الجوهره بأستغراب: مو كانت عندك؟
عمر:لا مادخلت هي؟
اشواق:الغرف كلها مقفله ماعتقد
دق على جوالها ردت بحقد وقالت:خير؟
عمر بغضب:وينك؟
موج:مو قلت انه انا لعبه؟ خلاص اللعبه مالك دخل فيها دامك تقول انه مالي دخل فحياتك حتى انت مالك دخل فحياتي!
عمر بحده:بنتفاهم بعديين وينك فيه؟
قفلت فوجهه طلع برا المجلس وترسل لخويه يطلع له موقع الرقم أرسله الموقع توجه لسيارته بسرعه وتوجه للفندق ودخل وهو يقول:في حجز بأسم موج بنت عبدالله
نطقت للموظفه:معليش المعلومات سريه
نطق بحده:زوجتي هي
ناظرته وقالت:الاثبات
طلع وثيقه الزواج فجواله اعطته رقم الغرفه توجه له ودق الباب فتحت الباب توسعت عيونها بصدمه من تواجده دخل بغضب وقفل الباب ونطق بغضب: مينن سمح لك تطلعيييين من البييت بدون اذني؟
موج بغضب مماثل:انا لعبه عندك؟
عمر بغضب:قلتها ف لحظه غضب وكنتي شايفه كيف وضعيي المفروض ماتكلميني!
موج ببرود:مالي دخل لو سمحت اطلع
عمر:امشي معي
موج بعناد:ماني ماشيه ولو مارحت ببلغ عليك!
ضحك بسخريه وقال:بتقولين لهم زوجي يبي ياخذني للبيت!
موج:اي
نطق عمر بتهديد:يمين الله لو ماشفتك فالسياره خلال 5 دقايق عقدنا ينتهي وكل شي سويته لك برجع اخربه
وطلع وهو يتوجه لسيارته ينتظر قدومها بعد عده دقايق قليله ركبت موج السياره بغضب وهي تسكر الباب بكل قوتها ناظرها برفعه حاجب وقال:اكسري الباب!
موج بغضب:اسكت عني لو تسمح
توجه لشاليه نزلت وهي تتوجه للبحر تاخذ انفاسها
وجلست على الرمل ودقت على هيام الي اول مادقت سمعت ردها الي يخليها تبتسم: أرحبي يادهر قلبي ورجعانه
نطقت بابتسامه: البقى هيامي
هيام بقلق:شفيك ياعيون هيامك صوتك مو على بعضه
علمتها بالي صار ونطقت هيام بغضب:خييير ان شاء الله وش الي انتي لعبه عنده مو من حقه يقول كذا اصلاا!
موج:يحبها
هيام:جعلهم بخيسون فبعض وجع
ضحكت موج بخفه ونطقت هيام:ياجعلنييي ما افقد هذي الضحكه
موج:يعمري محد يغيري مودي غيرك اشتقت لك وابي اشوفك
هيام بتخطيط:اسمعي اول ماترجعين من عند زوجك الغثيث بنسوي لنا جدول انا وانتي
موج بضحك من مسماها لعمر:ابشري يلا انا بدخل وبقفل
هيام:يلا يعمري
قفلت واخذت نفس وهي تطالع الامواج الي تتراجع
ودخلت للبيت نطقت الجوهره بقلق عليها:وين رحتي خوفتينا عليك
موج بكذب:صار لي شغل مستعجل رحت اخلصه وجيت
انتبهت لنظرات الحقد الي من وصايف وامها وتجاهلتها وهي تلتفت لأشواق وتسولف معها
_
في الديره
بعد انتهائهم من صلاه الفجر تجمعو العيال ف المجلس
نطق الجد: سيف قوم شوف احد يجيب الفطور
هز راسه بطاعه
وتوجه للمطبخ وهو يقول:في احد؟
نطقت نور الي كانت تسوي الفطور:انا
دخل بابتسامه لما شافها تطبخ
سيف:شتسوين
نطقت نور:الفطور
سيف بأستغراب: وليه تسوينه لحالك وين البنات؟
نطقت نور وهي تطلع الخبز من النار :كل يوم يكون في بنت تسوي الفطور واليوم دوري
