ضحكوا البنات و عند سيف و خالد كانوا يتهاوشون عند المغاسل و نطق سيف : شماغي ذا شماغي متى صار شماغك
اخذ خالد الشماغ : على كيفك روح عند غلوي بس
سيف بحده : ولد لا تجيب سيرتها على لسانك
خالد ابتسم : غلوي غلاوي غلا غلو
اخذ سيف عقاله : قد الكلام
ركض خالد و طلع للحوش يركض و سيف يركض وراه : جيب شماغي يا ولد
خالد و هو يركض : شماغي ذا
صرخ ابو مشاري : ولد
تعدل سيف بوقفته و لهث خالد : جدي شوفه يلحق وراي ما سويت له شي
ناظره سيف بحده و همس : حسابك معي
خالد اشر عليه : يقول لي حسابك معي شوفه جدي
ابو مشاري ناظر سيف : اذا البنت رفضتك ما الومها صاحي انت تراكض ورا الولد وش بيقول عنك عمك بيقول ذا خبل ولا كفو يتزوج
ضحك خالد و همس له : بتتزوج غلاوي ولا غيرها
سيف اخذ عقاله : و الله ما اخليك
انحاش خالد و دخل البيت ضحك ابو مشاري و طلع ابو رنا من المجلس : سيف
ابو مشاري : سيف بعد اقوله اركد وش بيقول عمك عنك و راح يركض ورا خالد
ابو رنا ضحك : والله يونسني و يضحكني خله على راحته راضين فيه كذا
ابو مشاري : شوف راي البنت بالاول
ابو رنا : اي بس نخلص من ملكه العنود اشوفها
سمعوا صراخ سيف و ضحكوا كان يركض وراه بالبيت وقف خالد من ناظر رزان طلعت من المجلس بكامل زينتها كانت لابسه فستان لونه بنفسجي فاتح و مسويه شعرها و جود حطت لها شويه مكياج ناظرها و بلع ريقه ما ناظرته رزان و مشت تصعد فوق ناظره سيف و تكتف : احلف
ناظره خالد : خير
سيف ابتسم: رزون روري رزاني
خالد بحده : لا تجيب سيره البنت على لسانك
ضحك سيف و اخذ شماغه من راس خالد : اصعد غرفتك و اخذ شماغك ذا لي
طلع سيف و نزل عوض بعد مالبس و بخرته و كحل عيونه بطلتها : شفيكم تصرخون
خالد : خويك الخبل ذا يراكض وراي
ضحك عوض : روح البس شماغك و تعال مابقى شي و يجون الرجال
أنت تقرأ
لقيتك من بعد كل الخساير ربحي الأعظم عوض قلبي وبسماته وزهر عمري و نواويره
Randomمخيلتي الاولي 🦋
