لقيتك من بعد كل الخساير ربحي الأعظم عوض قلبي وبسماته وزهر عمري و نواويره

Part 40

كانت شوق جالسه على التسريحه و تمسح مكياجها بعد ما بدلت دخل عليها و هو حاط شماغه على كتفه و عقاله فوق الطاقه قبل خدها و ابتعد ابتسمت و كملت تمسح و نطقت : كيف العرس
رمى نفسه على السرير : الحمدلله حلو و مبسيط و ملموم بس تعبت من العب
ضحكت بخفه و التفتت عليه : اي يعطيك العافية واضح انك مبسوط
تعدل عوض بجلسه : اي والله
ناظر اللي على السرير : وش ذا
كملت تمسح : اي روح بدل و تعال البوم صور ملكتنا و زواجنا
فز من السرير و توجه للكبت مسرع : يلا جايك
اخذ بنطرون و دخل للحمام يبدل ضحك عليه بخفه : ياحلوك
وقفت و توجهت للثلاجه تاخذ الماسك اخذته و رجعت ناظرته يطلع من الحمام ( الله يكرمكم) و صدت تجلس على الكرسي و نطقت: و تيشيرتك وين اكله القطو
تقدم لها : اكله ما عليك من تيشيرتي وش تحطين
اخذت الفرشه و حطت من الماسك عليها: ماسك تبي احط لك
ما حب يرفض لها و يقول لا : حطي
ابتسمت و وقفت : امسك
عطته الفرشاه : بغسل وجهي و اجيك اجلس على السرير او الكرسي على ما اخلص
تقدمت تدخل الحمام و جلس عوض على السرير و بيده الفرشاه ابتسم : والله حتى لا لك ما اقدر اقول
طلعت بعد ما غسلت وجهها و نشفته: يلا جيتك انتظر
اخذت الماسك من على التسريحه و فتحته و تقدمت له صارت واقفه مقابله و هو جالس : عطني الفرشاه
اعطاها الفرشاه و رفع وجه لها نزلت الفرشه مره ثانيه : امسك لحظه
مسك الفرشه و الماسك : وين رايحه
فتحت احد ادراج التسريحه و طلعت له ربطه شعر و رفعتها له و نطق : وش ذا
قربت منه : علشان شعرك
بدات تلبسه و كان رافض الفكره ذي لكن شاف حماسها و ما حب يكسر خاطرها و يرفض ، بعد مالبسته ناظرته : جبهتك كبيره
ضحك بخفه : توك تشوفينها
اخذت الماسك و الفرشاه : اي شعرك كان مغطي
اخذت من الماسك و بدات تحط له غمض عيونه : بارد
شوق و هي مركزه تحط له : اي كذا احسن
فتح عيونه و ناظرها مقابله و مركزه حط يدينه على خصرها و نطقت : في يدين شكلي بخلي القطو ياكلهم
ضحك بخفه و سحبها لناحيته زياده و نطقت: تبي اخربط وجهك الحين بالماسك ذا
ضحك بخفه و عض شفته : ابيك تجلسين بحضني
حاولت تبعد عنه : بعد يا وصخ والله اصرخ و اخلي الكل يسمعني
ضحك : طيب طيب اسفين
شوق بحده : بعد يدك
هز راسه بالنفي : مافي
شوق بتهديد : يمين بالله ان سويت حركه ولا شي تعرف وش راح اسوي فيك
ابتسم : وش بوسه صح
تقدمت تعض كتفه بقوه و تأوه بألم : خلاص اسف اسف نزلتها
نزل يدينه و بعدت : رجال ما يجون الا بالعض ، انتظر ربع ساعه بعدين غسل
ضحك بخفه : عض قلتي لي
تقدمت تمشي للتسريحه و بدات تحط لنفسها و نطق : طيب ذا ب وش الماسك
شوق و هي تحط : بياض البيض ما تشم
عوض : صدق بيض و لا تستهبلين معي
شوق : صدقين كأنه مو عاجبك
عوض بنكران : لا لا عاجبني
خلصت و تقدمت تجلس على السرير : تعال نشوف الصور
تعدل بجلسته و بدوا يشوفون صورهم مع بعض و يضحكون