جوري : اسأل
عوض اشر على نفسه : ابي الصدق الحين انا خفيف
ضحكوا و نطقت العنود : شوف معها ما نعرف بس اللي نشوفه انك اذا جدي و ابوي و عمامي كانوا موجودين تكون عاقل لكن اذا راحوا يروح منك العقل
تنهد : الحمدلله يعني هيبتي قدامهم موجوده
ضحك لجين : موجوده لا تخاف بس اضبط نفسك اكثر
ضحك جوري : وش صار فيك يا عوض وين كنت و وين صرت
تعدل بجلسته و رجع ظهره لورا و تنهد و هو مبتسم تنهيده واضحه و بدا يغني :
جيتني فرصه انتظرها
يا محاسن هالصدف
اجمل صدوف الليالي
اللي مرت و اعترف
كانوا البنات جالسين على جوالاتهم ناظر ساعته : طولت صح
لجين : اكيد وتين مسكتها
ضحكت جوري : تجي الحين لا تخاف
اخذ جواله و بدا يطقطق فيه ، حطت شوق القطاوه بسياره وليد عند وتين و دخلت البيت ناظرت عبير بالحوش و تقدمت تحضنها ضحكت عبير بخفه و نطقت شوق : من زمان ما اخذ جرعه حضن منك
بعدت شوق و ضحكت عبير : لقيتي الجرعه عند غيري
حضنت يد امها و حطت راسها على كتفها : لقيتها و الجرعه كانت عوض عن كل ما مضى ، جرعته كذا غير مليانه حب و حنان بطريقه حلوه
ابتسمت عبير : الله يخليه لك
بعدت راسها عن كتف امها : لا تحسبين اني افضله عنك لا والله انتي عارفه بقدرك بقلبي بس هو جاني غير عن كل اللي حواليني جاني عوض عن كل شي بالماضي ، جاني بعد ما فقدت الامل كأنه يعتذر و يعوضني عن كل وقتي قبل اعرفه
ابتسمت عبير : عارفه بحبك لي
ابتسم شوق و تقدمت تقبل راسها : وانتي ماما متى تلقين عوضك
تلاشت ابتسامت عبير و ناظرتها شوق : ماما ذا حقك ، حقك انك تعوضين الماضي
كان باب البيت مفتوح و ناظرت شوق اللي نزل من سيارته و اشرت عليه : تعوضينه مع شخص مثله
ناظرت عبير متعب و رجعت انظارها لشوق اللي بعدت يدينها عن امها و رفعت اكتافها : نظراته لك بالمستشفى كانت واضحه و انتظر منك تقوليلي وش بينكم
عبير : شوق
دخل ابو وليد : يلا عبير
حطت شوق نظاراتها الشمسيه : يلا ماما حتى انا بروح عوض ينتظرني مع البنات
تقدمت شوق تطلع من البيت و طلعت بعدها عبير و ناظرت شوق متعب اللي يسلم على عوض لمح متعب شوق : كيفك الحين
تقدمت لهم : الحمدلله ، جاي معنا
هز راسه متعب بالموافقه : ناداني ابو مشاري
عوض : حياك الله معنا منت غريب
ناظرها متعب ركبت السياره ناظرت شوق نظرات متعب لعبير و ابتسمت بخفه و نطق عوض : يلا حنا ماشين ارسل لك الموقع
متعب : تمام
تقدم عوض يمشي معها و ناظر ابتسامتها : ابتسامتك شاقه وجهك لما شفتيه
ضحكت : في موضوع ذكرني اقوله لك
عوض : عن
اشرت له و نزل لطولها و همست: ماما و متعب
تعدل و فتح عيونه بصدمه : امي و متعب
هزت راسها و هي مبتسمه فتحت باب السياره و ركبت و ركب عوض و حرك
أنت تقرأ
لقيتك من بعد كل الخساير ربحي الأعظم عوض قلبي وبسماته وزهر عمري و نواويره
Randomمخيلتي الاولي 🦋
