سيف : مابي اقولج لانه عرفت بوقتها انتي مب جي ابدا ، من هاك اليوم وانا ماقطعت تواصلي معاج ابدا ، كنت دووم اراقبج واعرفج متى تطلعين من البيت ومتى تدخلين وحتى دوامج عرفته
سلامه : ليش طلقت حمده؟
سيف : لانه ما اعتبر عمري متزوجنها ، هي بغرفه وانا بغرفه ، مابي اظلمها معاي ، قلتلها بننفصل ما عارضتني ابدا بس شرطت انه العيال يتمون عندها ، ف انا راضي انه يكونون معاها واشوفهم متى مابغيت
سلامه : بس قلت لي انه اخوها يارك ، كيف ترضى انك تسكني حذاله !
سيف : لا وين طلع من البيت من زمان والبيت الحين اشتروه ناس وبينتقلون قريب
سلامه : زين ريحتني دام اخوها انتقل من هني ، وحمده راضيه بطلاقها منك انا الحين شبه مرتاحه
سيف : بتمين معاي؟ ولا بترجعين عند اهلج؟
سلامه : بتم مابي عرس ولا شي خلاص ، اصلا كرهت شي اسمه عرس ، بعدين انت كيف اقنعت اهلك انك تتزوجني؟
سيف : كنت دوم اطريج عند امي واسولف عنج لين حبتج و راويتها صورتج ، قلتلها انا بطلق حمده وباخذها ، كانت رافضه عقبها رضت يوم قطعتهم
سلامه : وابوك؟
سيف : كان معاند بس عقبها امي قنعته و رضى ، وانا اللي قلت لها تروح عرس اختج عسب تخطبج من امج لي
سلامه : وليش ماكلمتني؟
سيف : مالي ويه بس الحمدلله الحين انتي معاي ، راضيه علي ولا بعدج معصبه وكارهتني؟
سلامه : لا خلاص رضيت علييك عقب اللي سويته عشاني
سيف قرب منها وباسها ع يبهتها : والله اني احبج سلامه ، ومانسيتج ولا يوم
سلامه : ع اساس انا اللي نسيتك؟ حتى انا مانسيتك كنت دوم ف بالي ، وكنت مرات اصيح ليش جي سويت فيني ، كيف كنت اثق فيك وانت خذلتني مب مره ، مرتين خذلتني فيها
سيف : بس صححت غلطتي
سلامه : صحصحتها عقب شو؟ يوم بديت اكرهك و اكرهه عمري؟
سيف : انا اسف ظلمتج واييد بس اوعدج ما ازعلج ولا اخذلج طوول عمري ، اللي تبينه بسووويه لج
سلامه : نفسيتي تعبانه ابي اسافر
سيف : تامريين كم سلامه عندي؟ وحده ومابردج تامريني انتي والله
سلامه حضنته ، سيف بادلها ، بعدت عنه
سلامه : اوعدني ماتخذلني مره ثانيه لانه صدق تعبت
سيف : اوعدج اللي صار كان درس وانا ماقدرت ع فراقج
سلامه : ولا انا والله "بتردد" احـبـك
قرصها ع خدها : وانا احببج
النهايه.