سيف:امس ملكتك ويخلونك تشتغلي اصبري بس بهاوشهم
ضحكت بخفه وقالت:ترا ماهو بذبيحه عادي مايتعب
نطق بابتسامه مع ضحكتها:دامك مستانسه يعني ما بهاوشهم
ضحكت وقالت:وش عندك جاي
سيف:جدي يبي الفطور
نطقت نور:ماخلصت لسا
سيف بابتسامه وهو يناظرها:عادي بنتظرك ما وراي شي
استحت من نظراته لها بس حاولت تخفي توترها
ونطق:متى تخلصين مدرستك
نور:اخر ترم لي
سيف:يعني بعد الترم نتزوج
هزت راسها بلاء:بدري
سيف:وش بدري ماتبين تدخلين جامعه؟انا ادري بعاداتهم هنا وانه مايسمحون للبنت تكمل دراستها اذا رحنا المدينه انتي بتدخلين الجامعه عندي ومحد بيتدخل
نور بتفكير:مافكرت فيها
سيف بابتسامه: شوي تفهين بس ماعليه
نور:شوف جدي
هز راسه بطيب وهي طلعت الفطور وحطته على الصحون
نطق بتساؤل: وينهم ماشوف احد صاحي؟
نور:امس كلهم سهرانين ونايمين
سيف:خلاص روحي نامي
نور:ماسهرت معاهم رحت انام على طول
سيف:وصل الفطور وبجي افطر معاك
نور بخجل:مايحتااج
سيف: يحتاج
اخذ الفطور وكان بيطلع ونطق الجد:وين
سيف:عندي شغل شويات وبجي
توجه للمطبخ
سيف:شرايك نروح غرفتي؟
ناظرته بصدمه وقالت:شرايك تقمع افكارك؟
ضحك وقال:ترا زوجتي عادي
نور :قولها لجدي وربي لو يشوفني معك بيجلدنا بالعقال فالديره صح اننا متزوجين بس في حدود إلى مانتزوج بشكل علني
سيف:وش الي حدود ترا زوجتي حلالي خليك منهم انا هنا امشي على عاداتي
اخذ الفطور وتوجه للغرفه لحقته وهي تقنعه يغير رأيه قفل الباب عشان تاخذ راحتها
ناظرها سيف بابتسامه وقال:شيلي الغطاء عنك لاتحرميني من جمالش
شالت النقاب عنها بخجل من كلامه وجلست معه
ونطق:يرحملي امش لاتستحين وماتاكلين كلي
هزت راسها بطيب وكملو اكلهم وهو يتعرف عليها اكثر
_
في الشاليه وتحديدا ف مجلس النساء
نطقت وصايف بقهر وهي تناظر موج الي كانت مندمجه بالسوالف مع البنات:ما يأنبك ضميرك انه فرقتي شخصين يحبون بعض؟
ناظرها واخذت نفس عميق وزفرته: انتي وش تبين بالضبط؟
وصايف بقه:ابييي الي اخذتيه مني
مسكت جوالها ورسلت لعمر:"بنت عمك تدور مشاكل تجي تسكتها ولا انا اسكتها؟"
عند عمر الي شاف رسالتها ورسل:"اسكتي عنها"
ناظرت رسالته
الجوهره بحزن على حاله وصايف:حبيبتي وصايف ربي بيعوضك بشخص غير عمر
نطقت ام وصايف بغضب: والي سواه عمر زين؟شوفي حاله بنتي كيف والسبب ولدكك
تنهدت الجوهره بحزن طلعت موج من المكان وهي تدق على رقم عمر الي رد عليها ونطقت: ابي اقابلك قدام البحر لو تسمح
وقفلت بدون ماتسمع رده وتوجهت للبحر تجلس فالرمال انتبهت لخطواته وراها جلس وقال:وش صا
موج بهدوء:انا ابي اسمع قصتك مع وصايف عشان اعرف كيف اتفاهم معها هي مابتسكت عني وانا مقدر امسك لساني لو سمحت اشرح لي الوضع
عمر:سوي الي قلتلك عليه اتركيها تتكلم وتجاهليها واذا صرنا سوا قدامها مثلي انك تحبيني
