سلطان اشتاق ل غرام ومايدري وش زعلها وراح عند اخته الهنوف
سلطان: الهنوف اختي حبيبتي
الهنوف: مصلحه صح
سلطان: وش دراك
الهنوف: اعرفك قول قول
سلطان: انتي تعرفين اني احب غرام وغرام زعلانه مني واخاف تروح القصيم وهي زعلانه
الهنوف: و المطلوب مني؟
سلطان: تروحين بيتهم وتعرفين ليه زعلانه وخليها تجي السطح أنا اعرف أراضيها
وافقت الهنوف واليوم الثاني راحت عند غرام
نروح شوي عند فهد
فهد صار يحب موضي ويبي يخطبها وصارت الفرصه شاف فهد موضي طالعه كلعاده وراح كلمها
فهد: سلام عليكم
موضي: وعليكم السلام
فهد: موضي مدري وش اقول لك صراحه بس أنا أحبك وانا اوعدك اني أطق باب بيتكم بس أنا جاي أشوف رأيك واذا ماتبيني قولي عادي
خلص فهد كلامه وصار لحظه صمت شوي وردت عليه موضي
موضي: والله مدري يافهد وش اقول بس خلني افكر وارد لك
راح فهد من عند موضي واهو يفكر إذا بترفضه او لا
نرجع ل الهنوف وغرام
غرام: هلا الهنوف مابغيتي تجين عندنا
الهنوف: هلابك تعرفين البيت خليها على الله
غرام: امري وش بغيتي
الهنوف: جيتك عشان سلطان
غرام سكتت ومسكت الهنوف يد غرام وقالت: غرام اخوي يحبك لاتشوفين حالته في البيت والله جالس ب السطح ماينزل كله عشانك و هو مايدري وش غير حالك وزعلتي عليه
غرام: طيـ..
الهنوف: لاتتكلمين يا غرام ادري بتطلعين عيوب وتتحلطمين بس ترا قال سلطان انه يبيك ب السطح
غرام خذت نفس وقالت: تمام بس خليه يكون ب السطح الساعه9 بليل
الهنوف: ابشري
طلعت الهنوف من عند غرام وراحت تبشر اخوها كان سلطان قاعد مع ابوه
الهنوف: سلام يبه
ابو سلطان: وعليكم السلام وين كنتي
الهنوف: عند غرام
ابوسلطان: اها
الهنوف: سلطان تعال أبغاك شوي
راح سلطان مع اخته ل المجلس وقالت
الهنوف: غرام واضح شايله ب قلبها عليك وقلت لها تقابلك ب السطح بس تقول بتكون ب السطح الساعه 9 بليل
سلطان من الوناسه حضن اخته
سلطان: مدري شلون أشكرك
طلع سلطان من البيت يركض مايدري وين يروح
جات الساعه 9
كان سلطان ينتظر غرام وجات غرام ابتسم سلطان وراح عندها
سلطان: اشتقت لك
ماتكلمت غرام
مسك سلطان يدها وقال: وش فيك وش مزعلك ياروح سلطان
غرام: تذكر يوم كنت تضحك مع العنود عند البقاله كنت طالعه اجيب شي ل البيت وشفتك معها وغرت مره عشان كذا تضايقت منك
ابتسم سلطان و اول مرا يسويها باس راس غرام وقال: انتي الوحيده بقلبي لو غيرك كثير مابي إلا انتي
.......
