قدام مبنى عمل عمر
بعد كلمته توسعت عيونها بصدمه وهي تناظره ونطقت:وش قلت؟
عمر:تتزوجيني
نطقت موج بغضب:تستهبل؟مو وقت مزحك اخلص وش شرطك
رفع حاجبه وناظرها:وش تكونين عشان امزح معك؟وابي اتزوجك مو حباً فيك اسباب شخصيه
ناظرته بغضب وقالت: مستحيل اتزوج شخص زيك وجعلني ما اشتغلت
توجهت لسيارتها وهي تاخذ نفس عميق وتزفره توجهت للبيت ودخلت تحضن امها ودموعها تنزل بغزاره نطقت عبير بقلق :وش فيك حبيبتي يعورك شي؟
نطقت موج وهي تمسح دموعها الي مستمره بالنزول بعدت عن عبير وقالت:بس مضغوطه شويه
حطت عبير ايدها على شعر موج وقالت:ماعلييك فتره وتعدي ياروحي.
موج بتفهم:ان شاء الله ونطقت بتساؤل :وين ابوي
عبير:جاه اتصال من مالك البيت ويبي يقابله
عقدت موج حاجبيها بأستغراب: ليه مو هو خويه؟
عبير: لا البيت صار له مالك جديد وهو يبي يأجر بس يبي يشوفك ابوك
موج:امم وين مروج وولايف ؟
عبير:مروج اخذت اوراقها وقررت تكمل جامعتها وولايف بتدور لها شغل
موج بابتسامه: واخيرا مابغو
عبير بابتسامه: اختهم الصغيره شجعتهم
ابتسمت بخفه ونطقت موج:اجل بروح اغير ملابسي وبجيك
عبير:ان شاء الله يقلبي بجهز لك الغداء
هزت راسها بخفه وتوجهت لغرفتها وهي تتذكر كلام عمر ونطقت:الله لايوفقك يدري انه مابوافق عشان كذا أعطاني هذا الشرط
اخذت بجامه وتوجهت تبدل وفتحت ايميلها الي امتلئ برفض الشركات لها نطقت بقهر:حسبي الله
نزلت وجلست جنب امها تتغدا خلصت ونطقت بابتسامه: تسلم ايدك يمه
ام موج بابتسامه: بالعافيه
موج:الله يعافييك
اخذت المواعين ودخلت تغسلهم ونظفت المطبخ نطقت عبير حبيبتي ماقصرتي
موج قبلت وجنه امها وقالت :واجبي يمامتي
جلست دخل ابوها وقفت بابتسامه تقبل رأسه وجلسو نطق عبدالله بحزن:مالك البيت الجديد يقول يبي البيت
موج بتفاجاء:وش كيف مين مالك البيت الجديد؟
تنطق وهو يناظرها: عمر آل مقرن
توسعت عيونها بصدمه وقالت:الدبلوماسي؟
هز رأسه بأيجاب
عبير بحزن:مانقدر نطلع من البيت فيه كل ذكرياتنا حاول تقنعه بنعطيه الاجار زياده
عبدالله: حاولت بس هو يبيه
استقامت بغضب:ما عاش من يطلعكم من البيت
توجهت لغرفتها ودقت على الرقم الي اخذته من مشاري ودقت وهي تنتظر رده دقت ثلاث مرات ورفض الرابعه رد ونطق بغضب: مين معي
نطقت موج بغضب:انا الاعلاميه ابي اقابلك
ابتسم على جنب ونطق بسخريه:تبيني اقابل بنت ماتحل لي اذا هي من اخلاقك ماهي من اخلاقي
موج بغضب:وين اقدر اقابلك
ناظر الساعه وقال:عندي مؤتمر الساعه 7 ف قاعه للمؤتمرات
قفلت فوجهه وناظرت الساعه الي كان 5 تجهزت ولبست عبايتها وانهتها برشه عطرها نزلت نطق عبدالله بتساؤل:وين
موج وهي تسحب كاميرتها:عندي شغله ما بتاخر
عبدالله: بحفظ الرحمن
ابتسمت وقبلت رأسه وطلعت توجهت لسيارتها ووقفت عند كوفي اخذت قهوه وتوجهت لقاعه المؤتمرات وقفت سيارتها
موج بغضب:ماعندي تصرييح
دقت على عمر الي رد بعد ثواني من اتصالها ونطق بتساؤل:خير؟
موج:كيف ادخل بدون تصريح ؟
عمر بسخريه:تصرفي
قفل فوجهها رداً على حركتها نطقت بغضب:ولعنه
نزلت من السياره وتوجهت للمدخل وقفها الحارس:وين التصريح؟
نطقت بكذب:نسيته.