ناظرته وقالت بجديه:واضح انك تحبها ليه تسوي فيها كذا؟ عيونك كانت حمرا لما طلعت من المجلس وانت شايف دموعها ليه تقسى عليها وعلى نفسك وليه اجبرت نفيك تتزوج وحده ماتعرفها وتكرهها ؟
عمر بنكر:ماحبها
رجعت تناظر البحر وقالت :اكذب على غيري واضح من عيونك انك تحبها لو ماتحبها بتخليني ارد عليها بس انت ماترضى عليها
عمر بغضب:طيب احبها ارتحتي لما عرفتي؟
موج:اي ارتحت وابي اسمع القصه عشان اعرف اتصرف انا مقدر امسك اعصابي ممكن تفهمني عشان افهمك؟
اخذت نفس عميق وزفره وقال: القصه بدت واحنا صغار كنا دايم مع بعض واهلنا واجدادنا دايم يقولون وصايف لعمر وعمر لوصايف مكتوبين لبعض وكبرنا على هذا النحو وانه احنا بنكون سوا وبنتزوج هي تحبني وانا احبها
موج: طيب وش الي ما تركك تتزوجها؟
عمر:سافرت اكمل دراستي ورجعت بعد ماصرت 27 سنه تقريبا ولقيتها متزوجه!
ناظرته بصدمه:كييف؟
عمر بقهر:لقيتها متزوجه من صديق عمري اكثر شخص مقرب لي ف ذاك الوقت سألت الكل ليش انا كنت انتظر رجعتي عشان اخطبها بس وش كان ردهم؟
موج بحزن:وش
عمر ضحك بسخريه :البنت كبرت وهي تنتظرك ! حاولت اشتغل على نفسيي اكثر واكثر عشان انسى السالفه عجزت انساها وقبل سنه تقريبا صارت بينهم مشكله وتطلقت ما انكر فرحتي ف ذاك الوقت وبعد انتهاء عدتها الكل كان مترقب خطبتي لها والكل كان واثق انه ابيها بس صدمتهم بخطبتي معك عشان اخليها تعيش شعوري وتجرب بالي مريت فيه
نطقت بعد ما أخذت نفس وهي تشوف دموعه الي يحاول يخفيها بعدت عيونها وهي تعطيه راحته ونطقت :بترجع تخطبها صح؟
عمر:ماقدرت انساها ابيها تجرب الشعور كم شهر بس وبعدها روحي بطريقك وانا بروح بطريقي واخطبها واتزوجها واعتذر عن كلامي ماكنت اقصده بس انتي جيتيني فوقت غلط
هزت راسها بتفهم وقامت وهي تشيل عبايتها نطق باستغراب: ليه تشيلين عبايتك
موج:حر
عمر:حر ادخلي العيال موجودين لو احد طلع تشافك؟
موج بابتسامه: خليك فحبيبه القلب اتركني على جنب عادي خلهم يشوفوني نطق بغيره:وش الي يشوفونك ادخلي ولا اعلمك كيف يشوفونك
موج بضحكه:انت مفعل الغيره على كل البنات ولا وشو؟
ابتسم بخفه وقال:نوعاً ما
ضحكت وقالت:فلسفتيي
ضحك بخفه وهو يرفع العبايه عليها لبستها ونطق:ادخلي الجو حار
موج :حبيبه القلب حقتك كل ما شافتني انجنت مابي ادخل
عمر:ادخلي للغرفه هذا المفتاح
موج:اي غرفه طيب
عمر:اشواق تدليك عليها
قامت تهي تتوجه لداخل وموضوع وصايف وعمر شاغل بالها توجهت لاشواق وهي تتجنب النظر ف وصايف الي عيونها محمره من البكي
موج بتساؤل:وين غرفه عمر
نطقت اشواق:اخر غرفه على الممر الي عاليمين
توجهت للمكان الي وصفته وفتحت الغرفه نزلت عبايتها ورمت نفسها عالسرير وهي تفكر بحياتها والي يصير فيها وبعد مرور ساعه ماحست فيها دخلت اشواق وصرخت بنيه تخويف موج الي صرخت بخوف وقالت:الله ياخذ العدوو
