"البدايه"
يوم الأحد
سمعت طرق الباب فتحت عيونها بتعب وقامت تفتح الباب نطقت امها بغضب:الساعه ثمانيه متى ناويه تقوميين؟
توسعت عيونها بصدمه وقالت:تأخررت
اخذت ملابسها الي جهزتهم من اليله السابقه وتوجهت للحمام تاخذ دش سريع وتتوضى طلعت لبست جلال الصلاه وصلت فرضها اخذت الميكب ولبست عبايتها وركضت لسيارتها تتوجه لمكان عملها
دخلت الشركه وسجلت بصمتها وتوجهت لمكانها نطقت صديقتها :سعد طالبك فمكتبه
نطقت موج :تأخرت اكيد بيفصل علي الحين
دانه:مره تأخرتي مر ساعه ونص
نطقت موج :بروح والله يستر
توجهت لمكتب المدير وقالت:سلام
نطق سعد بغضب:وعليكم السلام ليه هالتأخير انسه موج؟
قالت بتبرير: اشتغلت على الموضوع طول اليل وماصحيت من وقت
نطق بغضب:انا ابيك تشتغلين على شي معيين
مقالت بأستغراب: وش
سعد:ابيك تصيرين ظل لعائله آل مقرن
موج بتساؤل: ماعرف عنهم اي شي مين هم؟وليه لازم اصير لهم ظل انا صحافيه
سعد بغضب من اسألتها:انتي صحافيه وشغلتك تدورين فضايح المشاهير وننشرها فألاخبار
موج:بس انا ماعرفهم
سعد بتساؤل:تعرفين عمر آل مقرن؟
قالت بأستغراب: اي سمعت عنه هو الدبلوماسي؟
سعد :اي هو هذي فتره رجوعه من لندن ابيك تستغلين كل لقاء يسويه وتصورينه
هزت راسها بأيجاب وقالت:وين موقع مؤتمره الاول؟ ومتى بيكون
سعد: ف قاعه .... للاجتماعات عندك تصريح الدخول لأنك صحافيه
المؤتمر الاول بيكون بكره
موج :طيب
طلعت بعد انتهاء كلامه وتوجهت لمكتبها
نطقت دانه بتساؤل:وش قال لك؟
اخذت نفس وقالت:يبيني اعرف عن عمر آل مقرن مدري وش مسوي له أو العداوه الي بينهم
تنهدت وهي تبحث عن عائله آل مقرن وتستكشف معلومات
موج:المؤتمر بكره الساعه 10 الصبح، ناظرت دانه وقالت: تجين؟
دانه:بستأذن من سعد وبشوف اذا اقدر اجيك
موج:طيب
بعد انهائها لعملها توجهت للبيت قبل رأس امها وابوها وقالت:وحشتونيي
نطق عبدالله بابتسامه: مايوحشك غالي ياحبيبه ابوها
ابتسمت وقالت:بابا ليه ماناخذ القارب ونروح للبحر
عبدالله :تبشر بنتي
نطقت عبير :كثير مدلعها هالبنت
عبدالله ابتسم وهو يضمها لحضنه: انخلقت عشان تدلع
ضحكت مروج وقالت:احنا عيال البطه السودا
ولايف:وانا اتفق
مروج:بعدين بنتكم ذي مين رامي سرها فالبحر؟
ولايف:اسم على مسمى موج وتحب البحر
مروج بتساؤل: ليه سميتوها موج
عبير بابتسامه: التقيت ف ابوكم فالبحر ولما تزوجنا قلنا نسمي بنتنا موج
مروج:طيب انا الكبيره ليه ماسميتوني موج؟
ع
بدالله: الفكره جتنا بعد مجيئك انتي و ولايف
نطقت موج بنعاس:انا استأذنكم بنام وصحوني الساعه 8 لازم اروح اصور مؤتمر
عبدالله باستغراب: مؤتمر وش؟
موج:مؤتمر يخص عائله آل مقرن
توسعت عيون مروج بصدمه وقالت:يمه بتقابلين عمر؟
نطقت موج بأستغراب: اي وكيف تعرفينه
مروج:كيف ماعرفه ذا دبلوماسي مشهور وهابين عليه كل البنات