الحارس باسف:اعتذر ماينفع الدخول بدون تصريح
طلعت وهي تنتظره شافت الساعه الس صارت 6 ونص بعد عده دقايق من انتظارها توقفت سيارته قدام المبنى نزلت توجهت له ونطقت بغضب:كيف ادخل
نطق عمر بتساؤل:ليه تدخلين
موج:ابي اكلمك مو فالشارع طبعا اذا احد شافنا بتصير إشاعات
عمر بسخريه:الكل وده ينتشر له شائعات معي
نطقت بقرف:نرجسي على وش بالله؟
نطق بغضب:ترا عطيتك اكبر من حجمك انتي مجرد اعلاميه لاتمونين
ناظرته من فوق لتحت وابعدت عيونها رفع حاجب وقال:وش ذي النظرات؟
تجاهلته وهي تتوجه للمدخل وقالت:انا خطيبه الدبلوماسي عمر
سمعها عمر وناظرها بإندهاش
ناظر الحارس لعمر وقال :صحيح؟
نطق عمر وهو يسبها فداخله:اي بس لايطلع لأحد
الحارس بطاعه:ابشر
دخلت بابتسامه نطق عمر وهو يتقدمها بعدت عن طريقه وفكت كاميرتها رفعه حاجبه وقال:مين سمح لك تصوري
موج وهي تعدل إعدادات كاميرتها :مالك دخل
دخلت وجلست قدام وحطت رجل على رجل دخل عمر بهيبته والقى كلماته وطلع بعد عده دقايق فضى المكان وقفت موج قدامه ونطقت بغضب:انا ادري سويت هذي الحركه متعمد
نطق بإستغباء: اي حركه؟
موج بغضب اكبر:لاتسوي نفسك ماتدري البييت غالي لأهلي ومن بداييه زواجهم وهم فييه وانت تجي فثواني تقول نطلع؟
نطق عمر :انا عطيتك شرط ولو نفذتيه بسجل البيت بأسم ابوك بوظف اختك وبكمل جامعه اختك الثانيه وانتي بترجعييين لشغلك
نطقت بغضب :لييييه انا طييب ليييه في مليارات البنات
عمر نطق بغضب:اكررهه الزواج وابي وحده تكرهني واكرهها ويكون زواج عن ورق مالك دخل فيني ومالي دخل فيك
نطقت موج بغضب:وانتت تشوف انه الزواج لعبه؟
نطق بغضب مماثل: صوتك لايترفع علي ولا قسم بالله بدل الزواج بتكونين فالسجن
موج:أعلى ما فخيالك اركبه
عمر:عندك يومين
وطلع من المكان ضربت الارض برجولها بغضب وطلعت وهي تتوجه لسيارتها وراحت للبيت راحت غرفتها تفكر بالي بتسويه
في الديره
صباح يوم جديد صحت نور على طرقات الباب فتحت عيونها بإنزعاج قامت تفتح الباب ونطقت: يمه مابي اداوم
نطقت ام نور بغضب:بتداومي غصباً عنك بسرعه تجهزي بتروح مع بنات عمك
تنهدت وتوجهت تطلع مريولها من الدولاب تجهزت ولبست العبايه والنقاب وطلعت بعد ما ودعت امها نطقت مها:ساعتيين امشي
روان:يلا تأخرنا
نطقت نور بتساؤل: مين بيوصلنا؟
روان:سيف اخوي
توجهو لسياره وكان سيف قدام وجنبه روان والبنات وراء ناظرته نور من المرايه عدل المرايه عليها وانتبه لنظراتها انتبهت انه يهاظرها وبعدت عيونها بتوتر بعد عده دقايق وصلو للمدرسه نطقت روان بتوتر:ترا لازم تدخل عندي عشان الاجراءات هذا اول يوم لنا انا ومها هنا
نطقت مها:وفوقها متأخرين
نزلو وهو معهم دخل للاداره القى السلام بأحترام وسوى الاجراءات حق روان
نطقت المديره بغضب: ليه متأخرات انتي وهيه وين ولي امركم؟
مها:انا اخته
ناظرت المديره نور وقالت:ونور؟
مها:بنت عمنا هي