ضحكت اشواق وقالت: اسمعي
جلست وقالت:هلا
اشواق:عمر ترقى
موج بأستغراب: طيب؟
اشواق بأستغراب من رده فعلها:ماتبين تحتفلين فيه؟
نطقت باستوعاب:اي اي
اشواق:حلو اسمعي هنا عنده شقه كلمت صديقتي تزين وكذا اول انتي فاجائيه بعدين بنجي احنا نفاجاءه
موج بفهاوه:وش اسوي يعني
اشواق بضحك:اهخ وضعك اسمعي يعني مثلا تزيني وخذي له هديه تعجبه كذا
هزت راسها بتفهم وقالت:طيب بكره بروح بس ماعندي سياره
اشواق:بنكلم واحد من العيال يعطيك سيارته،
هزت راسها بطيب طبعت اشواق بعد انتهائهم من التخطيط واخذت موج شنطتها طلعت بجامه ودخلت للحمام تبدل يكرم القارئ وطلعت ونامت بعد دقايق من التفكير وبعد ساعتين من نومها دخل عمر الي كان يبي يناديها للعشى ولما شافها نايمه تركها وراح يبدل ونام فالكنب
اليوم التالي صحت موج على اتصال اشواق ردت وهي نصف نايمه:هلا
اشواق:بنتتت قومي
جلست بتعب وقفلت استغربت انه عمر نايم فالكنب تجاهلت الوضع ولبست عالسريع وتوجهت لغرفه اشواق وقالت:وين مفتاح السياره
اعطتها واعطتها كيس فيه فستان ونطقت بغمزه:البسيه للحفله
هزت راسها بطيب بعدم فهم اخذت الكيس وفأيدها المفتاح توجهت للشقه وهي تضبط الاوضاع وطلبت لها اكل واستغربت انه عمر مت لاحظ غيابها دق جوالها وردت لما شافت اشواق:اسمعي عمر سأل عنك وقلتله انك رحتي شقته وزعلانه من سالفه صارت له جهزي نفسك بسرررعه واحنا جايين لو ماتلبسين الفستان بقاطعك
موج:ابشري
قفلت وهي تتنهد اخذت الفستان الي كان حرير باللون الابيض يفصل جسمها طلعت وهي تنتظر عمر يجي سمعت دق الباب فتحته ونطقت بغضب:اكسره بعد
ناظرها بصدمه بها وشكلها وقال:وش صار
موج فتحت الباب كامل:ادخل
دخل وهو يسكر الباب انتبه للزينه علمته بالي صار بينها وبين اشواق نطق بعد انتهاءها من الكلام:يالبزره ذي
موج: بيجون كلهم هنا بعد شوي وبعد بيحتفلون بيوم ميلاد ميار معك
عمر بتساؤل:طيب طلبتي غداء لهم؟
نطقت بتذكر:اي تو دق علي المندوب وشكله مضيع
فتحت جوالها تدق عليه سحب الجوال نطقت بغضب من تصرفه:خير
تجاهلها وهو يرد علبه ويوصف له البيت وقفل وهو يبلك الرقم ونطق:كلام مع شباب غير الي متواجديين فعملك غير ممكن
موج:ماتحس انك زودتها يعني ولا نسيت شروط الزواج؟
عمر بحده:والله مابتخلى عن رجولتي وغيرتي عشان انفذ شروطك اقطعي السالفه!
سكتت وهي تلعنه ف داخلها سمع صوت للسياره طلع وهو يستلم الاكل واعطاها جهزته فطاوله وهي تاكل نطق :بس بس ماغير تسفين فهالاكل
ناظرته وقالت:اكل من حلالك؟
عمر:اي من حلالي
موج بأستوعاب: صح بس مالك دخل
اخذت صحن ورق عنب وجلست على الطاوله وهي تاكل
ونطقت بمزح:عمر بتعزمني لعرسك انت ووصايف؟
عمر بأستهزاء: لا خايف اجرح مشاعرك
ناظرته برفعه حاجب:تجرح وش اول ماخلص عدتي تلقى 10 قدام باب بيتنا
ضحك بسخريه:الثقه!
