نزلت غرام راسها بكت وسلطان ما انتبه لين نزلت دمعت غرام على يده ورفع راسها وقال
سلطان: لاتبكين ياقلب سلطان
سلطان ماتحمل ونط عند سطهم وحضن غرام حضن طويل وغرام هدت وحست ب الأمان بحضنه بعدها تركو بعض وقال
سلطان: اموت فلي يغارون
غرام ابتسمت وقالت: تراك حبيبي اكيد بغار
قعدو يسولفون شوي وبعدها قال سلطان
سلطان: غرامي متى بتروحين القصيم
غرام: بكرا ان شاء الله
سلطان: بشتاق لك
سلطان ودع غرام ويبي يروح ينام مسكت يده غرام وقالت
غرام : احبك
ابتسم سلطان وماتكلم لئن يعرف لو تكلم ماراح يسكت
الصباح عند سلطان وغرام
غرام: ودعتك الله يانور عيني
سلطان مسك يدها وباسها وقال: استودعتك الله توصلون بالسلامه
عند فهد
فهد كان زعلان عشان بيفقد موضي وراح عند بيت موضي وحط لها رساله عند الباب وراح وقال ودعتك الله
عند فهد و سلطان
فهد: ترانا محركين ل القصيم الحين
سلطان: بدري ترا الحين الساعه6 الصباح
فهد قعد يتكلم وسلطان انتبه ل غرام طالعه تركب السياره وقعد يتأملها
وغرام استحت وصدت عنه
هيام تضحك وتقول: شوفي شلون يناظرك
غرام كانت مستحيه: هيام اسكتي خلاص
هيام غمزت وقالت: الحب الحب
غرام ضربت هيام مع يدها وقالت: اسكتي وجع
حركو وراحو القصيم وسلطان كان يهوجس ب حبيبة القلب ويغني ويقول: تصدق ولا احلف لك عجزت بلساني اوصف لك اهخخ ياغرام قلبي
نفس الكلام عند فهد كان مو مهتم ل العرس وكان يهوجس
هيام: غرام تعالي نشوف فهد احس فيه شي
راحو عند فهد وقالو وش فيك متغير وشالي غير حالك وقال فهد
فهد: انتم خواتي وتكتمون السر صح
كلهم قالو : صح
و قال فهد لاتعلمون احد وحلفو له ان مايعلمون امهم و ابوهم وقال فهد انه حب موضي وعشقها ويبيها ب الحلال وقال انه كلمها وينتظر الرد منها عشان يخطب
خواته انصدمو ان فهد الي ماعنده قلب يحب وقالو له
ان موضي سنعه ويمدحون فيها وقالت غرام
غرام: وبعدين امي تحب موضي و تحترم امها اكيد بتوافق عليها
فهد: الله يسمع منك
عند موضي
نتعرف على موضي شوي
موضي عمرها 18 تعيش مع امها وأبوها
طلعت موضي من البيت وشافت الرساله وخذتها ورجعت البيت تشوف وش ذي وفتحتها وكان مكتوب
السلام عليكم
موضي أنا مسافر اسبوع ل القصيم جيت اقولك وكنت ابي أودعك بس ماطلعتي
كان كاتب آخر شي
احبك
فهد
موضي ابتسمت وقالت معقوله حبيته وراحت تصلي الاستخاره وحست براحه انتظرت فهد يرجع عشان تقول له
.....