المديره: وقع لهم ثلاثتهم
وقع على مخالفه التأخير وطلع متوجهه لخويه
عند البنات
دخلو البنات للفصل شالو عبايتهم نطقت معلمتهم بابتسامه: عرفو عن انفسكم
نطقت روان بتوتر:انا روان
مها:تؤامها مها
نطقت وسن معلمتهم: ماشاءالله مابينكم شبهه
روان:اي
وسن:تفضلو
جلسو قريب من نور مرت اول حصص
وجاء وقت الاستراحه نطقت نور:ودي بكوفي بنات شرايكم نطلب؟
ناظرتها روان وثالت بصدمه:انتي جنيتي اول يوم من اولها تبين تدخلينا الاداره
ملاذ:وييين كل يوم نطلب محد يدري
مها:اقول طلبو خليكم بس من وين
نطقت نور بهمس :جبت جوالي
توسعت عيون روان بصدمه:احلفييي
ضربتها نور بخفه لما شافت الانظار صارت عليهم: اسكتي بروح اطلب من الحمام وبجيكم
توجهت للحمام طلبت لهم قهوه ورجعت تخبيه وتوجهت للبنات وكملو سوالفهم انتبهت للرساله الي وصلتها انه برا
نور:بطلع اجيبه اصبرو
استقامت ولبست عبايتها وحطت الطرحه على شعرها وطلعت من الباب الخلفي وهي تعلمه انها عهد الباب الخلفي توسعت عيونها بصدمه لما شافت سيف ولد عمها ناظرها ونطق بصدمه:شتسوين انتي؟
غطت وجهها نطق بغضب وغيره: انتي انهبلتي؟ طالعه لشخص وشعرك ووجهك مبينين؟
نور بتوتر:انت وش جابك
نطق بغضب:خويي جاء يوصل طلب وجيت معه واشوفك هنا
ومو متغطيه وربي يانوور بيوصل لعمي
نطقت بتوتر:لا تكفى سيف طلبتك تستر علي
اعطاها القهوه وراح لسياره الي كان متواجد فيها خويه
دخلت وهي متوتره واعطت البنات القهوه وجلسو يسولفون
بعد المدرسه مهند رجعهم وصلتهم رساله من الجد:تجهزو اليله بنروح البر كم يوم
كتبت نور:والمدرسه
رسل ابو سيف:استأذنا لكم
قامت تنط بحماس بسبب حبها للبر واجواءه
_
اليوم التالي عند موج الي تفكر بالي بتسويه وناظرت الحزن الي يعتلي وجهه ابوها وامها نطقت بهمس:الله لايوفقك
نطق عبدالله بحزن:بنفضي البيت يبيه خلال يومين
موج:يبه لا تكفى
مروج:مدري وش صار بحياتنا انا مانقبلت فالجامعه مع انه درجات اخر فصل كانت عاليه
ولايف:وانا ما لقيت وظيفه وموج انطردت
موج بحقد:الشيطان دخل بيننا
توجهت لغرفتها دقت على هيام ودموعها تنزل بدون توقف :ونطقت بغضب:وش اسوي وش اسوي معه
هيام :الصدق تزوجيه يعني مين يرفض عمر؟
نطقت موج بغضب:انتي ماتعرفيينه يقهر اكرهه ماحبه
هيام:جربي جربتي كثير اشياء ف حياتك جربي تصيري زوجه عمر
موج :هيييام افهميني الزواج موب لعبه افهمي تكفين
هيام:مووج حبيبتي انتي بعد افهمي انه زواجك فيه مابيضرك هو قال بيوظف اختك وبيدخل مروج للجامعه وبيعطي ابوك البيت وبترجعيين لشغلك وش تحتاجيين اكثر هو بيكون زواج عن ورق اطلعي سوي الي تبينه فالنهايه هو ماله دخل
اخذت نفس وزفرته ونطقت: بستخير وبترك أمري لله
هيام:طيب ياقلبي
قفلت ودخلت تتوضى وفرشت سجادتها واستخارت
بعد مده من صلاتها ناظرت الساعه الي على الحيط واخذت العبايه وحطت الحجاب على كتفها توجهت لسيارتها وتوجهت لمكان عمله وقفت سيارتها ووقفت قدام السياره متكيه عليها وتطالع جوالها بعد عده دقايق طلع عمر ومعه مشاري ناظر موج بابتسامه ونطق:روح بجيك
