لقيتك من بعد كل الخساير ربحي الأعظم عوض قلبي وبسماته وزهر عمري و نواويره

Part 46 النهايه

تذكر الرجال اللي كانوا يناظرونها و هي تضحك و الولد اللي بالكافيه فار دمه و التفت للجدار و ضرب يده بقوه و صرخ و بدا صدره يصعد و ينزل فتح باب الغرفه و سكره بقوه و همست شوق و هي تلبس : يعني ما غلطت و تعصب علي استغفر الله ياربي شكل جنيتك جتك
طلعت بعد ما بدلت : وين راح ذا
طلعت و ناظرته جالس بالصاله و رافع راسه و حاط المنديل على خشمه مشت مسرعه له : عوض
فتح عيونه و ناظرها جلست جنبه و نطق : شوق بعدي بس اهدا نتفاهم عدل
حطت يدها على المنديل : بعد يدك اشوف بعدها
بعد يده و شافت الدم اللي ينزل من خشمه ( تكرمون ) نطقت بخوف عليه : نزل راسك و اضغط عليه لا ترفعه اجيب لك ثلج و اجي
عوض و هو حاط المنديل على خشمه: مو لازم
مشت شوق للمطبخ و طلعت قالب الثلج و بدات تحطه بالصحن و تحط مويه عليه و مشت له ناظرته رافع راسه و عاقد حواجبه و عروق يده بارزه جلست جنبه : قلت لك نزل راسك كذا يرجع الدم لورا
فتح عيونه و تعدل بجلسته بدات تحط له كمادات بارده على خشمه : بعد المنديل
حطت له الكمادات : لا ترفع راسك
عوض : بارد
شوق : علشان الاوعيه الدمويه تضيق و يوقف النزيف
ناظرت يده و تنهدت : ليش كذا ها ليش تعصب اول مره اشوفك بالعصبيه ذي كل شي بالهدوء نقدر نحله
ناظرها : نار بداخلي شوق نار
جددت الكمادات : تذبح نار الغيره و تموت من داخل صح ذا شعوري لما كنت تخليني اغار
عوض : يعني انتي سويتي كذا علشان اغار
حطت الكمادات على خشمه : لا والله
غمض عيونه عوض : احس بصداع
شوق : امسك الكمادات اكيد ضغطك مرتفع اجيب الجهاز و اجيك
حط عوض يده على الكمادات دخلت المكتب و جابت الجهاز و جلست جنبه رفعت كم ثوبه و حطت الجهاز حوالين يده و بدات تقيس ضغطه ناظرته : ليش كل ذي العصبيه شوف وش صار فيك خشمك ينزف و ضغطكم وصل ١٦٠
فتحت الجهاز عن يده و اخذت الكمادات تجددهم و نطق: مو بقصدي اصرخ عليه
حطت الكمادات على خشمه : مو وقت كلام الحين عوض
مسحت على شعره و هي ماسكه الكمادات على خشمه : ما اشوف بالدنيا غيرك ليش الغيره كلها ذي
عوض : اللي ما يغار مو رجال شوق
شوق ابتسمت بخفه : غار عوض بس مو بالطريقه اللي تأذيك و تأذي صحتك احب غيرتك بس مو كذا
بعدت الكمادات: الحمدلله وقف
ناظرها : عورتك صح
ابتسمت له : تعودت عادي عوض تعورت اكثر من كذا قبل
ضحكت : معرف ليش تذكرت يوم انحرقت بالدخان بفخذي علشان دافعت عن ماما
وقفت و هي تضحك : مسكت يدك لي اصلا ما تعورني تحسسني بالامان
اخذت الصحن و توجهت للمطبخ وقف عوض و توجه وراها ناظرها حاطه يدها على الطاوله و منزله راسها قرب منها و صار وراها و حضنها من ورا ابتسمت شوق : اجلس لا ينزف من جديد خشمك
عوض : اسف اني صرخت عليك اعتذر عن تصرفي شوق الغيره عمت قلبي
ابتسمت بخفه : قلت لك زعلك ما يدوم بساعه و قبلت اعتذارك
ابتسم عوض حاول يغير الموضوع : تعرفين اذا جانا عبدالعزيز وش راح يصير
التفتت له و صار وجهها مقابل له و ابتسمت: راح يصير عندي عوضين و راح يجننوني
ضحك عوض و بعد شعرها خلف اذنها : متى يجي ابيه الحين او ابيها
حطت يدها على بطنها : مطول شوي بس راح تعدي و يجي عزوز او تجي بنتنا
شالها و جلسها على الطاوله : نسيت العقاب
عضت شفتها : اصلا ما احسه عقاب و اذا راح يكون عقاب ف ذا احلا عقاب بالدنيا كلها
ابتسم عوض و تقدم قبل ثغرها بقوه و يعض شفتها تأوهت بألم و حطت يدها على اكتافه تبادله القبله