دنى:سعد قال لما تجين تروحين عنده روحي بعدين بنحتفل
توجهت لمكتب سعد دخلت بعد مادقت الباب وسمح لها بالدخول ونطق بابتسامه: ماشاءالله من اول يوم تأخير
نطقت بوهقه:ماعرفت انه رجعت كنت نايمه
سعد:بنسامحك بما انه اول يوم وابعدي عن عمر خلاص، ام صارت المشاكل بسببه خليك بعيد
هزت راسها بطيب ونطق:تفضلي
طلعت وتوجهت للبنات تحتفل معهم
_
في الديره
ف مجلس النساء الي كان متجمعين فيه كل نساء العايله
نطقت الجده بتساؤل: كيف البنت وافقت؟
نطقت ام سيف بتنهيده:رفضت ماشاءالله جميله بس ربي ماقدر
نور :ثاني يوم خطبها الدبلوماسي عمر
نطقت روان بشهقه:احلفي
نور :والله
ام سيف:مين الدبلوماسي الي تتكلمون عنه
فتحت روان جوالها وورتها مؤتمر له
ام سيف:اي اعرفه هذا شفته فالتلفزيون
روان:اي هو خطيبها
ام سيف بحزن:سياف مره معجبته البنت وينتظر موافقتها
روان:بعلمه انا ماعليك
قامت ودقت عليه وقالت له يجيب غرفتها توجه لها بأستغراب ونطق:هلا عيوني بغيتي شي
روان :موج رفضت!
توسعت عيونه بصدمه وعدم توقع:معقوله!
روان بحزن على نظراته:الله يعوضك بلي احسن منها
نطق بحزن:خليت البنت ف بالي نتقدم لها مرثانيه والله ابيها
روان:انخطبت والله اعلم لو وافقت
نطق سياف:ان شاء الله ماتوافق عندي امل
روان:يارب
توجه لأخوي ومحزمه ونطق:سيف احتاجك
وقف سيف :ابشر بي
طلعو وتوجهو لسياره: وشفيك مو مرتاح لوضعك
سياف بحزن :البنت رفضت والله حبيتها من قلبي إذا كان حب من اول نظره من لما شفتها وانا افكر فيها ومتوقع توافق
سيف بحزن:الله يوفقك مع الي احسن منها
فتح الدخان وبدأ يدخن
توجه سيف لمكانهم لاسطبل وكان في جلسه جلسو فيها
نطق سيف:ابي نور
ناظره سياف بصدمه:منجدك؟
سيف:اي ياخوك كنت ابي العب عليها بس ماقدرت والله انه طحت ومحد سمى علي
سياف بابتسامه: اخطبها
سيف:انتظر تخص الثانويه وبخطبها
سياف:حلو
سيف:وضعك مو عاجبني الحياه ماتوقف على بنت
سياف بحزن:تخيل تروح منك نور
سيف بغضب:مستحيل
سياف:اجل اخطبها قبل ماتروح منك مابيك تعيش الي اعيشه
نطق سيف وهز رأسه بخفه وقال:ان شاء الله بكلم ابوي يخطبها من عمي وجدي
بعد جلستهم ألي رمو فيها همومهم توجهو للبيت توجه سيف لسطح انتبه للبنت الي شعرها يتطاير مع نسمات الهواء وتتامل النجوم ابتسم لما شافها قدامها ونطق وهو يصد:بنت العم
فزت بخوف :خرشتني
نطق وهو صاد بابتسامه: بسم الله عليك تغطي
لبست حجابها وتلثمت جلس الجانب الثاني من السطح ويناظر النجوم نطقت نور بتساؤل:تبي شاي؟
ناظرها وقال:ما اقول لا
