ساره بحماس:حتى انا اخر مره شايفته بزر بس كان حلو يعني
نور بغمزه:حلو ها
ساره بخجل:نوور
ليان بضحكه:خليها بتفصل علينا
ضحكت نور واختفت ابتسامتها لما تذكرت انها نست تحط الدلل على المجلس ونطقت بوهقه:نسيت اخذ القهوه وربي تجلدني امي
طلعت وركضت للمطبخ اخذت الدلل وتوجهت للمجلس الي كان فاضي ونطقت براحه لما شافته فاضي حطت الدلل على كل طاوله وجنبها الفناجيل سمعت صوت خطوات تتقدم للمجلس ركضت للباب وهي تقفله
عند مهند وسيف الي كانو متوجهين للمجلس نطق مهند بأستغراب: مين قفل الباب
نطق سيف بعدم معرفه:مادري يمكن احد من العيال
دق الباب وقال:بطلو مبزره وفكو الباب
دق قلب نور لما سمعت صوت مهند ونطقت بخفه:مهند
مهند بأستغراب من الصوت: نور
وسيف الي تذكر البنت الي شافها وابتسم لما عرف ان اسمها نور نطق مهند :بنت وش تسوين هنا اكلمش
نور بغضب مخالط بتوتر:ارقص يعني وش اسوي برأيك؟
مهند بأستغراب: طيب اطلعي وروحي
نور:ماااعندي عباييه نسيتها كلم البنات يجيبوها لي
مهند بغضب وغيره على بنت عمه:وانتي كيف تطلعين بدون عبايه تستهبلين علي انتي
نور بغضب مبادل:مالك دخل اخوي؟ ابوي؟ زوجي؟ لا
تنهد وهو يدق على أخته مريم وقال:جيبي عبايه نور
مريم بأستغراب: وينها
مهند:فالمجلس بوقف عند الباب مديها لي
مريم:طيب
توجه للباب واخذ العبايه ورجع للمجلس وكان سيف واقف نطق مهند:فكي الباب عبايتك
فكت الباب وطلعت ايدها تسحب العبايه منها وسكرت الباب ولبستها وغطت وجهها بالحجاب طلعت وتفاجاءت بوجود سيف
مهند:اصبري اشوفلش طريق سيف انتبه لها ذي البزر
نتظرته بغضب وقالت:ماغيرك البزر
تجاهلها وراح يشوف طريق
نطق سيف بابتسامه: انا ولد عمك سيف اخو العريس واضح ماتعرفيني
رفعت حاجبها وقالت: ماتشرف ب أشخاص لما يشوفون بنات مو متغطيين يشوفون عليهم
سيف بضحكه:اذا البنت حلوه انا وش ذنبي؟
ضحكت نور وقالت:كيف تعرف انه اكبر بلاير فالعالم
نطق سيف بأستغراب: وشو بلاير ذا؟
نور:يعني مو مبقي بنت مو متعرف عليها
سيف بمزحه:كيف عرفتي
نور:واضح من شكلك
جاء مهند وقال: روحي يلا لاشوفك مقربه من المجلس مرثانيه
نور بغضب:مالك دخل
ودخلت ونطق سيف بتساؤل: هذي بنت عمي فيصل؟
تنهد مهند وقال:اي ولاتحاول تتكلم معها طويله لسان حتى عمي ماسلم من لسانها
ضحك سيف ودخلو للمجلس يكملون سوالفهم
بعد انتهاء العرس توجهو الكل لبيوتهم وبقو العيال فالمجلس فبيت الجد
-
"في قصر عائله آل مقرن"
دخل عمر بابتسامه وقال :سلام
ردو عليه السلام تقدم يقبل رأس جدته وجده وامه وجلس
الجد بابتسامه: مابغينا نشوفك ياعمر
بادله بابتسامه وقال: الاشغال ياجدي
الجوهره: كيفك حبيبي
ناظرها وهو يمسك ايدها ويقبلها وقال:بأفضل حال يمه انتي عطيني من اخبارك
ابتسمت بحنيه وقالت:الحمدلله دامك بخير انا بخير
ابتسم الجد وقال:مو ناوي تفرحنا وتتزوج
نطق وهو يهز رأسه بنفي:وراي مشوار