رفعت كتوفها يعدم معرفه:مادري عنه بس بصور وبطلع المهم تصبحون على خير
اهلها:وانتي من اهل الخير
توجهت لغرفتها اخذت بجامه نوم ودخلت للحمام اخذت دش ولبست بجامتها وجهزت ملابسها لليوم الثاني وتوجهت لسريرها تنام بعد يوم متعب بالنسبه لها
اليوم التالي صباح يوم الاثنين صحت على طرقات الباب فتحت عيونها وشافت الساعه 8 وقالت بصوت عالي: صحيت يمه
توجهت للحمام واخذت دش وتوضت وطلعت تصلي تجهزت ونزلت قبل رأس امها وابوها كل عاد وهي تقول لهم:صباح الخير حلويني
ردو عليها بابتسامه وقالو:صباح النور
عبير:افطري
موج :اخاف اتأخر بفطر ف مكان المؤتمر
عبدالله: بالتوفيق ياحبيبه ابوها
موج بابتسامه:شكرا بابا
طلعت وشغلت سيارتها وتوجهت لمكان المؤتمر وقفت سيارتها ودخلت بعد ما ورتهم التصريح جلست على كراسي الصحافيين قدام المسرح تنتظر دخول الدبلوماسي ضبطت الكاميرا ووجهتها على البوابه بعد عده دقايق دخل بطلنا عمر بهبيته وبشته الاسود وهو يتقدم للمنصه بثقه وقف قدام الميكرفون وبدأ يتكلم عن الأشياء الي قدمها ف لندن تخص دولته وانهاء كلامه ب:شكرا وطلع سكرت كاميرتها وطلعت جلست فالسياره ضبطت الصور الي التقطتها ونشرتها على صفحه شركتهم إيجاز توجهت للشركه واعطتهم الفيديو حق المؤتمر يضبطونه
العصر رجعت للبيت وشافت ابوها يجهز لروحتهم للبحر
نطقت موج بحماس: بابا بنروح البحر ؟
عبدالله بابتسامه: اي ياعيون ابوك
ركضت لغرفتها وهي تقول:ببدل وبجيك
بدلت ولبست فستان ابيض بسيط يناسب البحر وفوقه عبايتها وتوجهو هي وابوها لسياره ووجهتهم البحر وقفو وتوجهو لمكان القارب شاف عبدالله خويه وقال:خليك هنا ماينفع تجين هنا
قالت بطاعه :طيب
جلست على الرمل وابوها توجه لليخت مع خوي دربه يسولفون بأمور حياتهم لمحت شخص ووقفت تتأكد وقالت بأستغراب: هذا مو الدبلوماسي؟غريب وش يسوي هنا خليني استغل الفرصه واصوره
التقطت له صور بكاميرتها الي كانت تصور فيها البحر ونشرته على صفحه إيجاز مع كلام:صور لدبلوماسي عمر آل مقرن في البحر
عند عمر الي كان يمارس هوايته المغضله الصيد سمع رنات جواله رد بأستغراب: هلا
نطق خويه :في صحافي صورك وانت تصيد
قال بغضب: يخص اي صحفيه؟
رجع للخبر وقال :صحيفه إيجاز
التفت حوله ولمح بنت معها كاميرا نطق بغضب:انا بتصرف
قفل وتوجه لموج الي رفعت راسها وفزت لما شافته وقالت بأستغراب: وش بغيت؟
عمر بغضب :احذفي الصوره الي نشرتيها
ناظرته موج وقالت:انا اسوي شغلي ليه احذفها؟
عمر بغضب شديد من كلامها:اذا الصور مانحذفت برفع عليكم قصيه تعدي الخصوصيه وبتنمحي شركتكم من الوجود
موج بتحدي:سوي الي تبيه واعلى ما فخيالك اركبه
ضحك بسخريه وقال:بعدين تعالي ابكي عندي
تجاهلته وهي تتصفح جوالها مشى وتركها خلفه وهو الغضب معمي عيونه منها اخذ أغراض الصيد وتوجه لسيارته يحاول يهدي نفسه انه مايقلب الشركه على رأسهم