مشاري بضحكه:بالتوفيق
توجه لموج الي رفعت عيونها تناظره ونطق:عسى ماشر؟
موج بحده:موافقه على شرطك
ابتسم على جنب:كنت متوقع
اخذت نفس وزفرته وقالت:طيب الحين؟ بتسوي كل الي قلته
نطق عمر:اول تصيرين زوجتي بعدها اسوي لك الي قلته
نطقت بحده وهي تناظره:والبييت مو قلت لابوي انه يطلع خلال يومين؟
عمر بروقان:خلي كل شي علي
ناظرها ونطق بتساؤل :الا كيف بتزوج وماعرف اسم زوجتي
رفعت حاجبها وقالت:طردتني من الشغل وماتعرف اسمي؟
عمر ناظرها وقال:مدير اعمالي الي تكلم مع شركتك موب انا
ناظرته وقالت بثقه: معك موج بنت عبدالله آل جاسر
عمر :يومين وبجي أتقدم لك يا الاعلاميه
موج:عندي شروط قبل مانتزوج
عمر:لما تصير الشوفه خير
ركبت سيارتها ورجعت على وراء بعدم انتباه وصدمت سياره وقفت بصدمه ونزلت تشوف وهو يناظرها ومتكتف ونطق:مين معطيك شهاده السواقه وبعدين مين يشتري سياره ورديه باربي انتي؟
نطقت بغضب:ماني رايقه لك سياره مين ذي؟
تكى عمر على السياره وقال:هذي سيارات وزاراء كلها مين سمح لك توقفين هنا اصلا؟
موج ضربت دولاب السياره وقالت بغضب:ولعنه ولعنه
فكت الجوال
نطق بتساؤل:مين بتتصلين
موج:بطل اسأله غبيه يعني حق مين اكيد الشرطه
سحب الجوال منها:ودق على الشرطه نطقت بغضب :مين سمح لك
ناظرها وقال:اجل اخليك تكلمين رجال وانا موجود؟
موج:لاتصدق نفسك بعدنا ماتزوجنا ولا انت مفعل الغيره لكل بنات العالم
تجاهلها وهو يرد على الشرطه: صار حادث ف حي .... عند مبنى الوزارات
وقفل ورمى عليها جوالها وراح لوراء السياره يشوف الحادث وكانت سيارتها متأذيه اكثر
بعد عده دقايق جات الشرطه وتكلم معهم عمر بخصوص الموضوع وهي واقفه عند السياره بتوتر نطق الشرطي: شهادة السواقه وملكيه السياره
فتحت الباب وطلعت من شنطتها واعطته البطايق دقو على مالك رقم السياره وطلع لهم نطق وليد الي كان جاي يكلم ابوه الي يشتغل هنا: عسى ماشر
الشرطي:البنت صدمت سيارتك
ناظر وليد موج الي كانت متوتره وقال:عسى ما تأذيتي؟
هزت راسها بنفي
وليد:مو مشكله مابي ارفع بلاغ ما تأذت السياره كثير اساسا بس سيارتك راحت فيها شوي
نطقت بصوت منخفض:مو مشكله
الشركه:بننقل السياره نفحصها
هزت راسها بطيب نطق عمر:طلعي اغراضك وتعالي
اخذت اغراضها من السياره وتوجهت مع عمر وقالت:ترا مابروح معك لاتحلم كثير بدق على اوبر
ناظرها برفعه حاجب: قبل شوي صوتك ماينسمع والحين رجعتي
تجاهلته وفتحت جوالها تحجز اوبر سحب الجوال وركب السياره جنب مشاري اخذت نفس وهي تسبه فداخلها بس تواجد الشرطه وترها وركبت وصلو لمكان البيت نطقت:وقفوني بعيد
نطق باستغراب: ليه
موج:بس مالك دخل
وقف مشاري نزلت واخذت اغراضها نطق عمر:انتظر توصل للبيت اول
مشاري :تخاف عليها؟
