البارت بيكون شوي طويل و احداثه اغلبها عن موضي وفهد
كانت غرام وهيام جالسين ب العرس وقالت هيام عقبالك يا غرام
غرام ابتسمت وقالت: الله يسمع منك يارب
مر اسبوع ورجعو الرياض وسلطان كله شوق يشوف غرام
فهد كان ينزل الأغراض ويدخلها شاف موضي طالعه و واقفه عند الباب استغرب وفجأه نادت فهد وراح لها وقال
فهد: سمي
موضي: فهد ترا شفت رسالتك يوم قلت بتسافر والصراحه حسيت ان في مشاعر اتجاهك وصليت الاستخاره و ارتحت فا أنا موافقه تقدر تجي تخطب
فهد ماصدق راح ركض ل امه قعد يصارخ ب البيت ينادي امه
فهد يصارخ : يمه يمه
امه انخرشت وقالت: وش فيك يمه أنا في الغرفه
راح عندها فهد واهو مستانس طاير من الفرحه: يمه يمه ابي اتزوج
امه فرحت: ما شاء الله مين بنته
فهد: بنت جيرانا موضي يمه
ام فهد: والله ونعم يمه خلاص بنخطبها لك بس مو الحين
فهد: لا يمه الحين الحين وين عبايتك
ام فهد: فهد يمه لاتصير مطفوق خلاص يومين و نروح
فهد: طيب عادي بكرا وش يصبرني يومين
ام فهد: فهد خلاص
فهد: يمه
ام فهد: فهد انقلع ولا اكنسل
فهد: لا خلاص
طلع فهد من عند امه وطلع ل الشارع يبي يشوف موضي
عند سلطان وغرام
غرام: سلطان ترا وضعنا مو عاجبني
سلطان: شلون مو عاجبك؟
غرام: يعني ياقلبي ليه دايم نتقابل ب السطح ليه ماتجي تخطبني
سلطان: انتي عارفه يا غرام اني ما اشتغل وين اصرف عليك
غرام: اشتغل عند ابوي طيب
سلطان: لا وين مستحيل
غرام: ليه مستحيل ماتبي تضحي ل حبنا
تركت يد سلطان ونزلت تحت وكان سلطان يناديها بس مطنشه
سلطان ضرب نفسه عشانه زعلها وقرر يشتغل عشانها وراح يدور في الأسواق لين لقى شغله وصار يشتغل ليل ونهار ويدخر فلوس عشان مهر غرام
غرام كانت فاقده سلطان عشان ماصارت تشوفه
في يوم كانت غرام جالسه في الصاله تهوجس في سلطان
هيام: غرام يا غرام
غرام مو حول هيام
هيام ضربت غرام مع يدها وقالت: وش فيك
غرام: سلطان
هيام: وش فيه
غرام: متغير علي ماصار يكلمني او نتقابل
هيام: وش مسويه انتي طيب
غرام: ماسويت شي
هيام: لا والله
غرام: خلاص يا هيام
عند فهد كان يتمشى في الشارع وشاف موضي طالعه وراح عندها وقال
فهد: سلام موضي
موضي: وعليكم السلام هلا فهد
كانت موضي مبينه نص وجها وفهد شافها وغار عليها
فهد: غطي وجهك موضي
موضي: ليش؟
فهد: ماتشوفين العيال الي يمشون
موضي ضحكت وقالت: تغار
فهد تخرفن وقال: ها اكيد اغار
موضي: حاضر من عيوني
وغطت وجها وصار يمشي مع موضي شوي وساعدها ب أغراضها و رجعها البيت موضي دخلت الأغراض وراحت عند فهد كان فهد واقف عند الباب
موضي: اسفه تعبتك معي
فهد: شدعوه ياموضي
ابتسمت له موضي وبعدها ودعت ودخلت وفهد دايخ خلاص حتى مايدري وين بيتهم
فليل كانت غرام ب السطح ترتب وشافت سلطان راجع بيدخل ينام ونادته وقالت
غرام: سلطان وش فيك تبعد عني وماتكلمني
سلطان: غرامي حبيبتي من قال اني ابعد عنك
غرام: اجل وش فيك ماتكلمني
سلطان: بعدين تعرفين
غرام: لا والله قول قول
سلطان: يليل طيب اسمعي
أنا صرت اشتغل عشان كذا ما اقابلك كثير وتبين الصدق الكلمه الي قلتيها لي حزت بخاطري عشان كذا اشتغلت
غرام فرحت من كلامه لئن اخيرا بيتزوجون
كانت موضي قاعده في البيت تفكر ب فهد متى يجي يخطبها او اهو يلعب عليها وفجاة طق الباب وفتحت الباب وكان فهد ابتسمت موضي وقالت: هلا فهد
فهد : احبك
موضي ضحكت وقالت: وش فيك لو احد شافك
فهد: والله احبك شسوي ابي اقابلك كل يوم بس مو زين يمكن احد يشوفنا
موضي: طيب اسمع في بيت ورانا سطحهم جنب سطحنا تبي تقابلني تعال هناك وبنشوف بعض
فهد ماصدق خبر وقال لها : اجل تعالي السطح
موضي ضحكت: مو الحين طيب
فهد: ياربي
موضي ابتسمت: خلاص تعال السطح انتظرك
راح فهد البيت كان مهجور مافي احد وراح ل السطح وشاف موضي
فهد: يامرحبا
موضي كانت مستحيه: هلا فهد
فهد مو مصدق كان يسولف و موضي تسمع وبعدها ام موضي نادتها وقبل لا تنزل عطت فهد بوسه مع خده ونزلت وخلت فهد منصدم
........
