سيف : بتين معاي وانتي ساكته
سلامه : انت مب صاحي كيف جي تسحبني من بيتنا ! هدني مب غصب ترا ايي معاك "سحبت ايدها وابتعدت عنه" روح من هني شو تبا مني اكثثر؟ انا نسيتك وبديت حياه يديده بدونك ليش بعدك تلاحقني سيير لعند حرمتك وعيالك شو تبا فيني؟ كنت تقولي سهله وانا ماحب البنت اللي شراتج؟ شو اللي ردك لي؟ رووح من هني
سيف : سلامه ،، بعدل كل شي صار وبنتزوج
سلامه : ههههههههه لو تكون اخر ريال بالدنيا ما اثق فييك ولا اتزوجك ، صدقتك مره ومب مستعده اصدقك بعد مره
سيف : بس هالمره انا جاد
سلامه : سيف روح من هني مستحيل اصدقك ادري راجع تتسلى فيني فتره وبعدها بتسوي فيني مثل اخر مره مب مستعده اخليك ترد تلعب بمشاعري "دزته" رووح من بيتنا
راحت عنه ودخلت بيتهم
ام سلامه : منو هذا اللي كنتي واقفه معاه؟ وليش كان ماسك ايدج؟ وليش دزتييه؟
سلامه : سيف
ام سلامه باستغراب : سيف ! نفس اللي يا خطبج ورد؟
سلامه : هيه هو نفسه
ام سلامه : شو اللي رده الحين اخر الليل؟
سلامه : ماعرف ومب هامني بس سفلت فييه وماراح يرجع مره ثانيه
سلامه راحت غرفتها بدلت لبسها ومسحت الميكب دخلت تسبح ، بعدها طلعت عقت عمرها ع السرير ، شافت مكالمة سيف ورسايله ، حطت تلفونها ع السايلنت ورقدت ، صوب الريم وحمد بالفندق
