بِحبها تعافيت 🖤 (كاملة)

اقتباسة + الشخصيات

"بِحُبها تعافيت"
بقلمى فيروز مغازى

♡صلوا على النبي♡

«اقتباسة»

رفع عيونه وبصلها بفستانها الابيض البسيط

شايف فى عيونها فرحة غريبة.

لمح طيف عشق فى نظراتها ليه، مكنش عارف يقولها ازاي ان الظروف اجبرته يتجوزها..

مرام بحياء: جاسر ممكن نتكلم شويه، عايزة اقولك حاجه مهمة.

جاسر بتنهيدة: ينفع انا اتكلم الأول.

مرام: اكيد..

جاسر بجدية: أنتِ عارفة انا اتجوزتك ليه !!

مرام بتعجب: مش فاهمة !!

جاسر بجدية: جوازتنا مجرد تمثلية قدام الناس، يعنى جوازة صورى عشان سمعتك عشان نمنع الشبهات.

مرام بصعوبة نطقت: سمعتى !!

جاسر: بعد ما كنت السبب فى انك تظهرى معايا فى صورة، الدنيا اتقلبت وعشان كده اتجوزتك، أنتِ أكتر واحدة عارفة ايه اللى ممكن يتقال عنك.

مرام الكلام نزل عليها زى الصاعقة.

سكتت بس جواها وجع أول مرة تحس بيه، فى كل حياتها كأن روحها راحت، بصتله والدموع اتجمعت فى عيونها.

مرام: فهمتك طبعاً، وانا اسفة لو كنت السبب فى انى اجبرك تتجوز واحدة وحشة زيى، مانا استغربت بردو واحد زيك، هيبصلى انا ليه، بس فهمت، وحاضر انا هنفذ اى حاجة تقولها، وهيبقي جوازنا صورى..

جاسر استغرب دموعها وقف وقرب منها:

- انا مقصدش أنتِ بنوتة جميلة واى حد يتمناكى، انا مختلف غير حد، احنا مش شبه بعض، دى الفكرة.

مرام مسحت دموعها: لا لا حضرتك فهمتنى غلط، انا بس بهزر كالعادة، وعارفة انك يعنى متجوزنى عشان الشبهوات..

جاسر بشك: طب ودموعك دى، بردو هزار !!

مرام ابتسمت بتكلف وبصتله: ااه حتى شوف اهو مفيش دموع، اختفت..

فى اللحظة دى الباب خبط..

جاسر باستغراب: من ده اللى بيخبط دلوقتى !!

مرام : انا هفتح..

قربت من الباب وسمعت كلمة خلت قلبها يدق بجنون فتحته، واتسعت ابتسامتها لما شااافت...

*****************
♡صلى على محمد♡

الشخصيات

مرام جمال: هى بنوتة شابه عندها 23 سنه، دكتورة علاج طبيعى، كيوت وقصيرة وطيبه جدا، مش بتملك قدر كبير من الجمال، بنت عاديه بكل المقاييس بشرتها سمرة سيكا، بس بتتميز بعيون رمادى جميله، وشعر مموج من اللون الاسود القاتم ، وجسمها متناسق مخبياه تحت لبسها المحتشم رغم انها مش محجبة.. وكمان لبسه نضارة لضعف نظرها

«وده اللى مخلى معظم الناس بتتنمر على شكلها وانها سمرة ، برغم ان ملامحها مش وحشه بالعكس دى جميله،وسمارها محليها مع غمازاتها اللى بيظهرورا لما بتضحك»

جاسر الحريرى:- شاب عنده 31 سنه، رجل اعمال من عيله عريقه جدا، شخصيه هاديه وغامضه لابعد حد، ، شخصيه عقلانيه جدا، ملامحه وسيمه جدا، طويل القامه، ذو جسد رياضي، عريض المنكفين، وليه عيون بنى حاده..

كارمن عزت:- والده جاسر عندها 50 سنه، لكن رغم سنها الا انها جميله جدا، طيبه القلب، بتحب تعمل خير، بتحب كل الناس، ورغم انها والده انجح رجل اعمال فى مجاله، مش متكبرة ولا مغرورة بالعكس دى شخصيه اجتماعيه جدا ومحبوبه..

مراد الدمنهورى:- صديق جاسر الصدوق وابن خالته، عنده 29 سنه، شخصيه خفيفه الظل، بيحب الهزار ، وبيحب جاسر جدا ، بيملك ملامح وسيمه جدا، وجسم رياضي وبيتميز بعيون خضره جميله

فاطمه السيد:- مرات عم مرام، امراه سليطه اللسان، ومش بيهمها حاجه ولا حد، بتكره حنين جدا، ودايما بتجرح فيها بالكلام..

عثمان جابر:- عم مرام، ضعيف الشخصيه، وبيعمل اى حاجه ممكن مراته تقوله عليها، وبيحب حنين..

فارس:- ابن عم مرام، مستهتر، وبتاع بنات وكتير اوى بيحاول يضايق حنين بالكلام، عنده 25 سنه

دى اهم الشخصيات، والباقين هيظهروا مع مرور الاحداث...

*********************

رايكم يهمنى... ❤🥺

عايزة اعرف رايكم..