رواية اسيهان💗
للكاتبه♥️🔥Asma ha
الحلقهه15✨
طبعا معش كتبت عشان التفاعل والايام الجايه عندي ظروف اسفه شحورتكم بس والله غصب عني💔 نبدوو
مهاب: محمد بتريس نبي نخطبها منك
محمد: كييف
كلهم مصدومين كيف هك وامتا صار
مهاب: شن كيف زي ماسمعت اني نبيها واموري تمام حوشي واتي
الكل لحظة صمت مؤيد كسر الصمت وتكلم
مؤيد: كيف هك معناها في شي صاير
يوسف يشوف لمهاب وبس
مهاب: مفيش شي ويلي منرضاشي لخواتي منرضاشي ليها وانا نبيها حلال ومرتي مغلطش
محمد فاتهم وجي وقف قدامي: ادوي انتي انا مصدقك احكي شن صاير
انا حطيت راسي لوطه وسكتت
محمد رفعلي راسي: احكي
انا: والله ماصارت حاجه اقسم بالله مصارت حاجه
صهيب: مهاب تعالا معاي فهمني
يوسف: استنا وين ماشيين
صهيب: بنفهم شن صاير
بوسف: انا نحكيلكم شن صاير
كلنا شفناله
مهيب: احكي
يوسف: مفيش ايي علاقه بيه وبينها اقسم بالله لاكن صح ايحبها والحب مش عيب ولاحرام هوا جي وحكي وطلبها منك يامحمد بالحلال مكلمهاش من وراكم وعطاه شبحه خلت محمد ايوخر زوز ميترو
ملك قدمت خدتني من يدي وركبتني فوق هيا والبنات
والشباب مع مهاب لوطا
الاء: احكي شن صاير لانه انا بروحي مفهمتش كيف صار هكي
مايا: من امتا ولا داسه علينا متبيش تحكي
ميراث: من امتا ندسو ع بعضنا احني
ميرا: غراميات وحب وخطوبه من ورانا
ملك: ع الاقل مفروض قلتيلي انا
اساور&اسيل: تي احني خواتك ياكلبه
انا واقفه نشوفلهم وهما يتكلمو مع بعض في وقت واحد: اسكتووووو ولااااااا حرف ولا حرف نحكيلكم شن صار من البدايه
حكيتلهم شن صار
ميرا: الحيوااان خوي طلع رومنسي حليلي
البنات: ميطلللع منه هالمهاب
الاء دايبه: يحليلي محلاكم وينفتح الباب بقوه والاء تجي متنطره في اخر الدار
مؤيد: سونه انزلي يبيك صهيب
الاء: ان شاءلله تتكسر يامؤيد ياحيوان خلعتني
مؤيد: ضمي فمك احسنلك ره متخلفه
ناضتله زي المصريات تشالي وتلالي بيديها؛ انتتتت المتخلف برا شوف روحك دماغك ميتين فيه 3حمير ياحمار(حشاكم)
مؤيد: انتي الحماره شدلها شعرها هوا اطول منها
الاء تعيط زي العنزه😂😂: اطللللق ياحيوان شعري انا نعالج فيه وانت تقطع فيه يا ايوووووب وووه تعالوله
مؤيد ميت ضحك
الاء نتشاته فيده
مؤيد اطللللقيي ياكلبه ياعو عو اطللقيييي رفعتيها اللحمه يامفترسه حووولي
والاء تاشر ع شعرها بمنعى اطلقني وتزيد تضغط في سنونها ع يده
مؤيد طلق شعرها اهو طلقته ميت عليه اطلقي ياحماره
الاء طلقاته وهربت ل ايوب ومؤيد وراها
الاء: وووه دووونكم ليا بيقتلني المتخلف هدا
مؤيد يتحلف فيها: تو نوريك يدي لين دم ياحيوانه
موهيب: خيييركم
مؤيد وراهم. يده: شوفو
الشباب: من شنووو
مؤيد؛ من الكلبه هادي
الاء: من قالك شد شعري تستاهل
مؤيد قدم بيضربها لبدت ورا صهيب
صهيب: خلاص والله ماك ماسها خلاص مش قلتلك نادي اختك
خشيت عليهم انا: جيتكم
صهيب: اهلين تعالي
انا قدمت وخايفه شفت لمهاب عطاني شبحه بمعنى انا معاك ابتسمت: نعم
صهيب: تعالي نطلعو برا روحنا
محمد: صهيب بلا معيله
صهيب: ضم فمك خلاص مش تفاهمتو انا بنكلم بنت خوي وانت معش تشوفلي هكي
مهاب ضحك وفاته
طلعت انا وصهيب
صهيب: احكيلي
انا: شن بنحكيلك
صهيب: كيف صار هكي مع انه متاكد انه مفيش علاقه بينك وبينه
انا: صهيب
صهيب شافلي
انا: انا نحبه من وقت كنت صغيره لليوم حبه كل يوم يكبر والله مافكرت نشوف لغيره بلعكس نشوف فيه هوا وبس
صهيب: يعيني يعيني كملي كملي
انا: خلاص اليوم حكينا مع بعض وحتي هوا يحبني وقرر يخطبني طول
صهيب ضحك: كبرتو ياكلاب
مهاب ضرب صهيب ع رقبته؛ غر كان تسكر فمك انا اكبر منك راهو
صهيب شافلي: كيف بتعيشي معاه المتوحش هدا
مهاب رقصله حواجبه: تحسابني بنعاملها زيكم تي كبيدتي هادي ره
انا وجهي احمر وفنصت فيه
صهيب عيط: وووه ع امك ياصهيب يناري عليا
مهاب: تي ضم فمك ياكلب وهيا خشو وقت تمرقدو
خشينا القيناهم كلهم فالمطبخ ياكلو كلينا معاهم وركبنا رقدنا
تسريع الاحداث جي تاني يوم ونفس الجو اساور متجاهله ايوب وايوب بيهبل ومؤيد والاء كل دقيه عراك محمد ومايا جوهم عسل وميرا قررت تستحقر يوسف يلي بيموت ويعرف خيرها واسيل وعدي جوهم عسل ومهيب وموهيب وصهيب فوتو وقتهم وهما ينابشو فالبنات وملك كلمها ميسرا لو تتفكرو صاحب مهاب متاع الشليهات وميراث وعبدو بيهبلو في بعض فات اليوم بتفاصيله وقررنا نروحو
انا وميمي وميرا ويوسف مع مهاب
صهيب ومهيب وموهيب وملك
ومؤيد حلف الا تركب الا معاه ومحمد ومايا
وايوب واسيل وساور
المهم كلنا ركبنا وطلعنا طبعا منحكيلكم ع العار يلي داروه مؤيد والاء فالطريق وصلنا حوش جدي ضمينا والاولاد جابو غدي تغدينا وخشينا رقدنا
روحو من العزي فالعشيه
