رواية اسيهان 💗
الكاتبه🔥♥️Asma ha
الحلقهه27🫶🏻✨
مهيب شاد يد اسيل: اسيل بالله متصدينيش بالله مترديش عليا توا خودي وقتك فكري خودي حتي شهر قاطعاته اسيل
اسيل: لا يوم ولا شهر انا موافقه مهيب بس بشرط
مهيب من الفرحه لين يبكي: ادللي انا موافق ع شروطك كلهم
اسيل ابتسمت: هوا شرط واحد بس
مهيب باس يدها: وانا موافق
اسيل بضحكه: وكيف موافق بدون ماتعرف الشرط
مهيب باس يدها التانيه: مدام الشرط بيخليني قريب منك انا موافق مهما يكون انتي ادللي بس
اسيل ابتسمت: شرطي تتحملني ورد بالك تكسرني
مهيب حظنها: مفيش حد ميتحملش روحه ويكسرها انتي الروح يلي عايشه فيا وانتي حلم حلمت بيه اسنين انتي دعوتي في نص الليل وانا ساجد لربي انتي صدقه صدقتها اسنين واسنين انتي دعوة امي ورضاء بوي انتي طفله عاشت معاي كل مراحل حياتي وحتكملي معاي للنهايه نكبرو مع بعض ونشيبو مع بعض ونربو صغارنا مع بعض عمري مايأست من حبي ليك بالعكس متاكد من حبي ليك لانه نعرف روحي شن اخترت حتي لو حبيتي غيري ميأستش لانه كنت مقتنع انه كل حد فينا عنده نصيب فالدنيا هدي وكل بنت موجوده ع الكره الارضيه نخلقت من ضلع راجلها وانا كنت متاكد انك انتي يلي نخلقتي من ضلعي نحبك يا اغلا ما نملك نحبك وعمري ما يأست من حبك اسيل لفت ايديها ع ظهره وبدت تبكي مهيب حظنها اكتر وخلاها تبكي براحتها بعدها وخرت شافتله
اسيل: ربي يقدرني ونسعدك يا عوض ربي ليا
مهيب ابتسم: راك روحي يلي عايش بيها
اسيل ابتسمت بعدها سمعت العيطه: شن هدا صوت سونه صح ولا
مهيب: شكلها عرفت
اسيل: شن بتعرف
مهيب: مهاب بيخطب
اسيل؛ كيف مني بيخطب
مهيب: بعدين تو تفهمي
اسيل ركبت فوق تجري تلاقت مع مهاب دفلت عليه حشاكم وكملت طريقها
عندي انا والبنات
اسيل تبكي: بسسرعه سرو راه تموت من بين ايدينا
ميرا: اعطيه مايرفعه هالكلب
ملك: ميرااا معش تدعي ع خوك
ميرا: ملللك مدخلكش بندعي حتي اليهودي ميديرش يلي داره
انا فقت لقيتهن جنبي بعدين تفكرت شن صار
ميراث حضنتني؛ سونه يروحي فوتيه كلب ميستاهلكش
انا: مهاب سيبني ياميمي بدون ايي سبب علاش شندرتله بس
مايا: كلب يروحي فوتيه
الاء خشت عليهن علاش الحوش فاضي مفيش حد الا يوسف حتي جدي وجداي مش قاعدين
اسيل: احسن
عند مهاب حلق ودوش ولبس شورت جينز ازرق وتيشرت ابيض وسبيدرو ابيض بخ برفانه وشاف للدبله يلي شراها وابتسم فتح تلفونه وكلم البنت
مهاب: حبي شن صار
البنت: شويه وطالعه انت مشيت
مهاب: كيف بنطلع وكل شي واتي
البنت: القفطان يلي حجزت فيه جبته
مهاب: ايي ناقص تجي بس كل شي زي مانبو واحسن
البنت: يرووووحي انا
مهاب: تعرفي متووووتر احلا يوم في حياتي اقسم بالله
البنت: وحتني احرف منك
مهاب: نتلاقو حبي
البنت: نتلاقوو
عندنا انا والبنات
ملك: بنات نمشو للبحر ع الاقل سونه تغير جوها
ميرا: من بيرفعنا
ملك؛ يوسف بس يلي قاعد
ميرا: والله ماهو رافعنا
الاء حطت يديها في نصها؛ وعلاش اسمك حبيبته ورينا قدراتك
ملك: ريحي روحك انا نكلمه وتو روحكم بس
الباب دق
ملك: مني
ماما: انا انتصار
ملك: خشي تعالي
ماما خشت شافت لملك وضحكت ملك فنصت فيها
اسيل؛ ماما شن في
ماما؛ مبروك اسوله ياماما
اسيل حضنت ماما: الله ايبارك فيك يروحي
ماما حضنتها بعدها باعدت عليها: سونه ياماما
انا شفتلها منبيش يبان عليا نبكي: نعم
ماما: في مراء كلمتني عليك وتبيك لولدها وانا مرديتش علاها لين نسالك
انا نبي نحرق مهاب؛ موافقه ياماما
البنات شافولي بصدمهه
ماما حظنتي: ربي يهنيك يروحي وطلعت
انا لما طلعت ماما نهرت نبكي
مايا: يروحي مش مجبوره تعيشي روحك الالم هدا كله عشان تقهريه هدا حيوان
ملك: خلاص يروحي ربي حيعوضك بالاحسن منه نوضي اللبسي نكلم يوسف يرفعنا للبحر
انا هزيت راسي ووقفت
لبسنا وركبت ملك قتلنا انزلن يوسف يستنا فيكن نزلنا وانا سانده روحي ع اسيل ومايا ميرا اول مانزلت حضنة يوسف ويوسف حضنها
يوسف: خيرك ياروحي
ميرا: اوعدني مديرش نفس مادار العيل مهاب في سونه
يوسف: وعد يروحي متبكيش بس
ركبنا فالسياره مسدتناش
درس مؤيد: وين ماشيين
الاء: لعزرئيل بش ياخد روحك
مؤيد: ياخد روحك يكلبة الكلاب
ملك: مش وقت عراكاتكم ره
انا شفتلهم: ماما وين مشت
مؤيد ارتبك: اااا انا رفعتها للمراء خلاص شن تبي في امي انتي قولولي وين ماشيين
يوسف: للبحر سونه تغير جو شويه
مؤيد: تم مجموعه معاي هي تو نمشي معاكم
الاء: بصيرلنا اختناق
مؤيد: ان شاءلله تموتي تو
ركبنا السيارات وتحركو ويوسف ومؤيد دايرين جو تبييب واغاني وملك تزغرط والبنات حمستهم ملك قعدو يصفقو وانا دموعي خط واحد مكسوره
عند مهاب بعت مسج للبنت
مهاب: هيا وينك علاش عطلتي
البنت: اصببببر شوي ونوصل
