سيف : عشان تعرفين اني شاريج هاي الاربعين عندي ولا شي
سلامه : دامها ولا شي زيدها عيل
سيف : لالا خليها جي حلووه مب زين الطمع يلا
سلامه : يلا اوك راضيه فيهم ، احسك حنون عندك بنت؟
سيف : هيه بنتين و ولد يبالي يوم اجمعج معاهم شوفي يوم يناسبج
سلامه : الله يعين الصراحه ماحب اليهال انا
سيف : لالا ان شاء الله بتحبين عيالي ، عيالي غير مب شرات اي يهال
سلامه : ان شاء الله يكونون صدق غير "اثاوبت" برقد سيف
سيف : فهمت يعني ردني يلا ، وين بيتكم دليني
سلامه دلته وين بيتهم ، وصلوا قريب بيتهم
سلامه : بس بس وقف هني لا تقرب بيتنا في كاميرات ، ان شاء الله محد يشوفني وانا داخله هالوقت
سيف : يلا زين درب السلامه تحملي
سلامه : تمام
نزلت عنه راحت ودخلت لبيتهم ، دخلت الغرفه بدلت عالسريع وقعدت عالسرير مستانسه بالبيزات اللي طرشها سيف ، وقاعده تفكر بشو تصرفها ، بعد يوم ع العصر
سلامه : انا اليوم عازمتنكم قوموا خ نطلع
الريم : مب طالعه معاج عقب حركاتج الامسيه
سلامه : ترا انا المفروض اللي ازعل منج مب انتي
راويه : شو صاير من بينكم؟
سلامه : هي امس نزلتني بالشارع ولا حتى سالت عني
راويه : بالشارع !! كيف تنزلين اختج انتي بالشارع صاحيه انتي ولا كيف؟
الريم : صاحيه بس اختج تفشل
سلامه : الله يخليج انتي اللي ما تفشلين الحين
راويه : انزين خلاص عقوا كل شي ورا ظهركم نحن عيال اليوم ، دام قالت سلامه بطلعنا عازمتنا خلنا نطلع ونشوف عزيمتها ، ريم لا تطوفينها يلا قومي
الريم : اوك بقوم عشانج بس
سلامه : اشوف ماريه و منال لو بيون معانا؟
راويه : شوفيهم
سلامه : اوك بدقلهم
