روايات ليبية😍:
رواية اسيهان💗
للكاتبه 🔥♥Asma ha
روايتي يلي توا حتحكي علي بنيه شافت هلبا حاجات في حياتها لاكن كل موقف ايخليها اقوا من من قبل طبعا حنتكلم باللسان البطله ❤
الحلقه الاولى 🫶❤
اني اسيهان مواليد2000 مواصفاتي بيضه نقشي ع البني يعني عيوني وشعري بنيات شعري طويل هلبا وعيوني مش كبار ومش صغار حلوات منحوتات فمي صغيرون ومنفوخ مش طويله ومش قصيره وجسمي منحوت اني شخصيتي صعبه علي الشخص يفهمها يعني حساسه وكوميديه مزاجيه نتعلق بسرعه لاكن منوثقش بسرعه نقرا ادارة اعمال عندي 3 خوت وزوز خوات طبعا خوتي احمد ومحمد و مؤيد
احمد م94 عصبي هلبا نخافو منه هلبا وديما مع بابا ايساعد فيه خريج محاسبه مواصفاته ابيض لاكن مش هلباا عيونه عسليات ولحيته وشعره ع البني طويل وعريض يلعب في صاله رياضيه
محمد جوه حلو لاكن مش ديما مرات ايدره في كبدي😒 لاكت حنون هلبا م97 طبعا خريج هندسه معماريه ومستقل عن شركة بابا يخدم بروحه فاتح مكتب مواصفاته حنطي وعيونه عسليات لو العسسسل نقشه كله ع العسلي طبعا طويل لاكن مش هلبا وجسمه رياضي عنده في جو البنات عكس احمد يلي ميحبهمش نهائي
مؤيد هدا المخلوق ايهببببل جوه تافهه بايع الدنيا صارف حقها م99 يعني اكبر مني بسنه بس اني وياه كانه توأم يعني ايي فالطه بنديرها معاي مؤيد واختي اسيل تو نحكيلكم علاها المهم مؤيد يقرا صيدله طبعا خوي الصايع عشان البنات قري صيدله😂🤦🏻♀️ مواصفاته ابيض ونقشه ع الاسود رموشه طوال حتي اني يلي بنت مش هكي وسووود تقول مكحلات شعره ولحيته ع الاسود عيونه الوحيد هوا واساور اختي عيونهم جو لماما لونهم اخضر طبعا خوتي ال3 يتمرنو في صاله
اسيل اختي تشبهني هلبا غر هيا اطول مني وعيونها اكبر مني وشعرها تقص فيه مش نفسني اني مخلياته طويل اسيل م98 تقرا طب اسنان
اساور هاااااديه لدرجه كبيره طيوووبه ديما ايقولولها مش نفس خواتك لانه اني واسيل اللسان اطول منا😂 طبعا اساور بيضه هلبااا شعرها عسلي وعيونها خضر زي ماما دبدوبه تهبببل م2003 تقرا طب بشري لانه دكيه هلبا♥️
ماما انتصار م74 طيبه وحنونه بس لما اينوضو عليها عفاريتها اهربي😂😂
بابا عبدالله م69 طيب ويحبنا وعنده بناته فوق كل شي لاكن يفصل علي خوتي وبدات محمد. ومؤيد يخدم في شركه مع صاحبه يعني ملكهم الاتنين ♥️
باقي عيلتنا تو تتعرفو عليهم من خلال الروايه
الصبح الساعه 7:30
ماما: نوضي يافرخه صبي حتي خوتك ناضو صبي تقول ذكر
انا: ماما خليني نرقد الزح تخلوش حد يرتاحه في نومه
ماما: صبي قلتلك نوضي هيااا صبي احمد بيحطك في طريقه
انا نطيت جيت واقفه: ماما فكيني منه ولدك النفسيه هدا مش حنمشي معاه
ماما: مالا من بيرفعك غر صبي وتي روحك بعدين ساهل خلي نمشي انوض الخايبه اسيل
انا: اي انتو فالحين فيا اني بس جايتيني اني الاوله
ماما: اساور نايضه من بكري ياريتني ماريتك لا انتي ولا اسيل مافيكن كان شياط ريق وطولة اللسان مش عارفه ليش مجيتنش زي اساور
انا مشيت نجري للحمام حشاكم لانه لو قعدت المحاضره مش حتكمل علي خير😂
ماما مشت لي اسيل وشحتها شح من سريرها لبسنا ونزلنا القيناهم علي طاولة الفطور صبحنا عليهم واني خديت طاسة عصير بس لانه نفطرش الصبح اسيل واساور طلعو مع بابا واني حصلت في احمد رفعني وندعي في خاطري ان شاءلله منتلاقوش مع رامي طبعا رامي ولد معاي في الجامعه صاااايع متاع بنات مش مخليني في حالي ايضايق فيا المهم وصلنا حطني وطلع واني نحمد في ربي انه متلاقيناش مع رامي وصلت لقيت شلة الشر قدامي طبعا عندي 4 صحبات 2 بنات عمامي و2 لا طبعا احني صحبات من اوله ابتدائي لتوا مع بعض حتي عيلاتنا علاقتهم ببعض قويه
صحباتي ندي وألا وسلام وميراث
انا: صباحوو
البنات: صباح الخيرات رايقه مشاءلله
انا: فرقت الروقان جايبني احمد ع طول الطريق ندعي انه منتلاقوش مع رامي
ندي: قصدك انتي متندريش برامي شن دار
انا: شن دار
ميراث: مشي ل مهاب وقاله انك تكلمي فيه
انا: تبصررري كيف هكي وخوك شن قال ميراث الله ايربحك خبريه بالحق😭😭
ميراث حظنتني: خلاص ياعمري خبرته اقسم بالله وعطاه طريحه ادعي انه رامي مشافش احمد وهوا جايبك لانه تعرفي ميبردهاش
انا تنكدت حتي المحاضره الاوله محضرتهاش
في حوشنا
مؤيد: اني قلت لا يعني لا حلوه هادي
ماما: تفاهم مع بوك قال جامعتك شهر يقرو وتلاته لا بيغيرك
مؤيد: بوي كسد عليا توا ولا شن تي شن هالصبح الاحرف قوليله قال منيش مغير
ماما: ليش متبيش تغير ترا قولي ليش
مؤيد منبيش وخلاص شن بسيف هيا
ماما: متبيش عشان البنات ياصايع الصياع واللهي ماعرفت نربيك باهي خوي هالضنوة الحرام
مؤيد: ضنوة حرام ضنوتك نصوره ياسمحه ره
ماما: شن قصدك ياحيوان خزي اقلب رمتك من قدامي