ناظره ورجع يناظرها تاكد انها دخلت ورجعو لبيوتهم
_
في الديره
فبيت الجد عايض
نطقت روان بترجي:نور تكفين تعالي معنا
مريم:لا بتجي معنا
روان:تعالو اثنينكم وربي بنتحمس
مريم بحماس:تم
توجهو البنات لسياره سيف
ناظرت روان سيف وقالت:بناخذ قهوه
سيف:ابشري
توجه لكوفي ونطق:وش تشربون
روان:انا اعلمك 3 كراميل ميكياتو وواحد ايس امريكانو
نزل واخذ لهم رجع وأعطى روان القهوه تعطيهم
نطقت نور:ابي البقاله
وقف عند البقاله وقال:وش بغيتي؟
نور:ابي انزل
سيف:وش تنزليين كله عيال
روان:ارسلي له الي تبينه وبيجيبه
نور بعناد:ابي انزل شي خاص فيني
تنهد وفتح الباب وقال: امشي
فكت الباب بحماس ونزلت وراحت وراه
نطقت روان:احسهم بيتزوجون
مها:حتى انا احسس مع انه شخصياتهم ضد بعض
لفت روان عليها وقالت:الحب كذا ياغبيه
في البقاله
سيف اعطاها السله:يلا بسرعه
توجهت لقسم الحلويات والشبسات واخذت كل شي قدامها
ناظرها بصدمه وقال:بس بيوجعك بطنك
نور:عادي بطني ولا بطنك؟
توجهت للمحاسب اخذ منها السله وقال:روحي السياره
طلعت بطاقتها
سيف:روحي روحي
نور:امسك
سيف:نور لاتعصبيني مستحيل اخليك تدفعين روحي ولاتخليني اعصف
نور:بحولك
ورجعت لسياره حاسب ورجع اعطاها الاغراض
روان بضحك:انتي خذتي البقاله كلها
ضحكت بخفه توجهو للبر بصمت كان بينهم
_
في بيت عبدالله آل جاسر
دخلت وجلست وشافتهم ينقلون الاغراض نطقت:محد بيطلع من البيت
مروج بأستغراب: عمر قال يبي البيت خلال يومين لازم ننقل كل شي
موج: صبر
دقت على عمر ووقفت وهي تطلع برا الصاله تكلمه رد وقال:الشوق ذبحك؟
موج بغضب:لاحول لاتصدق نفسك اسمع اهلي جالسين يفضو البيت اخلص وكلم ابوي
عمر :طيب
قفلت ورجعت دق جوال ابوها رد بأستغراب من اتصاله
عمر باحترام: هلا عمي
عبدالله: اهلين
عمر: تقدر تجيني المكتب بنتكلم فموضوع نقل الملكيه لك
عبدالله بشك: ملكيه وش
عمر:البيت
عبدالله بفرحه:الله يجزاك خير ياولدي
عمر بابتسامه: ابد ماسويت شي استأذنك
عبدالله: اذنك معك
قفل
عبدالله بفرحه: أعطانا البيت
عبير بعدم تصديق:والله؟
عبدالله: اي الله يسعده
ابتسمت على فرحه اهلها ودخلو البنات للغرفه يرجعون الاغراض
نطقت مروج بشك:كلمتيه؟
نطقت بإنفاء:لاا
مروج:طلعتي تتصلين ومن رجعتي اتصل
موج:صدفه
دق جوالها بأسم الدبلوماسي شافته مروج ونطقت:اجل صدفه وقالت بحماس:يحبك؟
موج:لا وين بس كلمته بموضوع البيت واقنعته
مروج:كيوتت
موج:طسي
عند عبدالله الي كان يجهز نفسه ونطق وهو يدخل على غرفه موج وقال:موج قومي وصليني
موج بقلق:رجلك رجعت توجعك؟
عبدالله: شوي ماعليه
موج:باخذك للمستشفى بعدين
عبدالله: طيب
لبست عبايتها وطلعو ركبت سياره ابوها الي قال:وين سيارتك
موج:نسيت اعلمك رجعت على سياره والشرطه اخذوها يفحصوها
نطق عبدالله بخوف عليها:صار عليك شي؟
موج:لالا بخير هذاني
عبدالله: بسم الله عليك
ابتسمت بخفه وقالت:وين نروح؟
عبدالله: مكتب .......
