන් වගේම දිල්මත් මැච් එක බලන්න ඇවිත් හිටියා...
ස්කෝලේ කොඩි ගහගෙන ටවුම වටේ රවුමක් යන එක තමා මේ අයගේ එකම විනෝදේ... ටවුම වටේ ගිහින් එන වාහන ටික ස්කෝලේ ඉස්සරහ වැඩ දාන එකට තමා කොල්ලො හැමෝම වගේ කැමතිම....... මේ මැච් බලන්න ඉතිම් ඉනේෂ්ලගෙ ස්කෝලෙයි ප්‍රතිවාදී ස්කෝලෙයි ඇරුනම තව ගොඩක් ස්කෝල වල ළමයි එනවා... මේක ඉතින් බොයිස් ස්කූල් දෙකක් අතර යන මැච් එකක නිසා ඉතිම් ගෑණු ළමයි නම් මැච් එක බලන්න වැල නොකැඩී එනවා....
“ අරකි මොකක්ද මෙතන කරන්නේ??”
පවන් ඇහුවේ මංදිරත් ඉදිරිපෙළ අසුනකම ඉඳගෙන ඉන්නවා දකලා..
ඉනේෂ් ක්‍රිකට් ටීම් එකේ කැප්ටන් නිසා හැම පාරම වගේ පවන්ටයි අනිත් යාලුවෝ තුන්දෙනාටයි ඉනේෂ් ස්ටේඩියම් එකේ ඉස්සරහා පේලියේම සීට් හතරක් වෙන් කරනවා.... මොකද එතෙන්ට හොඳට ග්‍රවුන්ඩ් එක පේනවා වගේම ග්‍රවුන්ඩ් එකටත් හොඳට එතන ඉන්න කට්ටිය පේන නිසා.. ඉතිම් මේක දන්න නිසා තමයි පවන්ට මංදිරා ඉස්සරහා පෝලිමක ඉන්නවා දැකලා ටිකක් තරහා ගියේ...
"ඇයි බන් ඉතිම් ක්‍රිකට් ටීම් එකේ කැප්ටන්ගේ කෑල්ල ඉස්සරහා පෝලිමක ඉදගත්තාම මොකකද තියෙන වැරැද්ද?’
“කෑල්ල???”
“ඔව් ඇයි උඹට ඉනේෂ් කිව්වෙ නද්ද උන් දෙන්න msg කරනවා කියලා??”
“හරි msg කරපු පලියට සෙට් කියන්න බෑනේ..”
සුලෝචන එහෙම කිව්වේ පවන් වැරදියට තේරුම් ගනී කියලා බයට.....
“ msg කරා කියන්නේ ඉතිම් ඕක සෙට් වෙනවා.... මොකද ඉනේෂ් මීට කලින් අනිත් කෙල්ලෝ එක්ක msg කරලා නෑනේ.. අනික ඉතින් බලපන්කෝ ඉනේෂ් ඒකිට ඉස්සරහා පේලියක් දීලනේ..”
“ හරි ඉතිම් අපි හරියටම දන්නේ නෑනේ ඒ ෂීට් එක ඉනේෂ් වෙන් කරපු එකක්මද කියලා...”
“ඌ නැතුව වෙන කවුරු දෙන්නද බන්...”
“හරි හරි ඒවා අපිට වැඩක් නෑ.... ඒවා උන් දෙන්න බලා ගනී අපි ආවේ ඌට චියර් කරන්නනේ අපි ඒක කරමු..”
දිල්ම කට්ටියව එක්කන් ඉඳගත්තේ රණ්ඩුවක් ඇතිවෙයි කියලා තිබ්බ බයට...
තරඟේ වෙලාවේ ඉනේෂ් තමන්ට පුලුවන් උපරිමේටම ස්කෝර් කරේ හයේ පාරවල් පහකුත් එක්ක... ඉනේෂ් සෙල්ලම් කරද්දී.... තමන්ගේ උගුර ලේ රස වෙනකම් කෑ ගහන්න පවන් අමතක කරෙත් නෑ..... ඇත්තටම එයාට ඕනි උනේ මංදිරාට වඩා හයියෙන් ඉනේෂ්ට චියර් කරන්න..
පවන් ස්ටේඩියම් එකේ ඉන්නවා ඉනේෂ් හොර ඇහින් දැක්ක නිසා පවන්ට පේන්නම ඉනේෂ් හොඳට සෙල්ලම් කරා.. ඉතින් අන්තිමට ඉනේෂ්ලගේ ස්කෝලේ මැච් එක පිට පිට තුන්වෙනි පරටත් දින්නේ ඉනේෂ්ව මෑන් ඔෆ් ද මැච් කරලා...
මැච් එක ඉවර වෙලා ඩීජේ එකක් ප්ලේ කරන්නේ හැමෝටම විනෝද වෙන්න.... පවන් දුවල ගිහින් ඉනේෂ්ව බදාගත්තේ මංදිරාට පේනත් එක්කමයි... "
සුභ පැතුම් කොල්ලෝ හොඳට කරා..."
ගිහාන් කිව්වේ ඉනේෂ්ගේ කුසලානේ අතට අරන් හැඩ බලන ගමනුයි...
" මහන්සියි පවන් වතුර එක දෙන්නකෝ..."
" ආ බොන්න..... බඩගිනිද?? මං බිස්කට් එකක් ගෙනාවා කඩලා දෙන්නද??"
" එපා..... එපා...... තිබහෙන් හිටියේ......"
" උඹගේ වයිෆ් ඉතිම් උඹට ඕනි හැම දේම රෙඩි පිට තියන් ඉන්නවා නේද?"
" එහෙම තමා අපි වයිෆලව හදලා තියෙන්නේ........"
ඉනේෂ් කිව්වේ පවන්ගේ කරට අතක් දා ගන්න ගමනුයි...
📖️📖️📖️📖️📖️📖️📖️📖️📖️📖️📖️📖️📖️📖️
සංවේදී ඇත්තෝ ඉළඟ එපිය කියවන්නේ පරිස්සමෙන් 😪⛏️
YOU ARE READING
මතක පුස්තකාලේ
Romanceමතක පුස්තකාලේ සැරිසරන්න ආවෙ... මතක පුස්තකාලේ කියවන්න ආවෙ... ඔබට ගීතයක් ලියන්න හේතු කරුණු රැස් කරන්න ඔබ මා ළඟින් ඉඳීද නැද්ද දන්නෙ නෑ කියන්න. මගේ මතක පුස්තකාලයේ ඔබ සොයන්න ආවෙ...
