ماريه: اها وانتي للحين ماعرفتيه عدل؟
سلامه : هيه بتكلمينه عشاني صح؟
ماريه : اوك
سلامه : فديتج والله ادري فيج ماترديني بطرشلج رقمه دقيله وقولي بالغلط وعقبها شوفي شو يقولج
ماريه : تمام طرشي
سلامه : عن انسى ترا عنده محل ذهب قوليله انه في خاطرج واذا تعرف لمحي له جي
ماريه : بس زين
سلامه بندت عنها وطرتشلها رقم سيف ، صوب ماريه دقت لسيف ، سيف شاف رقم غريب طنش مارد عليها ، ماريه كتبت لسلامه
ماريه : اتصلت مارد ، باجر برد اتصل فيه
سلامه : تمام
ع العصر صوب سيف ياه اتصال من ماريه كذا مره ، رد عليها
ماريه : الوو السلام عليكم
سيف : وعليكم السلام مرحب منو معاي؟
ماريه : اممم هذا مب رقم علايه؟
سيف : لا سيف
ماريه : اووه ع بالي ربيعتي سبحان الله عيل انتو نفس الرقم
سيف : كيف نفس الرقم قصدج تشابه
ماريه : هيه هذا مقصدي
سيف : ايوا اوك يلا عيل
ماريه قاطعته : وين كنت ابي اسالك اذا عندك معلومه اليوم الذهب نازل ولا مرتفع؟ ودي ابيع
سيف : تريي شهر بيرتفع اكثر
ماريه : ماشاء الله عندك خبره
سيف : هيه اذا ودج اتيين عندنا المحل حياج عندي محل ذهب
ماريه : صدق ! حلو وين ودي ايي واشوف
سيف قالها وين
ماريه : انت بتكون موجود؟
سيف : لاوالله
ماريه : متى بتكون موجود؟
سيف : ليش وجودي هامنج وايد؟
ماريه : طبعا اكييد يهمني
سيف : اوك اليوم ع الساعه 9 بكون موجود
ماريه : عيل تسع انا بي
سيف : حياج الله
