غرام: لا من قال
ام غرام: يمه غرام ادري انك تحبينه دايم أشوف اللمعه في عيونك يوم نجيب طاريه او تشوفينه ومرات أشوفك في السطح معه
غرام سكتت لئن ماعرفت وش تقول ل امها
ام غرام: اهم شي ابوك لايدري تعرفين ابوك
بعد ساعه كانت غرام جالسه مع امها و اختها جالسين يسولفون وبعدها دق الباب
قبل ساعه في بيت ابو سلطان
سلطان: يمه حطي لي في قدر صغير من الغدا
ام سلطان: ليه يمه
الهنوف عرفت ان اخوها يبي يوديه ل بيت ابو غرام ومسكت ضحكتها عشان امها ماتشوفها
سلطان: بتغدا برا مع فهد
ام سلطان: طيب عطني القدر
نرجع ل بيت ابو غرام
فتحت غرام الباب وشافت سلطان واستغربت
غرام: سلطان وش بغيت
سلطان: هاذا غدا من عند امي
غرام: ماقصرت
عطاء القدر غرام وهو مفتون في عيونها الوساع و شعرها الطويل
سلطان: يارب متى تكون من نصيبي
كان وراه فهد اخو غرام
فهد: مين الي تكون من نصيبك
سلطان: وجع خوفتني
فهد قعد يضحك. عليه وقال له: امش بس عندي لك مكان يحبه قلبك
راحو فهد وسلطان ل السوق يشترون اغراض وبعدها رجعو البيت
ام سلطان: يمه تعال تعشى
سلطان: لا يمه مو مشتهي
وراح سلطان ل السطح عشان يشوف حبيبة القلب
سلطان قعد ينتظرها و ماجت وقعد يدندن ب العود لين سمع صوتها واهي تغني وابتسم وراح عندها
سلطان: يالبى ذا الصوت
غرام استحت وقالت: شكرا
قعد سلطان يتغزل ف غرام و غرام ماتحملت كلامه المعسول وقالت
غرام: سلطاني حبيبي تدري اني ماحب الكلام الحلو
سلطان تلخبطت مشاعره لئن غرام قالت له سلطاني و حبيبي وقال
سلطان: عيدي عيدي ماسمعت
غرام انصدمت: وش قلت
سلطان: أنا حبيبك؟
غرام استوعبت الي قالته وصار خدها احمر من الحيا
سلطان: يلبى الي يستحون أنا
غرام: سلطان خلاص ترا بنزل
سلطان سكت عشان مايبيها تروح وقعدو يسولفون لين برد الجو
سلطان: نور عيني الجو صار بارد انزلي تحت
غرام: تمام
وقبل لاتنزل غرام مسكت يد سلطان وقالت
غرام: يدك بارده تدفى زين
ودعت سلطان ونزلت تحت وراحت نامت
سلطان انصدم ان غرام الخجوله تمسك يده وراح ينام
.....
