روايه اسيهان 💗
الكاتبه🔥♥️Asma ha
الحلقه21🫶🏻✨
قولولي شني نقرب الحلقه الاخيره والا مزال تبوها اطول
اساور: ايوب سونه بتموت
ايوب: لا بعيد الشر عليها اسسسس معش تقولي هك
ايوب حظنها بعدها حط راسها بين ايديه: اقسم بربي العباد ندفع عمري كله ولا نشوف دموعك نحبك وراس عويناتك نحبك
اساور استاكت وتشوفله
ايوب: اي نحبك نعرف انك مصدومه اقسم بالله نحبك ومن زمااااان مش توا عارف انه مش وقته توا بس معش قدرت نتحمل اكتر من هك يومها سمعتك انتي وملك تهدرزو نعرف انك تحبيني اقسم بالله ماحبيت غيرك بلعكس قلبي اول مادق دق ليك انتي انا سندك صدقيني مستحيل نسلم فيك
اساور تبكي وبس
ايوب: بالله متبكيش تعدبي فيا هك والله
اساور حظناته بقوه ونهارت بدموعه تبكي لدرجه تقطع القلب
ايوب ايهدي فيها
عند يلي يستنو في العمليه امتا تكمل
جداي: نبي الحمام(حشاكم) من يرفعني والله ماقادره نوقف ع رجليا
عمتي مريم ام ايوب والاء: الاء ارفعي جداك
الاء: هيا تعالي اجديده معاي
جداي شدت في يد الاء وتمشي معاها الحمام كان في الدور الارضي بينزلو من الدروج خطمو جنب ميراث وهيا تتكلم
ميراث: مهاب ايقطع القلب
مهيب: من تكلمي انتي
ميراث استاكت ولا حرف
الاء سمعتهم وعرفت انه مهيب كبس ميراث الاء من الرعشه بتنزل جداي الدروج دفتها ومشت تجري لمراث
جداي تتكركب فالدروج وتعيط
جداي: وووووه تعالولي هالبهلوله المرعوشه ياكلبه تكسرت وووه عليا عطك سحيقه يا الاء
الاء سمعت جداي وتفكرت شن دارت ولتلها تجري رجلها زلقت وتجي متكركبه وطاحت فوق جداي
جداي تضرب فيها: نوووضي يابهيمه كسرتيني ووووه عليا نوضي عطك منوض والاء تعيط وتقوللها حي عليها شدها
جداي: ايشدوك سبعه جنون بعفاريتهم ياكلبه نوووضي من ع رجلي
طبعا لما جداي طاحت مهيب سيب ميراث ونزل يجري
مهيب: لاباس خيرك
جداي: عطني حسره ياريتني جيت بروحي ولا جيت مع هالمرعوشه هالبهلوله طيح سعدها
مهيب ميت بالضحك: نوضي يا لولي شن صارلك
الاء خايفه من مهيب ترعش: انا والله مانندري علاها قلتلها غلط يلي اديري فيه وميراث تاشرلها اسكتي وهيا ترعش وفالقه الشكاره
مهيب: شن تقولي انتي خيرك
جداي: حووولي عني متوخدهاش بهلوله ماتعلم بروحها شن تخرف
ميراث جتها تجري وقفت الاء: خيرك لولي شن جاك وتفنص فيها
الاء استوعبت: ها لا شي
وقفو جداهم ورفعها للحمام حشاكم ويركبو فيها في الدروج وهيا كل درجه تركبها تدعي ع الاء
الاء: ياااسر فيا من الدعي ناقصه انا ماهو
جداي: اسكتي ولا حرف عطك ماينزعك ويرزيني فيك قريب رزيتيني في رجليا راهو جدك سبله وحصله وجاب عليا مرا
الاء: حاله ع اساس ميقدرش ايجيبها وانتي بصحتك مش عارفه كيف جدي متحملك لتوا
جداي لحقت فيها قرصتها
الاء عيطت: ووووه عليا يدي
جداي: زيدك منه ياكلبه
وصلو فيهم وحكولهم يلي صار رغم الجو المتازم الا انه ضحكو عليها
في غرفت العمليات اكيد كلكم تستنو شن صار حتني زيكم راه😂
الدكتوره: مهاب متضعفش متخليهاش تمشي من بين يديك مش وقت ننهارو
مهاب مش معاها بكل مصدوم وصوت جهاز القلب مسيطر ع تركيزه
الدكتوره: مهااااااب بسسسسسرعه بنخسروها
مهاب فاق ع روحه: منقدددرش بتمشي من بين ايديا
الدكتوره: ساعدني بس
حاولو حاولو حاولو بس فالاخير
الدكتوره: النبض النبض رجعع لوضعه الطبيعي
مهاب طاح ع الارض يبكي ويسجد لربي
الدكتوره: هيا مهاب عشان حبيبتك هيا
مهاب جمع قوته ووقف ع حيله
مهاب: كانت اقوا عمليه تمر عليا بالرغم من انها مش هديكا الصعوبه الا انه يلي بين ايديا حبيبتي ونبض قلبي الروح يلي فيا كنت خايف نأذيها وقت سمعت جهاز القلب خفت نكون خسرتها خفت تكون النهايه حاولت نستقوا ونساعد الدكتوره وقت رجع النبض كانه روحي ردتلي اهني عرفت انه هيا تصارع فالموت متبيش تخليني وتمشي وانا مستحيل نتخلا عليها درت جهدي كله والحمدالله العمليه نجحت والرحم قعد في مكانه بس مفيش احتمال انها تكون ام انا راضي بحكم ربي انا نبيها هيا ولو ربي كاتبلي نكون اب وهيا ام الصغار هادو مفيش حاجه تقدر تمنعه رحمة ربي واسعه
الدكتوره: برافو مهاب بجد نهنيك نقضت حبيبتك
مهاب ابتسم والدموع في عيونه: خفت نخسرها
الدكتوره: ربي مايحرمكم من بعض شني نطلعو نبشروهم
مهاب ابتسم: اي هي
كانو كلهم قدام غرفة العمليات يستنو حتي اساور وايوب يستنو في حد ايطمنهم بعد ساعتين انفتح الباب وطلع مهاب هوا الاول ونضرات النصر والفرحه في عيونه
ماما ناضت تجري: طمني ياولدي شني
مهاب حظنها: اطمني عمليتها نجحت والرحم ممسناشي يعني حالتها كويسه
كلهم يحظنو في بعض من الفرحه ايوب شاف لاساور وابتسم وهيا نفس الشي والشي هدا كان تحت انضار ملك وميرا
الدكتوره: الحمدلله ع سلامتها بنحطوها في العنايه تحسبآ لي ايي مضاعفات بس ومشت من جنبهم دخلوني العنايه وكانو كلهم فرحانين تلفون مهاب رن