رجعت شعرها على وراء وقالت:يحقلي
ناظرها وقال:على وش لا جمال ولا اسلوب!
موج بسخريه:شايب وش عرفك بالجمال انت خليك على وصايف بس
نطق برفعه حاجب:شقصدك؟
موج وهي تاكل:ماقصدي شي
عمر:وصايف أجمل بنت شافتها عيوني وماتتقارن بغيرها!
موج بتسليك: طيب طيب
نزلت لما سمعت صوت طرق الباب وقامت تلبس عبايتها نطق: سكريها زين
تجاهلته وهي تتوجه للباب مسكها قبل توصل ونطق بحده:انا وش قلت؟
سكرتها بغضب وتوجهت تفتح الباب دخلو الكل وهم يباركون لعمر
نطقت للجوهره بدموع:فخوره فيك
ابتسم وهو يقبل راسها بحب ويحضنها ابتسمت مزج على علاقتهم وبعدها حضن اخواته الي دموعهم نزلت وقبل رأس ابوه وجده
نطقت ميار وهي تسحب الصحن بجوع وتاكل وقالت:اسفه إذا حق اخد فيكم بس مرا جوعانه
ناظر عمر مزج وقال:لاماعليك حق القطوه
ناظرته باستغراب وقالت:قطوه تاكل ورق عنب؟
عمر :قطوتنا تسف فكل شي حتى لحم الانسان تتغذى عليه
ناظرته بطرف عينها ومالت عليه بخفه وقالت:لو ماسكتت بقطع راسك وباكله صدق
ضحك بخفه ونطقت ميار بضحك:بس درينا مين القطوه
ناظر عمر موج الي كانت عبايتها مفتوحه ومبينه تفاصيل جسمها بسبب الفستان ضيق سكرها لها ونطق بهمس حاد:ماقلت تسكرينها؟
موج بهمس:مافيها ازرار مانتبهت انها انفتحت
اغلقتها بأحكام وبعد تقطيع الكيك توجهو العيال للمجلس والبنات يحتفلون ف ميار بعد انتهاء احتفالهم رجعو لشاليه بإستثناء عمر وموج الي كانو ينظفون البيت سوا
نطق عمر بغضب:هذي الفساتين الضيقه مرثانيه ماتلبسينها
ناظرته باستغراب من عصبيته المفاجاءه: ميين هنا الحين ؟
عمر بغضب:انا موجود هنا ويفضل تستري نفسك !
ناظرته ونطقت بغضب:انت مختل ولا وش؟ مره تقول كلام وفتره تغيره
مسك كتوفها بشده ونطق بحده: مابي احد ينسيني وصايف انا احبها لاتتوقعي بفعلتك هذي بتجذبيني!
بعدته عنها بألم ونطقت:احترم نفسك وايدك لاتلمسني وتفكيرك الوصخ هذا خليه لنفسك
لبست عبايتها وطلعت من البيت وانتظرته يطلع وبعد عده دقايق طلع وهو يقفل البيت فتح السياره ركبت بصمت وغضب منه توجه لشاليه نزلت وتوجهت للبنات
نطقت وئام يتساؤل:موج شفيك
موج بابتسامه: ولاشي بس فيني نوم كذا
وئام بتفهم:اها طيب نامي
موج:مابي يضيع نومي لما يصير وقته بنام
اشواق بهمس لموج:وصايف تخطط لشي انتبهي
هزت راسها بطيب وهي تناظر وصايف الي تخزها نطقت موج بغضب:خير ان شاء الله مضيعه شي فوجهي؟
نطقت وصايف بغضب:مضيعه حبيبي الي سرقتيه
تنهدت وقالت:للووو يحبك بيخطبك هو مايحبك هو جاء واعترف لي انه يحبني وانا وهوه نحب بعض فكينا شرك!