الجوهره: ابي اشوفك عريس بأقرب وقت
نطق عمر بابتسامه: افا جوهرتي تبي تشوفني عريس ومايتنفذ طلبها؟ ابشري يمه بس عطوني شويه وقت وبعلمكم تخطبون لي
الجوهره بابتسامه: طيب
دخلت اخته اشواق وركضت بفرح لما شافته وحضنته وقالت: وحشتنيي
بادلها الحضن وقال:وانتي اكثر ياروح اخوك
جلست جنبه وراسها فحضنه وهو يمسح على شعرها ونطق بتساؤل: وين فارس و حمد؟
نطقت اشواق بعدم معرفه:مادريت طالعين من الصبح ولا رجعو
دق جواله بعدت اشواق عن حضنه طلع جوالها من جيبه ورد لما شاف رقم خويه
نطق مشاري:هلا
استقام عمر وطلع من البيت وقال:اهلين
مشاري بضحكه:البنت شكلها ناشبه لك
نطق عمر بأستغراب وتساؤل: اي بنت؟
مشاري :الاعلاميه
نطق عمر بأستغراب من طاريها:وش صار
مشاري:رجعت جت اليوم الساعه 2 وشافتني وسألت عنك وقلت لها مو مداوم وقالت تبي تشوف ف أقرب وقت وتقول لك شي
عمر بغضب:قلت برفع عليها قضيه ذي البنت ماتخاف؟
مشاري :بصراحه برافو عليها جالسه تحارب عشان شغلها
عمر بغضب اكبر:دامها تحب شغلها هالكثر ليه ماحذفت الصوره من البدايه وجلست تعاند اكيد تلاحق المشاهير وتلقاها معجبه
مشاري بضحكه: بطل ثقه يامحور الكون
عمر بتغيير للموضوع: انا بروح البحر تجي؟
مشاري ناظر الساعه وقال:بعد ساعتين ينتهي شغلي انت روح وانا بلحقك
نطق عمر :طيب
قفل وتوجه لسيارته وراح للبحر ومكانه المعتاد طلع عده الصيد وبدأ يجهزها والقاها وسط الامواج
عند بطلتنا الي بعد ماطلعت من عند مشاري توجهت لمكانها المفضل وجلست تناظر الامواج بابتسامه وبأمل انه يرجع شغلها وبمنصب اكبر من كذا مثل مايصير فالامواج
ناظرت حولها بفحص للمكان الي كان خالي من الاشخاص نزلت عبايتها وحطت راسها على الرمل وغمضت عيونها
عند عمر الي كان يصطاد كان في جنبه أشخاص يصطادو تكلم واحد منهم وهو يناظر شي بعيد: ياعيال شوفو ذيك البنت
ناظروها العيال وقال واحد منهم بتساؤل:لوحدها؟
ناظرو حولهم ونطق:مافي حد هنا شرايكم نروح لها
اتفقوا يروحو لها
سمعهم عمر وناظر الاتجاه الي متوجهين به وكان هوأقرب للمكان توجه وتوسعت عيونه بصدمه لما شاف الاعلاميه بمسماه ونطق بغضب:يالاعلاميه
فتحت عيونها باستغراب وفزت وهي تسحب عبايتها وتلبسها نطق:انتي لحالك؟
ناظرته وتوسعت عيونها بصدمه لما شافته وردت بتوتر:اي
ناظر للعيال الي وقفو لما شافو عمر راح لها ونطق:الي هناك عيونهم عليك
ناظرت المكان الي ناظر له ونطقت وهي ترجع تناظره: بكلمك
نامرها ونطق بأستغراب: ابي اسالك انا تقرب لك بالغلط تكلميني كذا؟
موج بغضب:يعني كيف اكلمك اقول سيدي ولا وش
تنهد وقال:شعندك؟
اخذت نفس وقال:انا اشتغلت كثير على نفسي عشان اوصل للشركه الي ابيها انت ضيعت تعبي فيوم تكفى الغي القضيه ومابرجع اطلع فوجهك
نطق عمر:الغيتها بس لو ترجعين للشركه برجع ارفعها!
ناظرت وجهه وصرخت بغضب:يعني مشكلتك معي؟
نطق وهو يناظر عيونها: اي انت مشكلتي
