طاحت غرام على يدها وانكسرت يدها وغرام تصرخ من الوجع و ودوها المستشفى جبرو او جبسو يدها وطلعت من المستشفى
في البيت
ام غرام: أنا بروح انام لاتسون ازعاج
غرام: هيام تكفين لاتقولين ل سلطان ان يدي انكسرت
هيام: ليه
غرام: أنا اعرف سلطان خواف والله يرجع على اول طايره
هيام: تمام
بعد اسبوع سلطان استغرب ليه غرام تتهرب منه و ماتبي تكلمه ودق عليهم يبي يكلمها
هيام: الو
سلطان: هلا هيام غرام عندك
هيام تناظر ب غرام وتقولها انه سلطان وغرام تقولها لا مابي اكلمه
هيام: غرام نايمه
سلطان: مستحيل نايمه يا هيام اسألك بالله وش صاير
هيام: تبي الصدق غرام يدها مكسوره ماتبي تكلمك عشان ذا السبب
على طول هيام سكرت السماعه
غرام: حيوانه انتي ليه قلتي له
هيام: زل لساني وش اسوي
عند سلطان
سلطان كان خايف على غرام و زعل منها عشان ماقالت له وسلطان مايقدر يرجع إلا ومعه مهر غرام
تمر الايام والشهور والسنين جاء اليوم الي يرجع فيه سلطان من السفر وكان كله شوق عشان يشوف معشوقته مرت ثلاث سنين و ماشافها
رجع من السفر واستقبلوه اهله ب الأحضان
الهنوف : مادريت ياخوي
سلطان خاف شوي يحسب ان غرام تزوجت: لا مادريت وش السالفه
الهنوف: فهد زوجته ولدت وجابت له بنيه وسماها منيره
سلطان: ما شاء الله كم عمرها
الهنوف: شهر تقريبا
سلطان راح يزور فهد ويتطمن عليه طق الباب ويوم شافه فهد حضنه وقال هلا ب عضيدي يامرحبا
رحب فيه وجلس ب المجلس
سلطان: والله توني راجع من السفر وسمعت ان الله رزقك ب بنت ربي يخليها لك ويرزقك برها يارب جيت اتطمن عليك
راح فهد يجيب بنته ل سلطان يشوفها
سلطان: ما شاء الله إلا اقولك تراها ماتشبهك
فهد يضحك ويقول: تشبه امها
سلطان بينه وبين نفسه والله تشبه غرام
قعد شوي وبعدها طلع وراح السطح يبي يشوف غرام
نرجع شوي عند غرام وهيام
هيام تصرخ: غرام غرام ماسمعتي
غرام: بسم الله وش فيه
هيام: سلطان رجع من السفر
غرام شهقت : كذابه
هيام: والله
راحت غرام تركض ل السطح
كانت في ذيك الفتره يجون ل غرام خطاب بس اهي ترفضهم ماتبي إلا سلطان
نرجع ل سلطان في السطح شاف غرام وراح حضنها حضن طويل
سلطان: ياكثر الشوق ياغرامي
غرام: انا اكثر مشتاقه لك ياعيوني
سلطان: اي صح اي وحده يدك المكسوره اليمين او اليسار
غرام ضحكت وقالت: يوه سلطان يدي مكسوره صار لها ثلاث سنين وللحين تتذكر
سلطان: لاتشوفين حالتي اول ماسمعت الخبر من اختك
غرام: ياحبيبي انت شوف المكسوره هي يدي اليسار
مسك يدها اليسار وطبطب عليها وباسها وقال: آخر الأوجاع يروحي
سلطان طلع الفلوس وقال ل غرام تدرين هاذي وش
غرام استغربت: وش
سلطان : مهرك
غرام ماتكلمت
سلطان: اليوم بجي اخطب يروحي جهزي نفسك وراح سلطان وترك غرام منصدمه
.......