طلعت من المكان وادركت العيد الي جابته وهي عارفه لو عرف عمر بيسفل فيها توجهت للغرفه تبدل ملابسها واخذت الغطاء ونامت عالكنب عشان تثبت له انها مو ميته عليه مثل مايفكر
بعد ساعتين دخل عمر واستغرب من نومها فالكنب تجاهل الوضع
وقفل الباب وقفل الانوار وتوجه لسرير ينام
الساعه 3 باليل صحى عمر على طرق باب وصراخ فز وهو يفتح الباب نطق بقلق: وش صاير
اشواق ببكي:وصايف وصايف انتحرت
ناظرها بصدمه وركض لغرفه الي يجلسون فيها البنات وانصدم لما شاف كميه الدم الي ف وصايف حملها وركض للسياره ومعه ام وصايف توجه للمستشفى ب أقصى سرعه وحملها وركض فيها لقسم الطوارئ
نطقت الدكتوره بقلق وهي تتفحصها:حاله انتحار جهزو غرفه العمليات
جهزو غرفه العمليات ودخلوها للغرفه وعيون عمر تدمع بقلق عليها وخوف فقدانها
نطقت ام وصايف ببكي:كله من زوجتك الي صار كله منها لو صار شي لبنتي والله ما خليتها
نطق باستغراب : وش سوت موج؟
علمته ام وصايف بكل الي صار مع بهاراتها الي زادت مم غضب امر
احمرت عيونه بغضب: خليها علي
بعد عده ساعات قليله طلعت الدكتوره ووجها تعتليه الابتسامه: الحمدلله البنت بخير الجرح ماوصل لشراين
نطق بدموع وهو متلثم بالشماغ:الحمدلله يارب
ونطق بتذكر :خلوكم معاها بجي
اشواق :وين بتروح
عمر:عندي شغل بسويه وارجع
توجه لسياره وراح للبيت وهو يحلف انه موج بتموت على ايديه وصل للبيت وتوجه للغرفه شافها جالسه ترسم فراشات والابتسامه تعتلي ثغرها قفل الباب انتبهت له ورجعت تكمل رسمتها سحب الرسمه منها ورماها وقفت ونطقت بغضب:مريض انت؟
عمر بحده:الحين اعلمك مين المريض
مسك شعرها من الخلف ونطق بصوت حاد:بأي حق تقولين لوصايف انه انا وانتي نحب بعض وهي جالسه تخرب بيننا؟
موج بغضب:فكنييي ما عاش من يمد ايده علي !
عمر بغضب:انا جالس اكلمك مامديت ايدي عليك ولو بمد ايدي مافي شي يمنعني!
دفته عنها بس ماقدرت عليه ونطقت بصراخ والدموع ف عيونها:والله ياعمر تطلقني والله سكتت لك كثييير عشااان اهلي وعشان شغلي بسس والله ما اهين كرامتي اكثر عشان شخص مثلك وبتطلقني غصبا عنك واذا تبي البيت ارجع لك خذه جعلك ما اتهنيت فيه
دفها عالكنب بكل قوته لدرجه الكنب تراجعت للخلف
موج بدموع:كل شي سويته بتندم عليه
توجهت للباب تفتحه وطلعت وهي تروح لبرا وتذكرت انه ماعندها سياره شافت حمد اخو عمر توجهت له وهي تخفي دموعها:حمد
التفت لها ولما شافها بدون عبايه صد وقال:أمري
موج بصوت مخنوق:ممكن تعطيني مفتاح سيارتك
نطق حمد بأستغراب: ابشري بس ليه طالعه كذا في شي صار ؟
سكتت وفضل انه مايتدخل واعطاها المفتاح توجهت لسياره وطلعت
عند حمد الي كان مستغرب وجلس يدخن لمده نص ساعه والموضوع اشغل باله وتوجه لغرفه عمر ودخل نطق حمد بغضب لما شافه صاحي: في رجال يترك زوجته تطلع الساعه 4 الفجر وبدون عبايه ولاشي يسترها صاحي انت؟
ناظره بغضب:وينها
حمد:راحت توك تدري؟
قاطع كلامه صوت اتصال من رقم موج رد بغضب
الرجال:مرحبا
نطق بأستغراب: اهلين مين معي
الرجال:صاحبه الجوال مسويه حادث قدام شاليهات .......