اخذت كاسه ووقفت توجهت له تعطيه ورجعت لمكانها وطبعت كراستها وبدت ترسم ناظرها بابتسامه هي مو منتبهه له بسبب اندماجها ف الرسم خلص الشاي ونطق قبل ماينزل :بنت العم انزلي برد عليك
لفت عليه ولقته نازل اخذت اغراضها ونبضات قلبها تتزايد توجهت لغرفتها تنام
ف بيت عبدالله آل جاسر نزلت موج بنشاط ونطقت بابتسامه: صباح الخير
عبير و عبدالله: صباح النور
جلست تفطر ونطقت :انا بطلع
عبدالله: بحفظ الرحمن
ابتسمت وطلعت ركبت سياره اختها بسبب تواجد سيارتها فالجراج
نطقت بتذكر:يوه نسيت يطاقتي مع عمر
توجهت لمكان عمله ودقت عليه رد بعد ثواني من اتصالها قالت:هلا
نطق عمر:اهلين
موج:ابي بطاقاتي
نطق بتذكر:نسيت ارجعها لك
موج:انا برا مكان شغلك
وقف من كرسي مكتبه وقال:جايك
طلع وشافها واقفه ومتكيه على السياره وتشرب قهوه توجه لها
عمر:بطاقاتك فالبيت
موج : احتاجها ضروري
عمر:ماعندك نسخ لها؟
موج هزت راسها بنفي وقالت:لا
نطق عمر بتساؤل:لوش تبيها؟
موج:عندي سفره شغل
عمر:برا الدوله ولا داخل
موج:برا ياكثر اسألتك ابي بطاقتي
عمر بتساؤل:وين؟
ناظرته وقالت: إيطاليا
عمر:شغل؟
نطقتوبغضب من اسألته:اخلص لا رايحه مع خويتي
عمر:امشي معي بنروح البيت بعطيك بطاقتك
مشت معه ركبت وركب وتوجه البيت الي كان قصر من فخامته
عمر:ادخلي الا ما ادورها يمكن اتأخر
نطقت موج:مايحتاج بجلس فالسياره
عمر:بتنزلي لاتستحي ترا صرتي خطيبتي عادي
قفل السياره ونزلت بتنهيده ومشت وراه بتوتر هي ما شافت كل عايلته دخلو سوا وكانت العايله كلها موجوده عماته وعيالهم وبناتهم اغلبهم تفاجاءو من البنت الي مع عمر بس اهله يعرفونها
نطقو سوا:سلام
ردو عليهم السلام
نطقت الجوهره بترحيب:هلا موج تعالي حبيبتي
ناظرت عمر الي قال:روحي
توجهت تجلس عندهم بتوتر وهو راح غرفته يبحث عن بطايقها
نطقت الجوهره بابتسامه: اعرفكم على خطيبه عمر موج
نطقت ام سامر بابتسامه: ماشاءالله حليوه
ابتسمت بخجل وكانو الكل متفاجائين انه خذ وحده مو محجبه رغم هو ضد ذي الفكره
نزل وقال:مشينا
الجوهره :وين والله تتغدون اول
نطق عمر بتنهيده:يمه ليه تحلفين
الجوهره: مافي اجلسو
توجه لها واعطاها البطايق ناظرته ونطقت :باقي وحده
عمر:الثالثه مع الشرطه بجيبها لك بعدين
هزت راسها بطيب
دق جوالها ناظرت اسم المتصل الي كان مديرها سعد ردت بضنها شي مهم نطق سعد:وين قلتي بس بتجيبين بطاقتك تأخرتي ساعه!
بعدت الجوال تشوف الساعه ورجعت الجوال لأذنها وقالت:الساعه 4 برجع
سعد بغضب:هي شركه ابوك ترجعين متى ماتبين استاذنتي نص ساعه وصارت ساعه وتبين تخلينها ساعتين!