_
نروح جهه ثانيه ف ديره قلوبهم على بعض نطقت حصه بغضب من بنتها الي جالسه ترسم:قومي جايينا ضيوف
تركت فرشاه الرسم وناظرت امها وقالت:يمه الحين تعلميني شوفي حالتي
ام نور بغضب:وانا وش يعرفني انهم بيجون قومي تسنعي واطلعي سلمي عليهم
طلعت وهي تسكر الباب اخذت نور نفس وقامت تجهز نفسها لبست جلابيه فردت شعرها وحطت روج خفيف وتوجهت للخارج تسلم عليهم وجلست بهدوء
نطقت ام سلمى بأعجاب: ماشاءالله يالنور كبرتي اخر مره شفتك كنتي بزره
ابتسمت بجامله وهي كارهه وجودها بينهم
نطقت ام نور :نور حبيبتي قومي جيبي القهوه
نور بطاعه:ان شاء الله
توجهت للمطبخ وجهز القهوه والفناجيل ورجعت لمجلس النساء وحطته على الطاوله وضيفتهم رجعت تجلس بهدوء وهي تسمع سوالفهم وعقلها فمكان ثاني شافت امها تطلع طلعت وراها وقالت:يمه بروح لمريم بنت عمي وبجلس معاها طفشت محد ف عمري هنا
ام نور وهي تجهز العشاء:كلمي اخوك يوصلك
زفرت بضيق وقالت:ليه يوصلني اخوي هذا البيت قدام بيتنا وشوله يوصلني
ام نور :بتروحين بيت جدك؟
نور بايجاب:اي هي هناك
ام نور:اجل توكلي
راحت لغرفتها تلبس عبايه الرأس وتنتقب وتوجهت لبيت جدها دخلت قسم النساء نطقت مريم بفرحه:أرحبي يادهر قلبي ورجعانه
ابتسمت نور وهي تشيل نقابها وقالت:البقى يا مرحب
ابتسمو البنات لصداقتهم الي الكل يعتز بها سلمت عليهم وجلست وهي تطلع شخصيتها المرحه قدامهم
ام مريم بتساؤل: في ضيوف عند امك؟
نور :اي الجارات
ام مريم :ماعلمتنا الله يهديها نجي نساعدها
نور بتبرير:ماعلموها انهم بيجون دخلو فجاءه
مريم بضيقه:عاد ياكرهي لحريم الديره يجون ويدخلون
نور :اي والله صادقه
استقامت مريم وقالت:قومي نجلس فالغرفه
قامت نور معها وتوجهو للغرفه
مريم بابتسامه: ماعلمتيني شخبارش واخبار الدراسه
نور بضيقه:اهلي مو راضيين اكمل للحين ويبون أوقف بعد ماخلص صف ثانوي
تنهدت مريم وقالت:كلنا نعيش بذا الشي ماعليش أمرنا لله
نور بأحلام:ابي اتزوج واحد من المدينه
ضحكت مريم بخفه وقالت:ودنا كلنا والله عشان نكمل الدراسه
نور :بتتزوجين؟
نزلت راسها بحزن وقالت:اي
نور بقهر:لعنه على المجتمع الي معيشنا كذا
ضحكت مريم بتغير جو:العوض فالجنه
نور بتحدي:بكمل وبشوف الي يمنعني
مريم بسخريه:مين بيسمع لك كلنا قلناها ذي الجمله وانهد حيلنا واحنا نحاول وفالنهايه هذاني بتزوج
ناظرتها نور وقالت:بس مو كلكم نور انا بسويها وبكمل وبتشوفون
ابتسمت مريم وقالت:اتمنى والله
كملو سوالفهم وبعدها اخذت عبايتها ولبستها وتوجهت لبيتهم بدلت ملابسها ونامت وهي تهوجس بأحلامها
_
عند موج الي رجعت من البحر بعد رجوع ابوها ووصلها اتصال من مديرها ردت بأستغراب وقالت:عسى ماشر؟
رد سعد بغضب:عمر قال لك تحذفيين الصور أو يرفع قضيه ليييه ما حذفتييها ؟