عمر بصدمه:جاي
قفل وهو يحس بشي فقلبه ينغزه وركض بسرعه للسياره وهو يتوجه للمكان الي كان قريب الشاليه وانتبه للحادث الي كانت السياره في منعدمه بسبب اصتدامها بشاحنه ركض وهو يشوف الرجال يقيس نبضها بعد ماطلعها من السياره بصعوبه حملها وركض لسيارته حطها وراء وتوجه للمستشفى ودخلتها لطوارئ
وبعد فحوصات نطقت الدكتوره:في كسر فايدها اليمنى والكتف ورجليها متأذيه جسمها بشكل بسيط بس جسمها حيل متاذي من الحادث
اخذ نفس عميق وقال:اهم شي هي بخير
هزت راسها بأيجاب ونطقت:وصاحيه بعد حاولنا ننومها بس رفضت
دخل للغرفه وناظر لوجهها الي انمحت منه اشراقته وصار شاحب جلس فالكرسي ناظرته بتعب وقالت:طلقني
مسك ايدها الي مو منكسره وقبلها سحبت ايدها بعنف وصرخت بألم نطق بقلق:فيك شي؟ يوجعك شي؟
موج بدموع:ابعد عني وتختفي اوجاعي ابي اتطلق
عمر:ماني مطلقك
موج بدموع:بتطلقني انا مابي اكمل انت اذيتني كثييير بكلامك
عمر بتنهيده:اسف
مسحت دموعها ونطقت بسخريه:اسف بتغير شي؟
عمر:مابتغير شي ادرري بس اعتذر انا اسف ادري الي سويته غلط بس انتي غلطتي!تدرين انه وصايف انتحرت بسبب كلامك
انصدمت وقالت: هذي مختله عالجها قبل عن تروح من بين ايديكم
عمر بسخريه :وانتي بعد تحتاجي علاج معها
موج:انا اشوف انت تتعالج قبلها وكلنا بنشفى يالمريض
عمر :بسكت لك والطلاق تحلمين فيه وبعلمك شي اختك صار متفوقه ف جامعتها اختك الثانيه ترقت بمنصب عالي ف الشركه الي تشتغل فيها ابوك بدا يصمم البيت مرثانيه وكلهم مبسوطين بموقع البيت وتصميمه تبين تنزعين الفرحه من اهلك عشان شي صار بيننا؟
تنهدت وهي ودها تسوي اي شي عشان سعاده اهلها بس مين الي بيسوي اي شي عشان سعادتها؟
موج وهي تحس نفسها ترمي نفسها للنار:بكمل
طلع من الغرفه وتوجه لغرفه وصايف
فزت وصايف لما شافته وهي مو متغطيه :عمر
صد عنها وقال:الحمدلله على السلامه يابنت العم
رفعت ام وصايف الغطاء على وصايف
عمر بعتاب:الي سويتيه غلط
وصايف بدموع:ليه تزوجتها
تنهد وقال:انتي تزوجتي وتسأليني ليه تزوجت!
وصايف بانهيار: ابوي جبرني غصبني عليه وهذي امي شاهده وكلهم حاولو فيه بسس محد قدر عليه لاتلومنيي
طلع من الغرفه وهو اول مره يدري انها مغصوبه جلس فالكرسي يفكر وش بيسوي فحياته توجه لغرفه موج بعد تفكير طويل وقبل عن يدخل سمع صوت بكي ووقف يستمع للحوار
داخل الغرفه
موج ببكي:هيام تعبانه مره ف هذي الحياه محدد حاسس فيني والي امر فيه يشهد ربي مو قادره اتحمل لما صار الحادث كنت فوعيي وكنت أتمنى الموت وقتها خلاص كل شي فوق راسي انا انسانه بعد بس محد يحسس محد يحس
هيام بدموع:يعمري والله حاسه فيك وفتعبك وأكملت بحقد:وهذا عمر الله ياخذه انتي لعبه عهده يسوي كذا مره كويس مره يقلب
موج ببكي:جت عليه هوه؟ انا بقفل بنام وبكلمك بعدين
انهت المكالمه وهي تمسح دموعها لما شافت دخول عمر سكر الباب وجلس جنبها وهو حس بجرحها عرف وش تمر فيه ونطق:موج