ناظرت عمر وهي تسبه فداخلها بادلها النظرات واشر لها ب وش؟
وقفت واعطته الجوال ونطقت بهمس:يبيني ارجع تصرف انت السبب
حط الجوال على اذنه ونطق :مرحبا
نطق سعد بأستغراب: مين معي
عمر:عمر
نطق باستغراب :عمر آل مقرن؟
عمر:اي
سعد:ارحب بس وش يسوي جوال موج معك
عمر:هي معي ابيها ف شغله
سعد:ومتى بتجي
سكر المايك وناظرها وقال:كم ساعه تبين؟
موج:إلى 4
رجع الجوال لأذنه وقال:بتجي الساعه 4
سعد:طيب
قفل واعطاها الجوال
ضحكت اشواق وقالت:جوي الواسطات
ابتسمت بخفه
تقدمت الخادمه ونطقت بالانجليزي: الغداء جاهز
نطقت الجوهره:تعالو يابنات والعيال روحو المجلس
توجهو العيال للمجلس والبنات توجهو لغرفه الطعام الخاصه بنساء العايله
نطقت اشواق بابتسامه: موج شيلي عبايتك العيال مايدخلون هنا
نزلت عبايتها وحطتها على جنب وجلست بتوتر
نطقت الجوهره بملاحظه لتوترها:موج حبيبتي لاتتوترين اعتبرينا اهلك
ابتسمت بارتياح وجلسو ياكلون بعدها توجهو للصاله تجمعو كل العايله مرثانيه عشان يشربون شاي وقهوه
نطقت موج وهي لسا ما راحت لهم:اشواق وين الحمام يكرمك الله
اشواق:اول ماتطلعين من هنا على يمينك
توجهت للحمام تضبط شكلها وابتسمت برضاء بعد ماخلصت وتوجهت للغرفه تلبس عبايتها وطلعت ناظرت عمر الي يشرب شاي ويسولف مع عيال عمه جلست اعطتها الجوهره كاسه شاي اخذته
بعد ما خلص الشاي وقف وناظر موج وقال:يلا
الجوهره:وين اجلسو
عمر:دوام بنتاخر
اخذت شنطتها ولبست نظارتها اشر لها على جوالها:الجوال
اخذته وطلعو سوا
اشواق:بصيح وربي مره يجننون سوا بينهم كمستري قوي
نطقت ميار :مررره حتى اساميهم حلوه موج وعمر الله متحمسه حق ملكتهم
عند عمر وموج الي طلعو وتوجهو لسياره وصلها لسيارتها نزلت وتوجهت لسيارتها ودقت على هيام
موج:هيامي
نطقت هيام بابتسامه: عيون هيامك أمري
موج:وحشتيني ابي اشوفك فالبحر الساعه 6 على الغروب اول ماطلع من الشركه
هيام:ابشري انا ف كوفي قريب البحر بنتظرك فيه
موج:ارجعي البيت بدق عليك لما اخلص
هيام:جالسه اراجع قضيه عادي
موج:اجل يلا نلتقي
هيام :يلا روحي
قفلت وتوجهت لعملها
_
في الديره
عند نور الي كانت عند مريم :اسمعي مو مرتاحه لذا الي اسمه سيف
نطقت مريم بأستغراب: ليه ونطقت بقلق :سوا لك شي؟
نور:لا بسس من لما جو هنا الديره واحنا نلتقي وانا بدون غطاء وكل مايشوفني يتبوسم وقلبي يدق مره لما اشوفه
مريم بابتسامه: نقدر نقول وقعتيي؟
توسعت عيونها وقالت:لا مستحيل ماحبه كريهه
ضحكت مريم وقالت :بنشوف
جت ساره الي كانت ملامح وجهها مصدومه نطقت نور باستغراب من صدمتها:وش فيك.