نطقت موج بغضب اكبر :انت قلت تبيني الاحق عمر آل مقرن
سعد بغضب :دامه قال لك احذفيها والموضوع فيه قضايا احذفيها
موج بغضب: رفع القضيه يعني؟
زفر بغضب وقال:رفعها
نطقت بتنهيده:انا بتصرف
قفلت بدون ماتسمع رده اخذت نفس ورمت نفسها عالسرير وهي تفكر وش الي بتسويه مع حفيد آل مقرن فتحت جوالها وهي تشيك متى أقرب مؤتمر نطقت بتفكير:بكره مؤتمر بس لازم ارتب لقاء معه ولا بخسر شغلي
تنهدت وفتحت دولابها اخذت بجامه وتوجهت للحمام اخذت لها دش سريع ولبست بجامتها ونزلت تجلس وسط اهلها
نطق ابوها :عندك دوام بكره وش مصحيك للحين؟
نطقت موج بضيق :مو جايني نوم
نطقت عبير : اتركي الأفكار السلبيه وبتعرفين تنامين لاتخلين الي صار يأثر عليك
نطقت موج بتفاجاء :تعرفون الي صار؟
مسح عبدالله على شعرها بخفه وقال:نعرف ونعرف انه بنتنا قويه وكل شي بينحل بإذن ربك
موج بأيمان بالله:بأذن الله اجل اودعكم بروح انام تصبحون على خير حلويني
ردو عليها بابتسامه: وانتي من اهل الخير
توجهت لغرفتها وهي تخطط للي بتسويه بعد المؤتمر جهزت ملابسها لليوم التالي وتوجهت لسريرها تتوجه لاحلامها
_
اليوم التالي استيضقت موج على صوت المنبه سكرته بإنزعاج وجلست تناظر حولها بأستوعاب قامت بعد دقايق تاخذ ملابسها وتدخل تاخذ دش وطلعت وهي تنشف شعرها بالمنشفه ناظرت الساعه:تأخررت
جلست على الكرسي تنشف شعرها بالاستشوار عالسريع واخذت ميكبها اليومي وبدت تزين فيه وجهها ابتسمت لنفسها فالمرايه وهي تنهي ميكبها ب روج اخذت شنطه الكاميرا ونزلت لأهلها تقبل رأسهم وقالت:صباح الخير متأخره لاتقولون افطر
عبير بتنهيده:افطري برا طيب لاتدوخين
وهي تتوجه للباب: ان شاء الله يمه
مشت لسيارتها اخذت نفس وهي تفتح Google map وتكتب معرض المؤتمرات وصلت بعد دقايق معدوده نزلت ودخلت بالتصريح الي كان معلق على رقبتها جلست فالمقدمه وهي تفتح كاميرتها وتوجها للمدخل دخل بعد دقايق عيونه جت عليها اشتدت اعصابها بغضب من تواجدها تجاهل شعوره واكمل لقاءه طلع بعد إنتهاء اللقاء طلعت وراه وقفته وهي تقول :وقف يالدبلوماسي
التفت لها بأستغراب من المسمى وثار غضبه لما شافها:نعم؟
ناظرت عيونه وقالت:لازم نتكلم
نطق عمر بسخريه: اعرفك عشان نتكلم؟
موج بغضب :رفعت قضيه على شركتي ف شي انا السبب فيه وبسبب الي سويته كثير بيتعطلون عن شغلهم بسبب شي انا سويته
عمر وهو يذكرها بالي قاله:مو قلت لك بتجين تبكين عندي
نطقت بغضب شديد:ما عاش من يبكيني يالدبلوماسي انا يهمني الي بيتعطلون بسببك فكر بعيال بلادك
عمر بتحدي:لو طلعتي من الشركه وقتها بلغي القضيه
موج بغضب:تخسي
مشت تاركته خلفها وهو يقول :اذا ماكسرت راسك يالاعلاميه فتح له الباب البوديقارد ركب وهو حاط الاعلاميه بمسماه ف رأسه
_
في صباح الديره الي كان مليئ بالحياه صحت نور على صوت مريم الي كانت تقول: نوريي قومي