نطقت بقهر:وش تبي مني
عمر:اسف
ضحكت بسخريه واختارت انها تتجاهل الي قاله وقالت:علمت اهلي بالي صار فيني؟
عمر:علمت فارس وقلتله انك بخير وبعد رجعتهم من السفره بيعلمهم بالي فيك
نطقت بأستغراب: وين مسافرين
عمر:اختك جتها بعثه وراحو للندن يضبطو اوضاعها ومنها يغيرو جو
جلست نطق بقلق:شفيك
موج بحده:مالك دخل
عمر بغضب:وش مالي دخل شايفه حالتك؟
موج:بس مالك دخل
جلست وكانت تبي توقف حست بألم فرجلها
عمر: جسمك متكسر لازم ترتاحين
موج بغضب:طيب نادي اي حد يساعدني
عمر:وين تبين تروحين انا بساعدك
موج باستهزاء:بتمشى فالمستشفى يعني شخص مريض ومو قادر يمشي وين بيروح؟
فهم وقال:تبين تبدلين؟
موج:لا رايحه اقدم عرض قدام المرايه
ضحك رغم عصبيته من اسلوبها: اصبري الحين تجي اشواق ومعها ملابس
رجعت ظهرها لوراء وقالت:لو فيك خير تقوم تجيبلي اكل
ناظرها برفعه حاجب :على اسلوبك هذا حتى مويه ما اجيب لك
موج :على كلامك الي قلته المفروض ما اعطيك وجهه
عمر:اعتذرت منك!
ناظرته وقالت:اعتذارك مابيغير شي
تنهد وقام ونطق:بجيب لك اكل وش تبين؟
موج: اي شي
طلع وتوجه للمطاعم الي جنب المستشفى اخذ لها بيتزا وورق عنب وهو يدري بمدى حبها لهاذي الاكلات وتوجه لمحل ورد ونطق: ابي ورد ابيض ويكون في فراشات
هزت راسها الموظفه بتفهم
واعطته الطلب بعد عده دقايق اخذه وتوجه لفوق ناظر ولقى الجوهره وأم وصايف يتكلمون بالي صار مع وصايف
نطقت الجوهره بتنهيده:عمر الي سوته زوجتك غلط
عمر:كلهم غلطانين وصايف ضغطت عليها من اول ماجت وهي تعاني من وصايف إلى متى بتسكت لها
طلعت اشواق من عند وصايف وقالت: اووه جايب ورد حق مين
عمر:عطيني الملابس وبس لقافه
مدت له الكيس وقالت له :لاتخون موج حرام
نطق باستغراب: متى خنتها
اشرت على للورد
عمر:الورد لموج هي هنا فالمستشفى مسويه حادث
انفجعو اهله بقلق ونطقت الجوهره: كيفها الحين وكيف صار للحادث
عمر:مادري كيف صار بس انكسرت ايدها
اشواق:بنجيها
عمر:طيب
توجه لغرفه موج دخل وقفل الباب وجلس جنبها ومد الملابس وقال:بتبدلين؟
هزت راسها بأيجاب وهي ماتطالع وجهه
طلع الملابس من الكيس سحبتهم عنه بخجل وقالت:لاتلمس ملابسي ياقليل الادب
عمر:بدلي هنا تعب عليك تروحين الحمام
موج :طيب اطلع
عمر :ماني بشايفك بلفت ولبسي وخلصي
موج: ما اثق فيك
عمر برفعه حاجب: ولو شفت ؟يعني حرام ولا ويش بالضبط تراك حلالي لايكثر
تجاهلته وهو لف عنها وبدت تبدل ملابسها وصلت للقميص وعجزت تكمل بسبب الم كتفها ونطقت بألم: نادي احد يساعدني ماقدرت
لف عليها وصرخت راح يسكر على ثغرها بعصبيه:وشوله الصراخ
موج بغضب وخجل مختلط :بأي حق تلفت!
عمر:بحق إني زوجك
ساعدها بتبديل وهي منزله راسها بخجل لأحظ احمرارها وابتسم بخفه وجلس بعد انتهاءها ومد لها الورد: خذي
ابتسمت لما شافت الفراشات واخذتها منه ورجعت كشرت:بس مو يعني سامحتك
