لقيتك من بعد كل الخساير ربحي الأعظم عوض قلبي وبسماته وزهر عمري و نواويره

Part 45

عند شوق رتبت كل شي و لبست فستان ابيض بسيط اكمامه طويله و سوت شعرها اخذت جوالها و اتصلت عليه : عوض
عوض اللي كان توه داخل البيت : امريني
شوق : قربت
عوض : اي توني داخل البيت
سكرت الجوال بوجهه و فتحت باب الشقه تنتظره بره بحماس سمعت خطواته و هو يمشي بالدرج ابتسمت كمل يمشي و ناظرها واقفه : وش ذا الزين تستقبليني
ناظرته و هي مبتسمه : استقبلك
تقدم يحضنها : تعبت اليوم
بادلته الحضن و مسحت على شعره : سلامتك من التعب
عوض بعد: خلينا ندخل
شوق : لحظه غمض عيونك
ضحك عوض : وش مفاجأه جديد
هزت راسها : و راح تعجبك
عوض : طيب امسكي اغراضي شوي
اخذت ايباده و الدفتر و غمض عيونه و نطقت : عطني يدك
عطاها يده و فتحت الباب : تكفى لا تفتح عوض
عوض و هو مغمض ضحك : طيب ما راح افتح
وقفته قدام التلفزيون و خلفه طاوله حاطه عليها الكيكه و البالونات : خلك واقف هنا و غمض لا تفتح انتظرني
وقف عوض مكانه حطت اغراضه على الكنب و اخذت السونار و تحليل الحمل و خبتهم ورا ظهرها و بيدها الثانيه جهاز التحكم حق التلفزيون : عوض ابيك تناظر التلفزيون و ماتلتفت وراك
عوض : افتح
شوق : افتح بس لا تلف
فتح عيونه و شلغت شوق التلفزيون ناظرها : وش ذا
ابتسمت : شوف
عوض تكتف : خلينا نشوف وش اخره المفاجأه ذي
بدا عوض يشوف الفيديو اللي كان فيه عد من الواحد لي الخمسه و بعدها طلعت عباره ( مستعد تكون بابا)
التفت لها و ناظرها حاطه يدها على بطنها و بيدها السونار و تحليل الحمل نطق : حامل
هزت راسها بالموافقه و هي مبتسمه نطق عوض بفرحه و هو يلتفت حوالينه : قبله قبله القبله
ابتسمت و تقدمت تحط يدها خلف رقبته و تقبل ثغره بخفه و ابتعدت بدا صدر عوض يصعد و ينزل : ابي مكان القبله بسجد شكر
ضحكت شوق و عضت شفتها : نسيت مكانها
عوض : نسيت نفسي و كل حياتي شوق وينها
اشرت شوق على مكان القبله و تقدم عوض يسجد شكر و حمد لله وقف و هو معطيها ظهرها و صرخ بقوه التفت عليها و كانت تضحك و نطق : يعني انتي حامل يعني الحين ولدي او بنتي في بطنك يعني لحظه خليني استوعب شوق مو مقلب صح ولا حلم تكفين اذا حلم لا تصحيني
تقدمت له و حطت يدينها على خدوده: عوض حامل حامل و مو حلم حقيقه في بطني ولدك اللي قلت لي امس عليه طول كان موجود و يسمعك
ناظرها و نزلت دمعته : يعني الحين صدق في بطنك ولدنا ولدي انا وياك ثمره حبنا
هزت راسها بالموافقه و هي مبتسمه و تمسح دموعه تقدم عوض يحضنها بقوه و بكي : حبيبه قلبي انتي متى عرفتي متى
شوق بادلته الحضن : اليوم الصباح بس كنت شاكه من زمان
ابتعد عنها : من يوم ما تقززتي من الكبده صح
هزت راسها : من يومها
ناظر البالونات و الكيكه مسك يدها يجلسون : تعالي
جلست معه و حط راسه على رجلها و ناظر بطنها و بدا يمسح عليها : راح اعطيك التعليمات
ضحك شوق : اي تعليمات
عوض : علشان لا يعذبك
ناظر بطنها : واحد يا ويلك تعب امك اذا تعبتها راح اكفخك اذا ولدتك
