Ang 2024 Watty Awards

MGA LEGAL NA USAPIN

Ang Opisyal na mga Tuntunin na naka-link dito ay mananaig kung sakaling magkaroon ng anumang hindi pagkakaunawaan o pagkakaiba sa pagitan ng a) bersyon na ito ng website, b) bersyon ng website sa Ingles, at c) ang Opisyal na mga Tuntunin.

Ikaw ay hindi dapat bababa sa 13 taong gulang upang makasali sa Wattys. Kung ikaw ay mas bata sa 18 taong gulang, ang iyong magulang o legal guardian ay kailangang bigyan ka ng isinulat na pahintulot upang makasali sa Wattys at kumolekta ng kahit na anong premyo kung mananalo ang iyong kuwento.

Sa pagsali ng isang kuwento sa Wattys sa pamamagitan ng pagkumpleto ng submission form, sumasang-ayon ka na ikaw ay nagsusumite ng isang orihinal na akda na isinulat mo at ikaw ang nagmamay-ari ng lahat ng karapatan sa iyong (mga) kuwento.
Agad naming ididiskwalipika ang mga magsusumite ng mga akda na lumalabag sa copyright o kahit na anong karapatan ng ibang tao. Hindi pinahihintulutan ng Wattpad ang plagiarism at paglabag sa copyright.

Nais lamang linawin ng Wattpad na kahit na anong kuwento na iyong isusumite sa Wattys ay mananatiling 100% na iyo. Kukunin lamang namin ang mga karapatang nakalista sa ibaba:

Mga Karapatan ng Wattpad sa Lahat ng mga Naisumiteng Kuwento
Sa pagsusumite ng iyong kuwento sa Wattys, pinapayagan mo ang Wattpad na (permanente at walang bayad):
Mag-post ng hindi hihigit sa 30% ng isang kabanata ng kuwento sa landing page ng Wattys website
Itampok ang iyong kuwento sa platform ng Wattpad (website at mobile) at sa lahat ng mga social media channel ng Wattpad (Facebook, Instagram, X, atbp.) para sa anumang layuning nakakonekta sa Wattys
Sa pagkasali sa Shortlist at/o pagtanggap ng isang premyo, sumasang-ayon ka na ang Wattpad ay maaaring, permanente at walang bayad:
Kumuha ng mga sipi ng kuwento upang lumikha at ipamahagi ang mga pampromosyong materyal, kapwa para sa kuwento at sa Wattys
Mag-post ng hindi hihigit sa isang kabanata ng kuwento kahit saan sa website ng Wattys.
Itampok ang iyong kuwento sa platform ng Wattpad (website at mobile) at sa lahat ng mga channel ng social media ng Wattpad (Facebook, Instagram, X, atbp.) para sa anumang layuning nakakonekta sa Wattys.
Gamitin ang iyong pangalan para sa mga layuning pampromosyong nauugnay sa Wattys;
Pahintulutan ang mga partner na gawin kung ano ang pinapayagang gawin ng Wattpad sa ilalim ng seksyong ito.