توجهت للمكان نزل ابوها وهي نزلت تروح كوفي الي جنب المبنى اخذت قهوتها ووقفت قدام السياره تتأمل الاجواء المغيمه
عند عبدالله الي راح الرسيبشن وقال:وين مكتب عمر آل مقرن
نطق الموظف:عندك موعد؟
عبدالله: اي
وصله عند المكتب دخل عبدالله وقف عمر بأحترام يسلم عليه وقال:تفضل عمي
جلس بابتسامه واعطاه العقد وقع عليه ومد له الشيك
نطق عمر بجديه: عمي بكلمك ف شي
عبدالله باستغراب: تفضل
عمر:ابي اتقدم لبنتك على سنه الله ورسوله
عبدالله بأستغراب: ومن وين تعرف بنتي؟
عمر:هي اعلاميه شفتها ف مؤتمر والبنت أخلاق وإحترام وابيها
عبدالله بابتسامه: بنشوف البنت ونرد عليك
عمر بابتسامه: خذو راحتكم
عبدالله: استأذنك اجل
عمر:وين عمي والله ماتروح بعزمك على العشاء
عبدالله: لا مشكور ماتقصر
عمر بصمله: لا والله حلفت انا
عبدالله: بنتي تنتظرني
عمر:خليها تروح البيت انا بوصلك وانا حلفت
قام عبدالله بتنهيده من عناد عمر ومشو انتبه عبدالله لموج الي متكيه على سيارتها وتشرب القهوه ناظر عمر المكان الي يناظر له عبدالله
عبدالله: بجيك
توجه لموج الي رفعت راسها وقالت:خلصت؟
عبدالله: روحي البيت
موج:وانت يبه بنروح المستشفى رجلك
عبدالله: بعدين عمر عزمني ماقدرت ارده
موج بضحكه: صرتو اعز الاخوياء
عبدالله بابتسامه :الولد طيب وتقدم لك فكري
انحرجت من ابوها بس مابينت وهزت راسها بطيب
موج:يلا يبه بحفظ الرحمن
عبدالله: يلا حبيبتي
ركبت السياره وتوجه عبدالله لعمر يسولفون مع بعض براحه وتوجه لمطعم نزلو انتبه عمر لفارس خويه تقدم يسلم عليه نطق فارس بتساؤل: يبه انت مع عمر؟
نطق عمر بصدمه:ابوك؟
فارس:اي
تقدم فارس يحضن ابوه الي له فتره ما شافه
نطق عبدالله: متى جيت؟
فارس:توني جيت اتعشى وجايكم البيت
عمر:تعال معنا
جلسو فالطاوله وفهمه عمر كيف طبع العلاقه بينهم
_
في الديره
وصلو البر نزلو اغراضهم طلعو العيال الخيم وبدو يركبونها والبنات يشعلون النار
نور بحماس:وربي متحمسه مره
لينا:اكثرر
جلسو البنات حول النار يتدفون من البرد
ساره بابتسامه:تحدد عرسي
نطقت روات بعدم تصديق:متى انا اخت العريس ومادريت
ساره:ابوي علمني انه بعد اسبوعين
نور:بدري
ساره:مره بس أمري لله ببدا اتجهز لما نرجع وان شاء الله اخلص
مريم:ماعليك بنساعدك
نطقت ام نور من بعيد :نور تعالي
استقامت تتوجه لأمها الي قالت:دخلو انتي والبنات العيال بيجلسون برا وبياضيقوكم احسن تاخذون راحتكم
نور:طيب
دخلو البنات بعد ماعلمتهم نور يدخلون
ساره:احد يجيب الحلى
نور:انا بقوم وينها
ساره:ف سياره سيف
قامت وتوجهت لسياره سيف وفتحت الباب ومافتح توجهت لمكان العيال وقالت:سيف
ناظرها وقال:سمي
نور بتوتر من نظراتهم الي توجهت عليها:ابي حلى من السياره مقفله