ساره:تقدملك شخص عند جدي توه توه
نطقت بصدمه وشك:حلفي مييين؟
ساره:سيف
ناظرت مريم وقالت:شفتي قلتلك
ساره:وقال بخليها تكمل دراستها وتشتغل لو تبي بس ابيها معقوله يحبك
رجعت شعرها على وراء وقالت:ومين مايحبني
مريم بضحك: بدينا
نور:يوه للحين ماتخرجت ذا مجنون ولا وش
ساره:عاد جدي قال بنسألها ويصير خير وبعديين شفيها اذا تزوجتي وانت تدرسي ترا بس ملكه
هزت راسها بعدم موافقه:مابي اتزوج اساسا
وقفت لما سمعت نداء ابوها وقالت:الله يستر
توجهت لغرفه امها وابوها وقالت:هلا يبه
اشر لها تجلس جلست نطق بابتسامه وهوو يمرر ايده على شعرها الي منسدح على ظهرها: تعرفين انه ابي مصلحتك؟
هزت راسها بأيجاب
نطق ابو نور:نور انتي اكثر وحده فالعايله شفت فيها اصرار تكمله دراستها وانتي تدرين بعادات الديره وانت البنت عمرها 18 تتزوج وتترك دراستها
نطقت :اي
ابو نور:ولد عمك سيف متقدم لك وبيخليك تكملين دراستك وتشتغلين وبتعيشين فالمدينه مثل ماتبين
نزلت راسها بخجل:بفكر وبرد لك
نطق ابو نور بابتسامه :فكري وخذي راحتك وصلي استخاره ةاذا كان خيره علميني
هزت راسها بطيب ووقفت وهي طالعه وتعدل حجابها على راسها صدمت ف سيف الي ابتسم لما شافها غطت وجهها بسرعه بتوتر وخجل مختلط نطق سيف:فكري فالموضوع ولاتستعجلي
هزت راسها بخجل وراحت للغرفه شالت الحجاب وهي تاخذ انفاسها دخلت للحمام يكرم القارئ تتوضى وطلعت فرشت سجادتها وصلت
_
عند موج الي توجهت للكوفي انتبهت لهيام الي تشتغل بتركيز تقدمت لها تحتضنها من وراء نطقت هيام بابتسامه: موجي
ابتسمت موج وجلست
كرت لابتوبها وقالت هيام:كيف السفره؟
نطقت موج بحماس:كل شي جاهز توي حجزت التذاكر
هيام:متى تاريخ
موج:بعد ملكتي بيوم
هيام:حلو
كملو تخطيط لسفرتهم الي ناوين عليها ف اجازه الصيف من فتره بعد انتهائهم من تخطيطهم توجهت موج للبيت ابتسمت لما شافت اهلها مجتمعين ويسولفون تقدمت تقبل راس عبير وعبدالله وجلست وقالت:حجزت تذاكر بساافر
عبدالله: وين قررتو تروحون؟
موج:ايطاليا مره حلوه
فارس بتساؤل:بتروحين مع هيام؟
هزت راسها بايجاب
نطقت عبير بتساؤل:جهزتي لملكتك؟
موج: حجزت الفستان من مصممه والباقي بعدين اشوفه
عبير:كويس خلصي شغلك بسرعه
هزت راسها بطيب
موج:بقوم انام تصبحون على خير
ردو عليها :وانتي من اهل الخير
توجهت لغرفتها تنام
بعد مرور اسبوعين
يوم عقد الدبلوماسي عمر بن فهد بالاعلامية موج بنت عبدالله
عند هيام الي دخلت بيت اهل هيام وتقدمت تسلم على البنات وقبلت رأس عبدالله بأحترام وقالت:وين موج
مروج بضحكه:نايمه ولارضت تصحى تقول مابي اتزوج اتركوني انام
ضحكت هيام بخفه وقالت:انا اعلمها كيف ماتتزوج
توجهت لغرفه موج فتحت الباب وشالت عبايتها وحطتها هلى جنب ونطت ف موج الي قامت مخروشه من الي صار فيها وقالت بغضب من هيام:ولعنه ياهيام خير ان شاء الله
هيام:قومي قومي بتتزوجين ونايمه الساعه 2 والضيوف بيجون عالمغرب وانتي نايمه ترا ملكه زي العرس
