«بحبها تعافيت»
بقلمى فيروز مغازى.
♡صلى على محمد♡
_الفصل الرابع عشر
فى مكان فاضى، قاعد بيبص حواليه كأنه تايه، كأنه عايز ملجا شافها واقفة بعيد بتبصله ودموعها فى عيونها، نادى عليها بصوت عالى،
بس هى ثابتة فى مكانها بتبص بس ع حاجة تانية، مش منتبه ليه نهائى..
مراد مشي عشان يقرب منها، لقاها بتهرب منه، مش عايزة حتى تبصله، وهو زى المجنون بيجرى، ويجرى، جرى كتير، ووقفه صوت، صوت رزان.
التفت وبصلها، لقاها بتعيط،
قرب منها بقلق وقلبه وجعه عليها.
مراد بحزن: مالك!
رزان بدموع: ليه بتجرى ورا مرام يا حسن..
مراد: يمكن عشان بحبها !!
رزان مسكت ايده: طب وانا يا حسن !! مليش مكان فى قلبك هتسبنى !! هتبعد بعد ما لقيتك!! هتكسر ضهرى تانى!!
انا لقيت السند مرتين فى حياتى، لقيته فى ابويا الله يرحمه، وراح معاه، مش عايزة انت كمان تروح وابقي من غير ضهر وسند، انت سندى يا حسن، انت امانى وملجى بعد ربنا..
مراد بوجع: بس انا بحبها.
رزان بالم: وانا بحبك انت، بحبك وشايفة حبك ليها بس مش قادرة اكرهك، سيبها هى لحالها، وخليك معايا، واثقة انك هتحبنى لان مفيش حاجه بعيدة عن ربنا، مهما كانت الظروف، وانا هفضل جمبك، خليك انت كمان جمبى، انا محتاجلك اوى..
مراد تنهد بوجع: هتقبلى تعيشى معايا وانتى عارفة انى بحب واحدة تانية، هتعرفى تستوعبى الموضوع.
رزان ابتسمت بحزن: غصب عنى هحاول استحمله، عشان انا بحبك يا حسن، والله بحبك اتعلمت الحب على ايدك، خليك جمبى، ارجوك محتاجلك..
مراد مسح دموعها بحنية: طب ممكن تبطلى عياط يا حبيبتي، تعرفى انى حاسس بحاجة ناحيتك
بنجذب ليكى اوى، هو انا ممكن اكون حبيتك !!
رزان بحزن: ليه لا يعنى !
مراد ابتسم بحزن: طب انا بحبك..
رزان ابتسمت بحب: ايه !! فى طيارة كانت معدية مسمعتش، قولها تانى، وتالت ورابع
مراد قربها ليه وهمس: بـ حـ بـ ك.
بعد ما قالها خطفها لعالم خاص بيهم..
قرب اكتر وكانت هى سعيدة بوجوده جمبها.
فاق من نومه بفزع، بيحاول يستوعب اللى شافه فى حلمه، فرك عيونه واستغفر ربنا كتير.
مراد: اللهم اجعله خير يارب، اللهم اجعله خير.. هى رزان ورايا ورايا، اهرب منك فين.
افتكر الحلم تانى ضحك.
أنت تقرأ
بِحبها تعافيت 🖤 (كاملة)
Storie d'amoreسمراء رقيقة لها سحر خاص ذات مشاعر مرهفة، هو حاد الطباع، غامض متعجرف اسودت الحياة فعيونه من بعد حادث لعين دمر حياته.. ماذا يحدث عندما تقع تحت يده تلك الرقيقة !!