جلست بإنزعاج من الازعاج الي كان برا غرفتها وقالت:وش صاير؟
مريم بحماس:ساره انخطبت وهم من المدينه وجو يملكون اليوم
نطقت نور باستغراب: مسرع
مريم:متحمسه مره اخوي بياخذنا للسوق انا وانتي وليان وسمر والباقيين يروحون عند اخوانهم
ناظرت نور الساعه وقالت:الساعه 9 سوق وش
مريم:اقول قومي بسررعه
نور بإنزعاج:اخوك مهند؟
مريم بابتسامه: اي
طالعتها وقالت:وجع ليه تبتسمين ترا ماصرت احبه والله يوفقه مع الي يحبها
مريم بغمزه:علينا
قامت نور وهي تاخذ ملابسها:اقول يلا بس
دخلت للحمام واخذت دش ولبست طلعت وسحبت عبايتها ونقابها وقالت:يلا
مريم بحماس:يحمس يلا
توجهو لسياره الي فيها مهند اخو مريم ركبو لسياره نطقت نور بصوت خفيف: سلام
رد عليها السلام وهو يناظرها من المرايه انتبهت لنظراته ابعد عيونه وتوجه لسوق نزل معهم ووقف قدام المحل ينتظرهم نطق نور :حلو الفستان صح؟
مريم ناظرت الفستان وقالت:اي مره يجنن
اخذت مقاسها وتوجهت تحاسب وطلعت شافها مهند وقال:تعالي انا هنا
مشت له ووقفت جنبه وهي منزله عيونها بخجل طلعو البنات بعد دقايق وكملو تسوقهم ورجعو للبيت
_
عند موج الي رجعت من المؤتمر وتوجهت للشركه بغضب من الدبلوماسي بمسماها دخلت لمكتب سعد الي طلبها وقالت:نعم
سعد بغضب:عند يوم اذا ما انشالت القضيه عن شركتنا بطردك
نطقت موج بغضب مماثل: وانا وش دخلني مو قلت لي اصور عمر آل مقرن واصير له ظل لما سويت مثل ماتبي بتطردني؟!
سعد بغضب:برا ومثل ماقلتلك يوم
طلعت وهي تسكر الباب بقوتها وطلعت من الشركه وركبت السياره وهي تضرب الدركسون بغضب وقالت: ولعنه ياعمر ولعنه
توجهت لمكان عمل الدبلوماسي وانتظرته يطلع بعد عده ساعات شافته يطلع نزلت من سيارتها وركضت له وقفت قدامه طالعها بأستغراب ولما انتبه انها نفسها الاعلاميه قال باستهزاء:جيتي؟
نطقت موج بغضب: اعتذر وبحذف المنشور بس نزل القضيه ارفعها علي انا الي غلطت
عمر :تحلميين ولو شفتك مرثانيه تلاحقيني برفع عليك قضيه تتبع
وتوجه لسيارته ضربت شباك سيارتها بقهر وغضب دخلت سيارتها وتوجهت للبحر جلست عالرمل نزلت راسها وحطته على رجولها نزلت دموعها بقهر:بخسر شغلي واحلامي اكرهه اكرهه الحقير
مسكت الحجر الموجود ف الارض ورمته على البحر بقهر ودموعها على وجناتها وهي تردد:اكرهك اكرهك
اخذت نفس عميق وزفرته براحه بعد ماطلعت كل الي فداخلها وراحت لسيارتها وتوجهت للبيت وقبل عن تنزل ناظرت شكلها فالمرايه وعدلت شكلها ونزلت ودخلت وقالت بابتسامه: سلام
ردو عليها اهلها السلام بابتسامه
تقدمت تقبل رأس امها وابوها وجلست بإرهاق
عبدالله بابتسامه:كيفها بنتي
نطقت موج بابتسامه: بأفضل حال
عبدالله بادلها الابتسامه وقال:دوم تكونين بإفضل حال اميرتي
جلست جنبه وحضنته بادلها الحضن وهو يمسح على شعرها