موج:مابي اتزوج اتركوني انام
هيام بغضب مصنطع:وربي لو ماتقومي بقوم وبسحب شعرك قومي
سحبتها للحمام يكرم القارئ دخلت بتنهيده واخذت دش وتوضت وطلعت تصلي فرضها بعد ماخلصت جلست تستشور شعرها
هيام بتساؤل:حجزت احد يسوي شعرك ووجهك؟
موج:وانتي وش شغلتك؟امسكي شعري وانا بسوي الميكب
هيام:طيب يلا عشانك عروس
بدت هيام تستشور شعرها وتسويه ويفي وموج مستلمه وجهها
نطقت هيام بأعجاب: تفو تفو ماشاءالله
نطقت موج بغضب:لاتتفلين يامعتوهه مايتفلون بس يقولونها
نطقت هيام بضحكه: طيب
موج:كم الساعه
هيام:حاليا 5 ونص
موج:تأخرت؟
هيام:كثير
موج:بلبس فستاني
ساعدتها هيام بلبس الفستان دمعت هيام لما شافتها بعد مالبست الفستان ونزلت دموع موج لما شافت دموع هيام حضنتها هيام وقالت:لاتبكييين بيضيع الميكب
مسحت دموعها بخفه دخلو اخوات موج وتفاجاءو بشكل موج
ولايف بدموع:ماشاءالله
تقدمو يحضنوها بادلتهم الحضن وهي تمنع دموعهم
ضحكت هيام بخفه وقالت :ترا باقي شهر عن روحتها بتجلس معاكم
مروج وهي تمسح دموعها: بس بتصير متزوجه
ولايف ضحكت بخفه وقالت: الحين تجي امي وتعلمنا كيف نبكي
دخلت عبير فنفس الوقت الي قالت فيه ولايف وذكرت الله لما شافت موج انتبهت موج للمعه الي فعيون امها وقالت:يمه تكفين لاتبكييين
حضنتها عبير ودموعها عجزت توقفها
نطقت عبير:الله يوفقك ياعيون امك
موج بدموع:امين
بعدت وهي تمسح دموعها وتمسح دموع موج وتقول:لاتبكين حبيبتي
بعد عده دقايق سمعة صوت السيارات
عبير:هيام اجلسي معاها انا بنزل استقبلهم
هيام:طيب
نزلت ونزلو البنات معاها استقبلت عمات موج وبناتهم وهم يباركون لعبير
نطقت ام حصه بابتسامه: وين عروستنا
بادلتها عبير الابتسامه وقالت:فوق بتنزل بعد شوي
بعد عده دقايق استقبلت ام موج اهل عمر
نطقت الجوهره بابتسامه: عروستنا
عبير بابتسامه: الحين بتنزل
رسلت لهيام تنزلها بعده عده دقايق نزلت موج من الدرج والانظار تحولت عليها جلست فالكرسي بتوتر من كثرهم واغلبهم ماتعرفهم اهل عمر وقفت لما تقدمو يسلمو عليها
في مجلس الرجال كان عمر وجنبه الشيخ وجنب الشيخ عبدالله
نطق الشيخ :قل زوجتك ابنتي موج بنت عبدالله على سنه الله ورسوله
نطقت عبدالله بدموع حابسها: زوجتك ابنتي واغلى بناتي موج بنت عبدالله على سنه الله ورسوله
نطق عمر بابتسامه: قبلت
نطق الشيخ بابتسامه: اعلنكم زوج وزوجه
ارتفعت اصوات الرجال فالمجلس أعطاه التاب يوقع اخذ فارس التاب وعيونه دموع توجه لمكان النساء دق الباب طلعت امه اخذت التاب واعطت موج الي وقعت وهي ترجف بتوتر ارتفعت اصواتهم بعد توقيعها نزلت دموع عبير وقالت :مبروك حبيبتي
نطقت بخفه وهي ماسكه نفسها:الله يبارك فيك يمه
اعطت التاب لفارس الي اول ماسمع صوت المباركات لموج دموعه نزلت بغزاره عدل شكله ومسح دموعه ودخل للمجلس يعطي الشيخ التاب نطق فارس لعمر:يلا
مشى معه عمر نطق فارس بعلو صوته: عمر بيدخل
تغطو البنات بشكل سريع وقفت موج وفأيدها المسكه نطقت الجوهره :ادخل