ضحك شوق و كمل : لا تقعد تشتهي اشياء غريب..... ماكمل كلمته و تعدل : صدق مشتهيه شي
هزت راسها بالنفي: لا
مسك عوض يدها و حاوط كتفها : حطي يدك على قلبي
حطت يدها على قلبه و حست بنبضات قلبه المتسارعه ابتسمت : احبك يا حضهم عندهم احن و اجمل و اطيب اب بالدنيا ذي كلها
نزلت دمعتها : عندهم اب لو طلبوا منه عيونه عطاهم عندهم اب مافي مثله اب مثالي بمعنى الكلمه
تقدم يقبل ثغرها و بادلته شوق القبله ابتعد و نطق و هو يضحك : تخيلي يجيك عوض ثاني كذا صغير يشبهني
ضحكت : راح اكون مبسوطه كثير
قبل راسها و حطه على كتفه : ابي اشوفه
اعطته شوق صوره السونار و تقدم يقبلها بقوه ناظر الصوره و ابتسم : خلينا نروح نشوفه
شوق : الحين
عوض : اي يلا البسي عبايتك ابي اشوفه
وقفت و هي مبتسمه و نطق : قلتي لهم
هزت راسها بالنفي : انت ثاني شخص يعرف
عوض : و الاول امي عبير صح
هزت راسها بالموافقه: لا تقول لهم خلينا نفاجأهم
مشت و نطق عوض : عبدالرحمن راح ينجن اكثر مني اذا عرف
ضحكت و دخلت غرفتها ناظر عوض الصوره : والله و راح تنور الدنيا بقدومك
تنهد بفرحه : الحمدلله يارب
طلعت شوق بعد مالبست عبايتها وقف ناظرته كيف متحمس : بنشوفه بس بالسونار ما يبين كثير
عوض حضن يدها : عارف بس شوفته حتى بالسونار راح ترد لي روحي زياده و راح اكحل عيوني بشوفته
ناظرته و ابتسمت و تقدمت تمشى معه : خلينا نطلع من الباب الخلفي
طلعت معه من الباب الخلفي ناظرهم عبدالرحمن اللي كان يغسل يده بالمغاسل اللي برا قلد صوتها : فاجأتي عوضك
شوق : فاجأت عوضي
اخذ عبدالرحمن من الماي بيده و يرش عليها صرخته بخفه : عبدالرحمن
صارت ورا ظهر عوض و نطقت : خبل انت
عبدالرحمن يحاول يرش عليها من الماي نطق عوض بحده : ولد شوي شوي لا يصير لها شي و بعدين وش ذا اللعب الخايس والله اذا صار شي بولدي اذبحك
ضحك عبدالرحمن: ولدك
ابتعدت شوق من ورا ظهره و ناظرته : ليش قلت له
حك عوض شعره : نسيت
عبدالرحمن بصدمه : لحظه حامل
بعدت شعرها بغرور و حطت يدها على بطنها : تشوف خال ماما وش يسوي
صرخ عبدالرحمن و حط عوض يده على فمه : اسكت لحد يسمع
ناظرها عبدالرحمن بصدمه و بعد يد عوض و تقدم يحضنها بفرحه و يضحك : يلا الحين يجي ولدك ولا بنتك و اتهاوش معهم بدالك
ضحكت شوق و بادلته الحضن ابتعد عبدالرحمن: طلعت ذي المفاجأه
حضنت يد عوض و طلعت السونار من شنطتها : شوفه
ابتسم عبدالرحمن بفرحه و ناظر السونار : الله يتمم لك على خير و تقومين بالسلامه عاد اذا طلع ولد سميه على خالك عبدالرحمن
عوض : هذا الناقص بعد اسمي ولدك عليك
اعطاها السونار : زوجك ذا مايستحي على وجهه
ناظرت شوق عوض : اشوف وجهك
ناظرها عوض و نطقت : وهه وش ذا الزين
ضحك عوض ناظرهم عبدالرحمن و ابتسم : اي الله يهني سعيد بسعيده
شوق : خبي السر بنروح شوي و بنجي لا تقول لهم
سكر عبدالرحمن على فمه : سرك في بير
عوض : اي بير كل البيت راح تعرفه
ضحك و مشت معه و ركبوا السياره ناظرهم عبدالرحمن و هو مبتسم : الله يهنيكم