وقف ومشى معها فتح السياره ونطق:وينه
نور:مدري ساره تقول هنا
نطق بغيره:شعرك طالع من وراء غطيه
انتبهت وغطته بإحراج
فتح الباب الثاني واخذ الحلى واعطاها وقفل السياره رجع وهي راحت للبنات وزعت عليهم الحلى وجلسو ياكلون
نطقت نور بنعاس:شرايكم ننام
ساره:وييين تونا
نور:وربي تعبانه قايمه من الصبح للمدرسه ومانمت كثير واحسن تبدأ فعالياتنا الصبح والجو مغيم وبارد يعني مو حراره
روان:اتفق ودي انام
مها :اجل يلا
حطو فراشاتهم ونامو
اليوم الثاني كانو للكل مجتمعين تحت ظل المظله المثبته
نطقت ام سيف:انا اتفقت مع ام موج ان نجيهم اليوم
سيف بأستغراب: شسالفه
نطقت روان بحماس:تعرفون الي صورت الدبلوماسي عمر؟
نطقت سياف بأستغراب: الي نشرت صورته فالبحر؟
روان:اي هي الي بنخطبها لك
سياف:ماكنت ادري انها اعلاميه
ابو سيف: لازم نتحرك الحين عشان نلحق نوصل
روان:عمي بناخذ نور
نطق ابو نور باستغراب: ليه
روان:هي تعرفها خويتها
ابو نور:توكلي نور معهم
نور بحماس اخفته:طيب
توجهو لسياره يرجعون للبيت اخذو اغراضهم الي يحتاجوها وتوجهو بالسياره للمدينه الي فيها اهل موج
-
فبيت عبدالله آل جاسر
دخلو عبدالله وفارس فزت موج لما شافته وحضنته
فارس بابتسامه وهو يبادلها الحضن:وحشتيني يالنتفه
موج:وانتت بعد يعيوني
قبل رأسها بعدت بابتسامه سلم على امه ونطق بتساؤل:وين مروج وولايف؟
عبير:نايمين عندهم شغل بكره
فارس:وانتي عمر خويي متقدم لك
نطقت بصدمه:الدبلوماسي خويك؟
فارس:اي
نطقت عبير:موج متقدمين لها من عايله نور بعد
ناظرتها موج بصدمه:كيف
عبير:ولد عم نور بيجون بعد يومين يتقدمون لك
فارس:يالنتفه كثرانين خطاطيبك
رجعت شعرها على وراء وقالت بثقه:محد يقدر على جمالي
فارس يضحكه:وانا اشهد
ابتسمت وهي تحط راسها على حضنه
موج:يلا انا بروح انام عندي شغل الصبح
فارس قبل رأسها وقال:تصبحين على خير
موج بابتسامه: وانت من اهل الخير
توجهت لغرفتها ونامت
بعد يومين
صحت موج الظهر وجهزت نفسها ونزلت تجلس عند اهلها دق جوالها شافت الدبلوماسي استقامت وتوجهت للغرفه ونطقت:خير
عمر برفعه حاجب:في وحده تكلم خطيبها كذا؟
موج:اخلص وش تبي
عمر:بكره بنجيكم انا واهلي
رمت نفسها على السرير وقالت:تمام حياكم
عمر:ابي اقابلك بنتفق على الشروط
نطقت موج:مو قلت فالشوفه؟
عمر:الشوفه مابتطول لازم نتناقش
موج:ماطلع مع عيال معليش
عمر برفعه حاجب:ماشاءالله وكل يوم مركنه قدامي عادي؟
موج:كنت ابي شي ليه ماتتكلم بالجوال؟
عمر:يعني الجوال حلال ؟ تعالي بنتفاهم فكم شي
موج:موب اليوم
عمر:كيف موب اليوم بكره عندي مؤتمر وبعدها بنجي نتقدم
موج:انا مشغوله مايصير تتكلم فالجوال يعني؟
عمر:لازم اشوفك وجهاً لوجه
جلست باعتدال وحطت الجوال قدامها وفكت الكاميرا هذا وجهي يلا تكلم
