_
اليوم التالي استيضقت موج على صوت المنبه سكرته بإنزعاج وجلست تناظر حولها بأستوعاب قامت بعد دقايق تاخذ ملابسها وتدخل تاخذ دش وطلعت وهي تنشف شعرها بالمنشفه ناظرت الساعه:تأخررت
جلست على الكرسي تنشف شعرها بالاستشوار عالسريع واخذت ميكبها اليومي وبدت تزين فيه وجهها ابتسمت لنفسها فالمرايه وهي تنهي ميكبها ب روج اخذت شنطه الكاميرا ونزلت لأهلها تقبل رأسهم وقالت:صباح الخير متأخره لاتقولون افطر
عبير بتنهيده:افطري برا طيب لاتدوخين
وهي تتوجه للباب: ان شاء الله يمه
مشت لسيارتها اخذت نفس وهي تفتح Google map وتكتب معرض المؤتمرات وصلت بعد دقايق معدوده نزلت ودخلت بالتصريح الي كان معلق على رقبتها جلست فالمقدمه وهي تفتح كاميرتها وتوجها للمدخل دخل بعد دقايق عيونه جت عليها اشتدت اعصابها بغضب من تواجدها تجاهل شعوره واكمل لقاءه طلع بعد إنتهاء اللقاء طلعت وراه وقفته وهي تقول :وقف يالدبلوماسي
التفت لها بأستغراب من المسمى وثار غضبه لما شافها:نعم؟
ناظرت عيونه وقالت:لازم نتكلم
نطق عمر بسخريه: اعرفك عشان نتكلم؟
موج بغضب :رفعت قضيه على شركتي ف شي انا السبب فيه وبسبب الي سويته كثير بيتعطلون عن شغلهم بسبب شي انا سويته
عمر وهو يذكرها بالي قاله:مو قلت لك بتجين تبكين عندي
نطقت بغضب شديد:ما عاش من يبكيني يالدبلوماسي انا يهمني الي بيتعطلون بسببك فكر بعيال بلادك
عمر بتحدي:لو طلعتي من الشركه وقتها بلغي القضيه
موج بغضب:تخسي
مشت تاركته خلفها وهو يقول :اذا ماكسرت راسك يالاعلاميه فتح له الباب البوديقارد ركب وهو حاط الاعلاميه بمسماه ف رأسه
_
في صباح الديره الي كان مليئ بالحياه صحت نور على صوت مريم الي كانت تقول: نوريي قومي
جلست بإنزعاج من الازعاج الي كان برا غرفتها وقالت:وش صاير؟
مريم بحماس:ساره انخطبت وهم من المدينه وجو يملكون اليوم
نطقت نور باستغراب: مسرع
مريم:متحمسه مره اخوي بياخذنا للسوق انا وانتي وليان وسمر والباقيين يروحون عند اخوانهم
ناظرت نور الساعه وقالت:الساعه 9 سوق وش
مريم:اقول قومي بسررعه
نور بإنزعاج:اخوك مهند؟
مريم بابتسامه: اي
طالعتها وقالت:وجع ليه تبتسمين ترا ماصرت احبه والله يوفقه مع الي يحبها
مريم بغمزه:علينا
قامت نور وهي تاخذ ملابسها:اقول يلا بس
دخلت للحمام واخذت دش ولبست طلعت وسحبت عبايتها ونقابها وقالت:يلا
مريم بحماس:يحمس يلا
توجهو لسياره الي فيها مهند اخو مريم ركبو لسياره نطقت نور بصوت خفيف: سلام
رد عليها السلام وهو يناظرها من المرايه انتبهت لنظراته ابعد عيونه وتوجه لسوق نزل معهم ووقف قدام المحل ينتظرهم نطق نور :حلو الفستان صح؟
مريم ناظرت الفستان وقالت:اي مره يجنن
اخذت مقاسها وتوجهت تحاسب وطلعت شافها مهند وقال:تعالي انا هنا
مشت له ووقفت جنبه وهي منزله عيونها بخجل طلعو البنات بعد دقايق وكملو تسوقهم ورجعو للبيت
_
عند موج الي رجعت من المؤتمر وتوجهت للشركه بغضب من الدبلوماسي بمسماها دخلت لمكتب سعد الي طلبها وقالت:نعم
سعد بغضب:عند يوم اذا ما انشالت القضيه عن شركتنا بطردك
نطقت موج بغضب مماثل: وانا وش دخلني مو قلت لي اصور عمر آل مقرن واصير له ظل لما سويت مثل ماتبي بتطردني؟!
