رواية اسيهان 💗
للكاتبه🔥♥️Asma ha
الحلقه18✨🫶🏻
والله نعرف انه مقصره معش نزلتلكم بس الله غالب والله ظروف 🥺شكرا هلباااا هلبااا بنيات محلاكم احلا فانزات والله يسلموو♥️🫶🏻 نبدو الحلقه
مهاب: اعطيهالي توااا
انا: مهاب شن في تكلم
مهاب: عدي خاطب
انا: شنننني كيف صار وامتا
مهاب: امششي كلميلي اسيل مش وقت دوه توا
عند اسيل
البنت: معاي اسيل
اسيل: اي تفضلي انتي مني ومنين حصلتي رقمي
البنت: رقمك عطاهولي عدي اسمعي يابنت الناس خلي عدي في حاله
اسيل: مدخلكش انتي ومن تكوني بش تقوليلي هكي
البنت: انا خطيبته حبيبتي انتي يلي مني
اسيل: شنننييي كدااابه انتي
البنت: هدا الواقع من يومين خطبني اصلا واخدين بعض ع حب انا بنت خاله يلي يحكيلك علاها يقلبي
اسيل: مستحييييل وغماء عليها
عندي انا مشيت نجري
انا: اسيل وين
صهيب: بشويه يانم خيرك خلعتيني
انا: تييي اسيل وين تكلموو
مهيب: شن في خيرك
انا فتتهم ومشيت ندور علاها
مؤيد: انتي يافرخه خيرها اسيل انطقي
ناضو كلهم البنات والاولاد يجرو وراي ويسالو فيا خيرني انا مش مدورتهم
مهاب: بسرعه ياسونه
انا شفت اسيل طايحه: حيييي اسيييللل تعاااالو بسسسرررعه
مهاب: خيييرك شن صار
جوني يجرو: شن في انصدمو وقت شافو اسيل طايحه
موهيب: شن صار علاش هك اسيل طايحه
قدمو يرفعو فيها قاموها ودخلوها داخل للحوش
انا: مهاب اسيل سايخه في الجنان
مهاب: متخافيش حبيبي انا جي تمام
انا: تمام مهاب انا خايفه علاها
مهاب: متخافيش يعيوني وسكر الخط
انا نبكي وندعي ان شاءلله متكونش عرفت بعدين خطر في بالي تلفونها مشيت نجري تلاقيت انا وميرا ويوسف
يوسف: خيرك شن فيك
ميرا: سونه. حبيبتي شن صاير احكي
انا نهرت بكي
يوسف: اهدي شويه واحكيلي شن في تكلمي
انا؛ اسسيل
ميرا: خيرها اسيل انطقي
يوسف: سونه خيرها اسيل
انا: اغماء عليها
ميرا: من شن شن صاير
انا: حكيتلهم شن قالي مهاب
ميرا انصدمت: الحيواااان
يوسف: واسيل تندري
انا: منعرفش نبي تلفونها نبي نتاكد
خديت تلفونها والقيت رقم متصل
ميرا: شن صار
انا: منعرفش رقم متصل بيها
خش مهاب اول ماشفته مشيتله نجري حظني وقامني وانا نبكي
مهاب: خلاص حبيبي والله كل شي حيكون تمام صدقيني متبكيش بس
انا وخرت وشفتله مسح دموعي وباس عيوني الزوز
مهاب: بطلي بكي يابكايه انا معاك
انا ابتسمت
مهاب: نحبببك
يوسف: احترمنا ياباشا
مهاب شافلهم: وربي ماشفتكم
ميرا: عندك حق كيف بتشوفنا وهيا ومعاك
مهاب: باهي به تحشمو تحشمو وضحك
مايا طلعت تجري: سونه اسيل فاقت خشينا كلنا نجرو القيناهم كلهم جنبها حتي ماما ونساوين عمامي وجداي
جداي: بسم الله ع بنيتي بسم الله
ماما: خيرك يروحي احكيلي
اسيل تبكي: خلوني بروحي
مهاب: اطلعو نبي اسيل في موضوع كلهم شافوله
مهاب: هيا
صهيب: شن في
مهاب: مافي شي اطلعو بس
طلعو كلهم الا انا واسيل
مهاب شافلها: اسيل احكيلي شن صاير
اسيل تبكي وساكته حتني بكيت ع حالتها
مهاب شافلي: بتبكي بتطلعي ره
انا: خلاص معش باكيه
مهاب: اسيل شوفيلي وركزي في كل حرف نقولولك
اسيل شافتله
مهاب: الحاله يلي فيها انتي انا مريت بيها انا شفتله هوا عارف انه شفتله بس تجاهلني وكمل كلامه نعرف شن تحسي ونعرف شن صاير فيك من داخل نعرف كمية الدمار والا نهيار يلي فيها انتي ونعرف انه تقولي انه عمي هوا السبب بس صدقيني بوك يبيلك الخير هدا علاش يلي متعرفيشي انتي هوا انه عدي خاطب اسيل دموعها نزلو
اسيل: نعرف هيا اتصلت بيا وخبرتني قتلي انه كانت في علاقه معاه ونعرف انه خطبها كان ديما يحكيلي علاها متوقعتش انه يعلب عليا علاش بس انا شن درتله قولي مهاب علاش
مهاب: اسسسس وراس وخيتي ميصلح بيك كان يصلح بيك ره ربي كتبهولك قلت الكلام هدا قبلك بس شوفي ربي كيف عوضني باحلا شي وربي نبيع روحي عشانها اقسم بالله اختك خلتني ننساء انه حبيت قبلها صدقيني الدنيا متوقفش ع حد ره ومدامه ربي عارف انه الحاجه هادي معندناش فيها نصيب والله ماناخدوها الله وربي عارف انه ميصلحوش بينا صدقيني ربي بيعطيك الاحسن امسحي دموعك وربي ميستاهلهم انا مع كل حرف قاله نحبه اكتر هوا ينصح فيها كانه اخته بنته مش بنت عمه
عند البنات
ميرا حكتلهم يلي قلتهولها
مايا: وانتي من قالك
ميرا: سونه قتلي
ميراث: وانتي وين كنتي
ميرا: كنت ورا حوش جدي
الاء: شن اديري
ميرا ارتبكت: شي شن بندير يعني
مايا شافتلها وسكتت
ميرا سكتت وتدكرت يلي صار فلاااش بااك نرجعو شويه
ميرا تم هي اعطيني رقمها
يوسف: **0928
ميرا شافتله بصدمه: خيرك تخرط انت
يوسف ضحك: وحياتك مانخرط متاكد منه الرقم اكثر من متاكد من روحي
ميرا: بس هدا رقمي
يوسف شافلها: اي رقمك علاش تعاملي فيا هك شن صار علاش اديري هكي
