بِحبها تعافيت 🖤 (كاملة)

(9) إبتسامة بعد ثوران!!

"بحبها تعافيت"
بقلمى فيروز مغازى.

♡صلى على سيدنا محمد♡

_الفصل التاسع_

مرام برقت بصدمة، حاسة انها سمعت غلط، مراتـه !!! طب ازاى !! هو لحـق يتجوز !! لا لا دى اللى ماتت

يعنى اللى قدامها دى، عفريت !!!! بصتلها للحظات ولقت الدنيا بتلف بيها، فقدت الوعى فى لحظتها..

مراد اتخض واخد جاد اللى عيط عطاه لكارمن،

ورجع لمرام تانى، حاول يفوقها كتير.

بس مكنتش بتفوق.

شالها وحطها على الكنبة بلهفة وقال لكارمن:

= خالتو خلى بالك منها، هجيب البيرفيوم من فوق، هى اكيد بس اتخضت

كارمن بسرعة: روح يابنى، يا رب تقوم بالسلامـة..

سيرين كانت بتبص بسخرية على مرام.

الفاقدة للوعى. وواقفة مربعة ايديها،

جاسر جيه من وراها باستغراب:

= فى ايه يا سيرين، مال مراد طلع بيجرى كده !!

سيرين بضيق: لا مفيش بس البرنسيسة جواهر اغمى عليها، مستحملتش البت، رقيقة اوى اصلها..

جاسر اتخض: نعم، مرام، هى هنا !!

بص على مامته، لقى مرام على الكنبة جمبها.

وفاقدة للوعى تماماً.

لقى رجله بتاخد لهناك بيقرب منهم.

جاسر بقلق ملوش تفسير عنده:

= أمى، هى مالها، اغمى عليها ولا ايه ؟؟

كارمن بحزن: ايوه بمجرد ما مراد قالها ان دى سيرين مراتك فقدت الوعى، الظاهر خافت او اتخضت..

جاسر براحة: ااه فهمت..

مراد نزل وفى ايده البيرفيوم بتاعه،

ورش على ايده منه وحطه عند انفها،

مرام بدأت تستجيب وهى بتهزر راسها بهسترية.

مرام بعياط وهى نايمة:

= ممراد هتقتلنى، عفريت، ياماما، الحقينى يا ماما، جاسر، جاسر مراته ميتة، دى دى شبح الحقووونى.

قامت مرة واحدة وهى بتنهج وبتتصب عرق، وبترتعش بهسترية وعياط..

مراد مسك ايدها بقلق: مرام، انا هنا، فوقى، الله يكرمك، قلقتينا عليكى..

مرام بدأت تستوعب: ممراد..

مراد زفر براحه: اهدى مفيش اى حاجة، سيرين عايشة، ومش شبح ولا عفريت، اهدى خاالص..

جاسر كان بيغلى وهو شايف مراد ومسكت ايديه  لمرام بالطريقة دي بس قال بقناع الهدوء:

= خلاص سيبها يا مراد، هى فاقت..