sOma 🥺🫂💞:
رواية اسيهان 💗
للكاتبه ♥️🔥Asma ha
الحلقه 12✨
قبل مانبدا بنات حرام اني نتعب ونكتب ومنقصرش وفي الاخير مفيش تفاعل معجبتكمش لو معجبتكمش نوقفها عادي ياريييت تقولولي لو تبو نوقف نوقف عادي طبعا شكرا للبنات يلي يتفاعلو🥹 نبداء فالحلقه
✨✨✨✨✨✨✨✨
كملنا تطيب ولمينا الحوسه وبدينا نتقسمو ع السيارات
مهاب: سونه تعالي معاي وميمي وملك ومن ايجي معاي شباب
ايوب غمز ل ملك
ملك: ايوب واساور وسونه وميمي يمشو مع مهاب
مهاب: متبيش تمشي معاي ياكلبه
ملك غمزتله واشرت ع ايوب
مهاب شافله وضحك قرب منه بصوت واطي: وين ياشيخ قيسه عمي راضي عليك طايح فالساكته
ايوب شافله وضحك: ملك مستحيل تشد كلمه اي ياولد عمي طايح غر ان شاءلله حتي هيا زيني بس
مهاب ضحك: ركب السحابه واركب وانت ساكت
مؤيد: انا بنمشي بسيارتي ره
صهيب: خلاص مايا ومحمد والاء معاك
الاء نطت: تبوو تقتلوني قولوها متتحشموش فيها عادي ره
احني ضحكنا علاها: خيرك
الاء: بتركبوني مع هدا المهبول بش تفتكو مني تي دماغه ميت فيه حمار
مؤيد رمي شبشبه وضربه علاها: بري ياكلبه يا معاقه ياناقصه
الاء تلاطي بيديها: شوووف روحك يابابا
مؤيد: احمدي ربك بتركبي معاي غيرك متمنيها
الاء: ماه الدبان ميحبش الا الكناسه
مؤيد طلع يجري وراها وهيا تجري وتعيط
الاء: يانااااس تعالو بيقتلني ووووك انت يامهاب ياسطل داير روحك ضابط حداك بيقتلني
ومؤيد يجري وراها ويخرط
تجري جت لبدة وراء صهيب
الاء: صهيب كلمه المتخلف
مؤيد يتحلفلها: والله نقتلك ياكلبه
الاء: تبيلها راجل متحاميه بصهيب
صهيب: حولوووو ان شاءلله تتقاتلو
مهاب: ياسر بلا جو عويل
مؤيد: اقسم بالله ماراكبه الا معاي بش نوريك انا
انا نضحك: ياسركم هيااا نبي نمشي للبحر
مهاب شافلي: وربي زي البنات الصغيرات
انا: اصلا انا صغيره
مهاب بصوت واطي: صغيرونتي
انا: سن قلت وضيقت عيوني
مهاب: مقلت شي هيا اركبووو الباقي يركبو مع يوسف
ميرا: قصدكم بنركب مع البارد هدا
يوسف شافلها وقلب عيونه: نننننن اركبي وانتي ساكته ركبنا السيارات خلي نقوللكم ع التقسيمه😂
انا وايوب واساور وميمي مع مهاب السياره الاوله
مايا ومحمد والاء مع مؤيد طلعو ورانا
وصهيب ومهيب وملك
وميرا واسيل وموهيب مع يوسف
وطلعنا طبعا دايرين جو فالطريق كانه سباق واغاني وجووو نزلو ع المحلات خدو شكاليط ومشروبات وعصائر ومكسرات ولحم وشيبس وفواكه وخضراء وكملنا طريقنا شويه فات علينا مؤيد جري ونسمعو في عياط الاء
الاء: وووووه مزلت صغيييييره ووووك تعالوووولي
مؤيد: سكككككري فمك يافرخه تو نوريك كيف تبيلها راجل
الاء شافت لمايا كيف مستمتعه وجوها حلو وراكبه ورا محمد وشادين ايدين بعض ومنسجمين مع الاغنيه وناسيين انه معاهم بشر
الاء: عيييطططييي معاااي ياعنبووك تتصيعي وووووه بيقتلني وراي مستقبل مشرق كان صار منه ومصارلاش خسوف
مهاب جي جنبهم: مؤيد نقص السرعه والا سكر الرواشن الاء اسكتي
الاء: بنموووت حي عليا حي واحني ميتين ضحك علاها
انا نضحك من جدي مهاب شافلي من المرايا خدي تلفونه بعتلي مسج"محلاها ضحكتك‟
انا استكيت وسكتت مهاب تلفتلي وضحك
في سيارة يوسف
ميرا تحرق في دمها: يوسف نقص السرعه
يوسف عارف انه ميرا تخاف من السرعه وزاد السرعه اكتر
ميرا: لووو سمحت نقص السرعه
يوسف زاد سرعته
عندنا احني
مهاب: خيره هدا يجري احرف من مؤيد
ايوب: اكيد متعاندين
مهاب زاد سرعته
عند يوسف
ميرا قريب تبكي: يوسف درسلي بننزل مع صهيب
يوسف يجري ومتكلمش
اسيل: يوسف ميرو تبكي نقص السرعه هيا تخاف من السرعه
يوسف تلفتلها: تبكي علاش اهو نقصت خلاص
ميرا كشخت عليه ولبست نضاراتها وسندت راسها ع الروشن
المهم شويه ووصلنا للشاليه نزلنا وقعدنا انزلو في الحاجات الاء اول مادرس مؤيد فتحت الباب قعد تسجد قدام الناس
مؤيد: نوضي نوضي يامتخلفاء
الاء: الحمدلله ياربي يلي وصلت ع خير راكبه مع واحد فيوزاته مطربقات واحني نضحكو عليهم وخلاص المهم نزلنا الحاجات ورتبناهن
انا: شني نسخنو الحار تتغدو
مهاب: ايي لانه جعااان
اساور: تو نجي معاك
انا: تمام تعالي هي
ميراث: حتني جايه معاكم
ناضو البنات كلهم معاي للمطبخ
سخنا الغدي وتغدينا
مؤيد: شني تخشوو للبحر توا
الاء: عليك متخلف توا بتخش خلي تضربك الشمس ع راسك ماه ناقص انت من قبل عقلك بحح لين بتدروش من الشمس
مؤيد ضربها ب كركوبة الشحن: سكري فمك مفيش حد طلب رايك احتفضي بيه لروحك
صهيب: خلاص الززح تقول ضراير وانت مزال مش توا نخشو خلي للعشيه نشربو القهوه ونخشو
مؤيد: امببه
فات الوقت وجت العشيه ودرنا قهوه وشاهي ونسكافيه والاولاد رتبو الطاولات ع الشط واحني طلعنا بالسفر وماشيين للشط وفي شباب فطريقنا
طبعا كلنا لابسين بدلات سباحه
