الريم : ان شاء الله لبعيد "يتها رساله منه" ويه كلمني يلا يلا جلبي ويهج
سلامه : تعالي قعدي حذالي ابا اعرف شو يقولج
الريم : عن اللقافه الزايده يلا
طلعت عنها دخلت الغرفه عند راويه قعدت عالسرير
راويه : لا تسوين لي ازعاج عندي دوام الصبح
الريم : رقدي متى سويت لج انا ازعاج؟
راويه طنشتها وكتبت لحمد
حمد : شو قاعده تسوين؟
الريم : ماشي بالغرفه يالسه
حمد : خليني ادق واسولف معاج
الريم : احس ماله داعي خلنا جي احسن
حمد : مابي ابي ارقد ع صوتج يلا بلاج انتي
الريم : اوك
شوي ودقلها ردت عليه وهي منخشه تحت اللحاف
حمد : الوو؟ شخبارج
الريم بصوت خفيف: بخير وانت
حمد: هههههه بلاج جي تتكلمين كانج مخنوقه
الريم: اختي راقده ماقدر اكلمك
حمد: اها يعني بتعصب عليج لو سمعت حسج
الريم: هي عندها دوام الصبح
حمد : ايوا وانتي شو عندج الصبح؟
الريم : اممم ولا شي
حمد : شرايج باجر بوقت البريك اللي عندي اطلع اتريق فيه معاج
الريم : باجر !
حمد: هيه بلاج احسج انصدمتي
الريم : لا مانصدمت بس ماتعودت اقوم الصبح من جي
حمد : لالا انا ابيج تقومين عشان تتريقين معاي
الريم : ع حسب اذا نشيت
حمد : مب على كيفج بقومج انا
الريم : انزين واذا قمت ومالقيت سياره عندي كييف ايي لعندك؟
حمد : مايبيلها انا بمرلج
الريم : لا شوو تمرلي البيت ، بيتنا في كاميرات
حمد: يعني دبريها انتي ابي اتريق معاج مليت وانا كل يوم مجابل ربيعي واتريق معاه ، تعالي انتي ع الاقل يوم واحد اكسري هالروتين الممل واطلعي معاي ساعه نتريق وعقبها ردي
الريم : احس خلني افكر
حمد : مابيج تفكرين يلا اترياج باجر اكيد؟
الريم من ورا خاطرها : انزين
حمد : شو انزين جي؟
الريم : خلاص اوك
حمد : احسج مجبوره
الريم : لالا بس لانه مب متعوده ع نشة الصبح وانت بتخرب علي رقادي عسب جي رديت عليك
حمد : يوم واحد
الريم : خلاص اوك
حمد : شرايج نفتح الكام ونكمل سوالف؟
الريم : ههههههه اكيييد لا ! بعدين انا عندي ظلام لانه وقت الرقاد مبندين الليت
حمد : عادي بشوف كشتج
الريم : لا حمد مابي
حمد : انزين انا بفتح بس اوك؟
الريم : اذا جي عادي يلا افتح