سعد بغضب:برا ومثل ماقلتلك يوم
طلعت وهي تسكر الباب بقوتها وطلعت من الشركه وركبت السياره وهي تضرب الدركسون بغضب وقالت: ولعنه ياعمر ولعنه
توجهت لمكان عمل الدبلوماسي وانتظرته يطلع بعد عده ساعات شافته يطلع نزلت من سيارتها وركضت له وقفت قدامه طالعها بأستغراب ولما انتبه انها نفسها الاعلاميه قال باستهزاء:جيتي؟
نطقت موج بغضب: اعتذر وبحذف المنشور بس نزل القضيه ارفعها علي انا الي غلطت
عمر :تحلميين ولو شفتك مرثانيه تلاحقيني برفع عليك قضيه تتبع
وتوجه لسيارته ضربت شباك سيارتها بقهر وغضب دخلت سيارتها وتوجهت للبحر جلست عالرمل نزلت راسها وحطته على رجولها نزلت دموعها بقهر:بخسر شغلي واحلامي اكرهه اكرهه الحقير
مسكت الحجر الموجود ف الارض ورمته على البحر بقهر ودموعها على وجناتها وهي تردد:اكرهك اكرهك
اخذت نفس عميق وزفرته براحه بعد ماطلعت كل الي فداخلها وراحت لسيارتها وتوجهت للبيت وقبل عن تنزل ناظرت شكلها فالمرايه وعدلت شكلها ونزلت ودخلت وقالت بابتسامه: سلام
ردو عليها اهلها السلام بابتسامه
تقدمت تقبل رأس امها وابوها وجلست بإرهاق
عبدالله بابتسامه:كيفها بنتي
نطقت موج بابتسامه: بأفضل حال
عبدالله بادلها الابتسامه وقال:دوم تكونين بإفضل حال اميرتي
جلست جنبه وحضنته بادلها الحضن وهو يمسح على شعرها
ابتسمت عبير على علاقه موج ب عبدالله
استقامت موج وقالت: بقوم ابدل واجيكم
عبير :طيب حبيبتي
توجهت لغرفتها ورمت نفسها على السرير دقت روحها بمسمى موج ردت بابتسامه: ارحبي ياللي تزاحم لك أسراب القلوب كأنها تزاحم الناس في مشعر منى
نطقت هيام بابتسامه: البقى يالموج
موج: كنت احتاجك
هيام:وش بغيتي سمي
اخذت نفس وزفرته وسردت لها الي صار من بدايته لنهايته وقالت:وهذا الي صار
هيام بتفكير:روحي له مرثانيه
موج بقهر:قال بيرفع علي قضيه وصدق انا الاحقه بسس عشان شغلي مو حباً فيه ذا الغثيث
هيام:اسمعيني بكره نلتقي ف كوفي ونتفاهم
موج:طيب عيوني
قفلت واخذت بجامه وتوجهت للحمام تبدل ملابسها ونزلت تقضي باقي يومها مع اهلها بعدها توجهت لسريرها بتفكير بالي تسويه اليوم التالي
_
في الديره كان بيت الجد مزحوم بجميع العايله عند البنات الي كانو يجهزون بحماس نطقت نور :ش شعورك وانتي بتتزوجين من واحد من المدينه؟
ساره بإستهزاء :مابيغير شي هو معقد اكثر من اهل الديره
نطقت نور بمزح:ماعنده اخ اتزوجه
ساره بضحكه: بتهونين علي شوي
نور:بعدني صغيره وين
توجهت للحمام تلبس فستانها بعد انتهائها من الميكب والشعر طلعت وهي تلف حول نفسها وقالت بابتسامه: شرايكم
نطقت ساره بابتسامه: يزينك نوري تجننين
مريم:اهخ ابي ازوجك اخوي
نطقت نور بإنزعاج من طاريه: مابيه مابيه
مريم:احسن لك كاتبينه المعقد ذا
ضحكت بخفه وهي تلبس العقد سمعت نداء امها وتوجهت للمطبخ الي كان موجود فيه امها فقط قالت بابتسامه لما شافتها:ماشاءالله تحصني حبيبتي
نور بابتسامه: ابشري سمي وش بغيتي؟
ام نور :بروح اجهز طلعي القهوه من النار وعبي الدلات
نور:ابشري روحي
راحت ام نور تجهز نفسها ونور طلعت القهوه من النار وطلعت من المطبخ ناظرت الشخص الي طلع قدامها فجاءه وما شال عيونه عنها نطقت نور بخجل وغضب مختلط: ابعد عيونك ياقليل الادب
انتبه لنفسه ونزل عيونه وقال بابتسامه على عصبيتها: معليش ادخلي في عيال هنا
دخلت بسرعه بخوف وخجل
عند بطلنا سيف الي كان مايشوف شي غير جمال البنت الي شافها وهو مايعرفها ابتسم رجع للمجلس
_