فتح الباب ودخل بهيبته وتوجه لموج الي ما شاف غيرها وقت دخل وقبل رأسها تقدمت اشواق ومعها الخواتم اعطته واعطت موج رفعت موج ايدها له وكانت ترجف بخفه ابتسم لما لاحظ رجفتها لبسها الخاتم ومد ايده لها لبسته الخاتم مدت له اشواق الشبكه اخذها وبدأ يلبس موج والمصوره تصورهم مسك السكين وايدها فوق ايده وقطعوا الكيك حطتها اشواق ف صحن واعطتهم الاشواك مد ايده يأكلها وهي اكلته
نطقت اشواق بصوت خفيف لهم :ارقصو سوا
ناظرتها موج بصدمه وهزت راسها بلاء
عمر:ابشري
نطقت موج بحده وهمس:عمر
ناظرها وهو اول مره يسمع اسمه من منطوقها قالت :لا
شغلت اشواق الاغنيه مسك ايدها وبدأ يرقص معها بتنغام شوي ورجعو يوقفون جنب بعض ويستلمون تبريكات عايلتهم لهم
نطقت عبير :ادخلو ذيك الغرفه
توجهو يدخلون الغرفه اخذت موج نفس عميق وزفرته وهي تحس بدوخه بسبب عدم اكلها من اليوم السابق لأحد
نطق عمر:بتدخل المصوره تصور
موج:ابي اكل اول دايخه
هز رأسه بطيب
جلست واخذت صحن الباستا وجلست تاكل دخلت اشواق وضحكت
لما شافتهم ياكلون: المصوره بتدخل تصوركم
عمر:بناكل اول بعدين
اشواق:الساعه 9 عندها موعد ثاني خلوها تصوركم بعدين كلو
عمر:طيب ناديها
دخلت المصوره شربت موج العصير واخذت نفس فتحت المصوره جوالها توريهم الوضعيات احمر وجهه موج بس مابينت خجلها مسكت مسكتها حاوط خصرها وهي حاوطت رقبته وماسكه المسكه حس برجفتها لما لمس خصرها
المصوره:عيونكم فبعض
رفعت راسها تناظر عيونه وهو نزل رأسه يناظر عيونها وصورتهم فباقي الوضعيات وطلعت جلست موج تكمل اكلها دخل فارس ونطق بابتسامه: انتو ملكه او خطبه ادخل عليكم الاقيكم تاكلون؟
وقفت موج لما شافته وحضنته بادلها الحضن وقال:ياعمري مبروك
نطقت بابتسامه: الله يبارك فيك وعقبالك
بعد وغمز:موجوده باقي نخطبها
ناظرته بصدمه وقالت: ميين
فارس: بضبط الاوضاع وبعلمك
هزت راسها بطيب
فارس ناظر عمر بتساؤل: وين بتروحون؟امي رايحه تجيب عبايه موج!
نطق عمر وهو ياكل:شي خاص بيني وبين زوجتي شدخلك؟
ناظر موج وقال:وين
موج :مدري ماعلمني
فارس:يعني سبرايز وكذا
نطقت فداخلها بسخريه:ليتك تدري كميه الكرهه بيننا
طلع فارس نطقت موج:وين بنروح
عمر:الشاطي
نطقت بأستغراب: ليه
عمر:في مواضيع يحتاج نتكلم فيها ماينفع هنا بيقاطعونا
دخلت اشواق ومعها عبايه موج اعطتها نطقت موج بشكر:شكرا
اشواق:مابينا
طلعت لبست موج عبايتها وحطت الحجاب على راسها وغطت وجهها
موج:بنطلع من الباب هذا
عمر:طيب
طلعو من الباب الي يوصلهم لبرا على طول ركبت السياره وركب وتوجه للبحر نزلو رفعت فستانها وهي تمشي على الرمل وجلست على الرمل تطالع البحر بسرحان نطق عمر:قدام اهلنا بيكون بيننا احترام وتقدير ببعض وبنمثل الحب قدامهم بس لحالنا نعتبر أصدقاء لا اكثر
نطقت وهي تطالع الامواج: طيب
وقف وتوجه لكرفان يبيع قهوه اخذ اثنين قهوه رجع واعطاها قال :شيلي الحجاب عن وجهك محد هنا.
