Ang 2024 Watty Awards

PREMYO

Shortlist
Ang isang shortlist ay iaanunsyo sa Oktubre 14, 2024. Lahat ng mga na-shortlist na kuwento ay makatatanggap ng:
Isang shortlist profile banner upang ipakita ang iyong tagumpay sa iyong mga follower
Promosyon sa Wattys profile sa Wattpad, at mga oportunidad sa pagkaka-feature sa kabuuan ng Wattpad

Mga Nagwagi
Ang tsansa na manalo ng mga premyo ay nakadepende sa kabuuang bilang ng mga entry.

Mula sa shortlist, mahigit-kumulang 10 kabuuang nagwagi (ang "Mga Nagwagi") ay pipiliin sa Filipino at Espanyol.

Sa Ingles, magkakaroon ng mahigit-kumulang 20 kabuuang nagwagi; 10 para sa Mga Kumpletong Kuwento at 10 para sa Ongoing na mga Kuwento.

Magkakaroon ng mahigit-kumulang na kabuuang 40 nagwagi sa lahat ng mga lengguwahe. Mula sa Mga Nagwagi, hanggang 2 sa Ingles (1 sa kumpleto at 1 sa ongoing), hanggang 1 sa Filipino, at hanggang 1 sa Espanyol ang maaaring magmula sa isang entry na bahagi na ng Wattpad Originals program. Nirereserba ng Wattpad ang karapatang pumili ng mas mababa sa 40 Nagwagi, kung, sa sarili nitong pagpapasya, ay hindi ito nakatanggap ng sapat na bilang ng eligible at kwalipikadong mga entry.

Ang mga magwawagi ay makatatanggap ng sumusunod:
Winner's social media kit upang ibahagi ang iyong tagumpay sa buong mundo
Promosyon sa Wattys profile sa Wattpad
Pagkakataong matampok sa kabuuan ng Wattpad

Prayoridad na konsiderasyon mula sa Wattpad WEBTOON Studios para sa iyong kuwento upang maipakita sa mga partner sa entertainment at publishing. Makikipag-ugnayan nang direkta sa iyo ang team kung mayroong interes.

Mga Espesyal na Premyo
Mula sa lahat ng Nagwagi, apat (4) na karagdagang espesyal na premyo sa bawat lengguwahe ang ibibigay:
Pinakamahusay na mga Karakter (para sa kuwentong nagtatampok ng mga karakter na umugnay sa aming mga hurado at ninais naming suportahan sa kanilang bawat hakbang)
Pinakanakaeengganyong Mundo (para sa kuwentong may kahanga-hangang pagbuo ng mundo na tunay na nagpapaloob sa mga mambabasa)
Pinakamalaking Twist (para sa kuwentong gumulat sa amin gamit ang isang twist na hindi namin inaasahan)
Pinakanakabibighaning Hook (para sa kuwentong bumubuo ng isang ideyang fresh, imaginative, at kapana-panabik)

Ang mga Magwawagi ng mga award na ito ay makatatanggap ng karagdagang pagkilala sa kanilang premyo sa Wattys website sa wattys.wattpad.com.

Grand Prize
Magkakaroon ng tig-1 Grand Prize winner sa Filipino at Espanyol at 2 Grand Prize winner sa Ingles; 1 sa Kumpleto, at 1 sa Ongoing, na pinili mula sa lupon ng 40 Nagwagi. Kinakatawan ng mga Grand Prize winner ang mga pinakamahusay na kuwentong isinumite sa The 2024 Wattys at nakamit ang karangalan sa tatlo mula sa apat na espesyal na mga premyo.

Ang Mga Grand Prize Winner ay makatatanggap din ng cash prize na $5,000 USD.