بِحبها تعافيت 🖤 (كاملة)

12- أستسلام لواقع مرير.

«بحبها تعافيت»
بقلمى فيروز مغازى.

♡صلى على محمد♡

_الفصل الثانى عشر_

كارمن كانت حقيقى مصدومة من اللى سمعته،

وقفت شوية تتاكد من الكلام..

كانت سيرين بتتكلم مع كاميليا صاحبتها اللى جتلها..

كاميليا بصت لجاد بحزن: والله حرام عليكِ طفل زى ده تهمليه كده، عارفة انه مش ابنك وانك متبنايه..

بس هو ملهوش ذنب اعتبريه ابنك..

مدام يعنى مش بتخلقى..

سيرين: انتى بتعيرينى يعنى يا كاميليا؟؟

كاميليا: والله ما اقصد، بس زعلانة على جاد، انتى شايفة خاسس ازاى، ويا عينى لسه معندوش سنان كتير..

سيرين بشرود: انا لولا الورث، ولولا خوفى من انه يفكر يتجوز غيري، مكنتش جبت جاد ولا غيره..

بس انا لو قولتله مش بخلف ممكن يتجوز غيري تخلف ولى العهد، وانا اطلع من المولد بلا حمص..

وانا اللى خليته يحبنى واتجوزته عشان عزه.

كاميليا: طب وانتِ ايش عرفك انك هتورثى، طب ما مراد بردو ليه فى الاملاك، ومامته، كارمن هانم..

سيرين: امه كلها يومين وتروح للى خلقها، تعبانة وعندها الضغط وكل شويه بتتعب،انما مراد ليه ربع الاملاك، والباقى هيكون ليا انا وابنى..

كاميليا هزت راسها بقلة حيلة: مجنونة يا سيرين..

سيرين: لا يا كاميليا مش مجنونة، انا بامن مستقبلى، مش كفاية ابويا خسر كل املاكه قبل ما يموت،ولولا جاسر كنت زمانى فى الشارع..

كارمن كلمة مصدومة كانت قليلة عليها،

هزت راسها بجنون:

- مستحيل، ججاد مش ابن جاسر ووسيرين مش بتخلف !! يا نهار مش فايت..

= مالك يا امى واقفة كده ليه !!

كارم بخضة: ها، لا انا كنت جاية اودعك عشان هسافر.. بس ملقتكش وكنت نازلة.. انت انت كنت فين؟؟

جاسر بجدية: كنت بتكلم فى الفون بخصوص الشغل، انتى عارفة انى المفروض انزل الشركة..

كارمن هزت راسها بتوهان: ايوه يا حبيبي..

جاسر: مالك يا أمى، أنتِ تعبانة، ولا لسه زعلانة منى فى موضوع مرام ده..

كارمن: اه اه لسه زعلانة..

جاسر: خلاص يا امى متزعليش وحياتى، بس غصب عنى مش هقدر اخد خطوة زى دى فى حياتى..

وخصوصا ان سيرين بتغير عليا زى مانتى شايفة، وممكن تطلب الطلاق لو اتجوزت عليها..