نزلته وجلست تشرب قهوتها ويتفاهمة بخصوص حياتهم والي بيصير فيها
نطقت موج بتذكر:بكره سفرتي
عمر:الي إيطاليا؟
موج:اي
عمر:انا بكره مسافر ايطاليا
نطقت بأستغراب: ليه
عمر:يوم ميلاد اشواق وهي تعشق شي اسمه ايطاليا ف حجزت لنا
موج:انا بروح مع خويتي
عمر نازرها وقال برفعه حاجب:ومافي محرم؟
موج :لا
عمر:انا بسكت بس ذي اخر مره تصير!
موج:اقول ترا انت قلت مالك دخل فحياتي ولا لي دخل فحياتك
عمر:زوجتي تسافر بدون محرم ويكون عادي ؟
موج:سكر السالقفه انت بتكون هناك ولو صار شي بدق عليك
بعد عده دقايق توجهو لسياره نزلها وتوجه للبيت وهي دخلت للبيت شافها عبدالله ودمعت عيونه راحت تحضنه جلس وهي جنبه فحضنه
نطقت مروج بضحك:اصفر وحده فالبيت تزوجت اول وحده
ضحكت بخفه وقالت:تعبانه بقوم انام وبكره الظهر وراي سفره
ولايف:جهزتي اغراضك
موج: بقوم اجهز اغراضي وبنام مره وحده
توجهت لغرفتها اخذت دش ولبست بجامه نزلت شنطتها من فوق الدولاب وفكتها وطلعت الملابس الي تناسب الصيف والاماكن الي فيها ثلوج رتبت اغراضها وبعد ساعتين انتهت وسكرت شنطتها ورمت نفسها عالسرير بتعب جلست تحجز فندق لهم لمده اربعه ايام ونامت بتعب بدون ماتحس
لليوم التالي الصبح قامت على اتصالات من هيام ردت نطقت هيام بغضب:موج لاتقولين نايمه الساعه 9
فزت وقالت:نسيت احط منبهه
هيام:قومي بسرعه
قفلت وقامت اخذ ملابسها الي جهزتها حق المطار توب ابيض وجاكيت رصاصي وبنطلون ابيض حطت الكاب على راسها ونزلت شنطتها
موج:بودعكمم
تقدمت تحتضن امها وابوها وأخواتها واخوها نطق بتساؤل:اوصلك؟
موج:لا هيام بتجيني
دق جوالها طلعت وهي تسحب شنطتها حطتها فالسياره وركبت
موج:اول مري كوفي مصدعه
هيام :ابشري
توجهت للكوفي نزلت تطلب لهم جابت الطلب وتوجهو للمطار خلصو الاجراءات صورو جوازاتهم وحطتها ستوري فا الانستغرام وجلسو ينتظرون نداء الطياره
ف بيت عائله آل مقرن ف قسم عايله عمر الي كان متواجدين فيه اشواق والجوهره وميار دخل قبل راس امه وجلس و نطقت اشواق وهي تتصفح الانستا:عمر موج مسافره؟
عمر:اي
اشواق :اخخ ياحظها ابي اسااافر وين مسافره
عمر:ايطاليا
اشواق:ابي اروححح
الجوهره: وش تحبين فيهم يازين بلادنا
اشواق:يمه الايطالين عشقي احب كل شي ف ايطاليا اهخ
